I Korintos 1:23 - Ashiri Aeuitaknup Iyohaichish Yona 1897

²³ koroka, chi utara anak ne utasa chikuni otta akungi-kokikkik Kiristo eupaskuma ash, tambe anak Yudea un utara gusu aureepetchiurep ne, orowa, Oya utara gusu aeramusambe ne ruwe ne;

I Korintos 1:23 ပူးပေါင်းရင်းမြစ်များ

Mattaios 11:6

Orowa, nen ne yakka En gusu epetchiu kuni ika nukara shomoki guru anak ne anunuke ne ruwe ne — sekoro itak.

Mattaios 13:57

Orowa, Shinuma gusu nei utara aureepetchiure nisa ruwe ne na. Koroka, Yesu nei utara otta ene itak-hi :— Uweingara guru anak ne yaikota koro moshiri ta hene koro unihi ta hene moshima an ushiketa ne yakun aeoripakbe ne, sekoro itak.

Roukos 2:34

Simeon nei utara nunuke, orowa, koro habo Maria otta ene itak-hi :— Ingarʼan, tan aiai anak ne Israeru un inne utara hachiripa hemhem ki hopumba hemhem ki, samata, gusu sempirike-oitak shirosh ne kuni ne aande ruwe ne;

I Korintos 1:18

Inambe gusu ne yakun, utasap gusu an itak anak ne aisamka korʼan utara gusu haita ambe ne; koroka, kashiaobiuki korʼan chi utara gusu anak Kamui koro kiroro ne ruwe ne.

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Korintos 1:28

orowa, an okaibe isamka kuni ne Kamui, tan moshirʼun nupanbe newa aepange okaibe, — nei isam okaibe numge nisa ruwe ne:

I Korintos 2:14

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

I Korintos 2:2

Inambe gusu ne yakun, Yesu Kiristo newa utasa chikuni otta akungi kokikkikbe moshima, echi tumugeta nep ne yakka ku erampeutek kuni ku ramuoshitchiu nisa ruwe ne.

I Korintos 4:10

Kiristo rengap gusu chi utara anak ne ramu-isambe chi ne, koroka, echi utara anak ne Kiristo otta wayashnu utara echi ne; chi utara anak ne katchakbe ne koroka, echi utara anak ne okirashnup ne; echi utara aeoripakbe ne, chi utara anak ne a shomo eyaikatunup chi ne ruwe ne.

II Korintos 4:5

Inambe gusu ne yakun, chi utara anak ne yaieupas-kuma shomoki, koroka, Kiristo Yesu anak Utarapa ne korachi an orushpe eupaskuma ki, samata, Yesu korʼirenga gusu chi utara anak echi koro uitek utara chi ne sekorʼambe eupaskuma ruwe ne gusu ne na.

Garatea 3:1

Ramu-isambe Garatea un utara, echi koro shik samata Yesu Kiristo aande wa anukan no utasa chikuni otta araige, awa, echi shiren guru nen ne ruwe he an?

Garatea 5:11

Koroka, iriwak utara, kuani anak ne okarituye orushpe eupaskuma yakun, nep gusu tane ne yakka, a en keslike wa an a? Yak anak ne utasa chikuni gusu an ureepetchiurep anak aisamka nisa ruwe ne na.

Garatea 6:14

Koroka, chikoro Utarapa ne Yesu Kiristo koro utasa chikuni gusu moshima oara shomo ku yaiomonnure ku ki na; nei ambe ani en gusu moshiri utasa chikuni otta akotukka, samata, moshiri gusu kuani utasa chikuni otta akotukka nisa ruwe ne.

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

I Petros 2:8

Orowa, Eshitchiure kuni shuma, epetchiure kuni watara ne akan nisa ruwe ne: inambe gusu ne yakun, nei utara itakkashi wa eshitchiu ruwe ne; nei ambe gusu poka nei utara anak ne aashte nisa ruwe ne.