I Korintos 1:27 - Ashiri Aeuitaknup Iyohaichish Yona 1897

²⁷ inne no okai nupuru utara shomo ne ruwe ne: koroka, wayashnu utara yainikoroshmare kuni gusu Kamui anak ne moshiri ta okai ramuisambe numge nisa; orowa, kiroroashnu okaibe yainikoroshmare kuni ne Kamui anak ne kirorosakbe numge nisa ruwe ne na;

I Korintos 1:27 ပူးပေါင်းရင်းမြစ်များ

Iyohaichish 8:2

E ramushitnere utara gusu hemhem, Samata, epokba guru newa ikemnu guru hemhem amore kuni gusu, Aokai anak ne aiai newa tonon utara paroho wano kiroro ashte nisa ruwe ne.

Mattaios 11:25

Nei ita Yesu ese wa ene itak-hi :— Kando newa moshiri koro Utarapa ne Ku Michi, tan orushpe wayashnu utara newa oramush utara gusu nuina wa aiai otta nukare nisa ruwe ne gusu, Ku yaiiraige ash na:

Mattaios 21:16

Tan utara ye itak E nu ya? ari itak. Orota Yesu ene itak-hi :— O un: Aiai utara newa tonun utara paroho orowa no Aokai anak ne ramuyere kuni ambe eramushinnere nisa ruwe ne, ari an itak echi oro-oitak shomoki ruwe he an?

Mattaios 9:9

Yesu tewa no oman wa shirikush, aine, yaku etaye chisei otta a wa an Mattaios ani aye ainu nukara hine orota ene itak-hi :— En osh ek yan, Orowa, nei guru hopuni wa Shinuma osh oman nisa ruwe ne na.

Roukos 21:15

Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.

Apostoro ikip oma kambi 17:18

Orowa, Stoik newa Epikuria un utara koro epakashi gusu eramush an utara anak ne shinuma etunangara. Aige, Tan patachinne guru hemanda itak ani itak sange kushki ya? ari itak utara okai: shui, shinuma anak ne Oya Kamui assuru ashte guru ne kotom an, ari itak utara ka okai: Shinuma anak ne Yesu newa hetopo-shiknu ambe eupaskuma ruwe ne gusu ne na.

Apostoro ikip oma kambi 7:35

Hunna eani un esapane wa koipishi guru ne kuni kara ya? ari an itak ani ye wa eshishi tan Mose anak, hash oshiketa, orota yainukare hauturumbe koro teke ani esapane guru newa kikirayep ne kuni gusu Kamui anak ne shinuma omande nisa ruwe ne.

Apostoro ikip oma kambi 7:54

Orowa, utara anak ne tap okaibe nu chiki, sarabe tuitui wa nimakihi ko-nirewe nisa ruwe ne na.

I Korintos 1:20

Wayashnu guru neita an a? kambi-nuye guru neita an a? Tan ainu ikiri ta upahunara guru neita an a? Kamui anak ne moshiri gusu an wayashnu ambe ani aeramu-isambe ne kara shomoki nisa ruwe he an?

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Korintos 2:12

Koroka, chi utara anak ne moshiri kon ramat shomo uina, koroka, Kamui orowa no an ramat a un kore an; nei ambe anak Kamui orowa no a un eungeraite ambe chi eraman kuni gusu ne na.

II Korintos 10:10

Inambe gusu ne yakun, shinuma ette kambi anak ne pase newa yupkep ne: koroka, koro tumama kat anak katchakbe ne, koro itak nep ne aramu kunip shomo ne ruwe ne, ani nei utara ye ruwe ne gusu ne na.

II Korintos 4:7

Koroka, nei shiri poro kiroro anak ne un orowa no shomo ne, Kamui orowa no an kuni gusu, toitoi op oshiketa chi utara tan ikoro kon ruwe ne;

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?