I Korintos 1:5 - Ashiri Aeuitaknup Iyohaichish Yona 1897

⁵ tambe nep ne yakka otta Shinuma gusu echi aoteknure; nep itak otta ne yakka, nep eraman-i otta ne yakka ne:

I Korintos 1:5 ပူးပေါင်းရင်းမြစ်များ

Apostoro ikip oma kambi 2:4

Orowa nei utara Ashkanne Ramat ani aeshik, aige, nei Ramat yere korachi, oya moshirʼun itak ani itak heashire nisa ruwe ne.

Roma 11:12

Aige, nei utara eikohaye ambe anak ne moshiri oteknure ambe ne chiki, orowa, nei utara so no ki-hi anak Oya un utara oteknure ambe ne a chiki; naa kasu no hembak pakno nei utara aeupakte-hi?

Roma 15:14

Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.

Roma 15:4

Nep ne yakka etoko wano anuye okaibe anak ne obitta un epakashnu gusu chieshinnuye nisa ruwe ne; chi utara anak ne yaiyupupu ambe gusu hemhem, Kamui nuyere itak gusu hetuku omaoma ambe gusu hemhem chipachipa kuni gusu ne na.

I Korintos 12:10

moshima guru auweingare; orowa shinen anak ne ramat uwandere: moshima guru anak oya moshirʼun itak ani ayere; shui, moshima guru anak ne oya moshirʼun itak itasare;

I Korintos 12:8

Inambe gusu ne yakun, Shinen otta wayashnu itak Ramat ani akore; moshima guru otta une no an Ramat orowa eramush itak akoropare:

I Korintos 13:2

Orowa, uweingara ku ki, nep ne yakka okai mukkep newa aeramu kuni ambe ku eraman yakka; shui, nupuri moimoyegere pakno an obitta no okai eishokor-i ku goro yakka, omap ambe ku sak chiki, raka isambe ku ne ruwe ne.

I Korintos 13:8

Omap ambe anak ne ramma pakno shomo aokere: koroka, uweingara ki ambe an chiki aisamka kusu ne; usa itak ani ye ambe an chiki aokere; aeramushbe an chiki aisamka kusu ne.

I Korintos 14:26

Yakun, nekon a iriwak utara? Echi utara uwekarapa ita pishno pishno iyohaiochish an, epakashi an, aeramandep an, oya itak an, itak itasare ambe an. Nep ne yakka utara ashte gusu aki kuni kara yan.

I Korintos 8:11

E ki eramushbe gusu nei a katchak guru, gusu Kiristo rai akoro iriwak ne guru, aisamka ruwe ne.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

II Korintos 6:10

apakashnu yakka, shomo aronnu; oknatara korachi ne a yakka, ramma nupetne, oteksak korachi ne a yakka, inne utara oteknure; nep ne yakka sak no an korachi ne a yakka, obitta no okaibe kon ruwe ne na.

II Korintos 8:7

Koroka, eishokor-i gusu hemhem, itak gusu hemhem, eramushbe gusu hemhem, yuptek no iki ambe gusu hemhem, un omap kuni ambe gusu hemhem, orowa nep ne yakka gusu hemhem echi nuye an no okai ruwe ne korachi, tambe nei no tan irenga gusu ne yakka nuye an no okai kuni ki wa en kore.

II Korintos 9:11

echi utara nep ne yakka gusu ara eikaunno aepirikare an na, tambe anak un gusu Kamui koyaiiraigere ikip ne ruwe ne.

Epesos 1:17

aige, chikoro Utarapa ne Yesu Kiristo koro Kamui, nupeki koro Michi, echi utara Shinuma eramande kuni ne echi wayashnure newa eramande gusu an ramat echi koropare;

Epesos 2:7

tambe anak iyoshi no ek paha ikiri ta Kiristo Yesu oshiketa okai un epeka no an irenga newa iyeramuhauge ambe shi no nuye an no an ambe un nukare kusu ne okaibe ne:

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Epesos 6:19

samata, ku paroho ku maka wa pirika shongo gusu an anuina ambe ku eupaskuma ehonnai shomoki no a en itakte kuni ne,

Piripoi 1:9

Orowa, tambe gusu inonno-itak ku ki: echi ki omap ambe anak ne naa naa eramu ambe otta hene,

Korosai 2:3

Kamui mukkep eraman kuni gusu nep; nei mukkep anak ne Kiristo ne, aige, Shinuma oshiketa wayashnu ambe newa eramushbe oma aeoteknup anuina wa an na.

Korosai 3:10

nei arabe anak ne orowa no akara Kamui koro katuhu nei no eramanushbe gusu ashinno akara korʼan ruwe ne:

Yakob 3:13

Echi tumta wayashnu wa eramush guru nen ne ruwe? Nei guru ishu wa pirika buri koro hine ramurotcha an wayashnu ikip nukare yan.

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.