I Korintos 1:21 - Ashiri Aeuitaknup Iyohaichish Yona 1897

²¹ Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Korintos 1:21 ပူးပေါင်းရင်းမြစ်များ

Mattaios 11:25

Nei ita Yesu ese wa ene itak-hi :— Kando newa moshiri koro Utarapa ne Ku Michi, tan orushpe wayashnu utara newa oramush utara gusu nuina wa aiai otta nukare nisa ruwe ne gusu, Ku yaiiraige ash na:

Roukos 10:21

Nei i pakita hita Shinuma anak ne Ashkanne Ramat ani nupetne, awa, ene itak-hi :— Kando newa moshiri Utarapa ne Ku Michihi, Aokai anak ne tap okaibe wayashnu utara newa ramu an utara wano nuina wa aiai otta nukare gusu Ku koyaiiraige ash na. Ruwe newa Michihi, tambe korachi an-i anak ne Aokai aesanniyop ne ruwe ne gusu ne na.

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Roma 1:28

Orowa, nei utara anak ne koro keutum ta Kamui ramepakari poka kopan nisa ruwe ne gusu, aki kuni

Roma 11:33

Aa Kamui aeoteknu an wayashnu ambe newa eramushbe ooho ambe! Shinuma esanniyop hemanda aehunara eaikapbe, Shinuma ruhu nep chimichimi

I Korintos 1:18

Inambe gusu ne yakun, utasap gusu an itak anak ne aisamka korʼan utara gusu haita ambe ne; koroka, kashiaobiuki korʼan chi utara gusu anak Kamui koro kiroro ne ruwe ne.

I Korintos 1:23

koroka, chi utara anak ne utasa chikuni otta akungi-kokikkik Kiristo eupaskuma ash, tambe anak Yudea un utara gusu aureepetchiurep ne, orowa, Oya utara gusu aeramusambe ne ruwe ne;

I Korintos 1:24

koroka, anishuk wa okai utara gusu, Yudea un utara ne yakka Herenes un utara ne yakka, Kiristo anak ne Kamui koro kiroro ne, Kamui wayashnu ambe ne ruwe ne.

I Korintos 1:25

Inambe gusu ne yakun, Kamui koro ramusakbe anak ne utara kasu no wayashnu ambe ne; orowa, Kamui okirasapbe anak ne utara kasu no okirashnu ambe ne ruwe ne gusu ne na.

I Korintos 1:27

inne no okai nupuru utara shomo ne ruwe ne: koroka, wayashnu utara yainikoroshmare kuni gusu Kamui anak ne moshiri ta okai ramuisambe numge nisa; orowa, kiroroashnu okaibe yainikoroshmare kuni ne Kamui anak ne kirorosakbe numge nisa ruwe ne na;

I Korintos 11:32

Koroka, akoipishi ita moshiri tura no iteki akokatpakte kuni ne Utarapa orowa no apakashnu ruwe ne.

I Korintos 2:14

Rengaine an ainu anak ne Kamui Ramat gusu an okaibe shomo uk ruwe ne: shinuma gusu nei okaibe ramusakbe ne ruwe ne gusu ne na; shui, shinuma nei ambe eraman eaikap, ramat ani koipishi kuni gusu an okaibe ne ruwe ne gusu ne na.

I Korintos 4:10

Kiristo rengap gusu chi utara anak ne ramu-isambe chi ne, koroka, echi utara anak ne Kiristo otta wayashnu utara echi ne; chi utara anak ne katchakbe ne koroka, echi utara anak ne okirashnup ne; echi utara aeoripakbe ne, chi utara anak ne a shomo eyaikatunup chi ne ruwe ne.

I Korintos 6:2

Samata, ashkanne utara anak ne moshiri koipishi kusu ne ambe shomo echi eraman ya? Orowa, moshiri anak ne echi orowa no akoipishi chiki, iyotta saure ambe gusu koipishi kuni echi oupak shomoki ruwe he an?

Garatea 1:15

Koroka, Kamui rengaine ku goro habo honihi wano en usa ande wa, oya utara tumugeta eupaskuma kuni ne en oshiketa koro poho nukare hine koro irenga ani en tak ita anak ne,

Garatea 4:8

Koroka, nei ita anak ne echi utara Kamui eamkiri shomoki wa, shomo Kamui ne okaibe otta ausshiunere nisa ruwe ne:

Epesos 1:9

Shinunra koro keutum ta an anuinap rengaine a un eramande;

Epesos 3:10

tambe anak ne Kamui chikoro Utarapa ne Kiristo Yesu gusu shashuishiri wano an keutum an korachi,

Korosai 1:19

Inambe gusu ne yakun, obitta no okai eupakte-i Shinuma oshiketa oshiroma kuni ambe anak Shinuma irenga ne ruwe ne gusu ne na;

Hebraios 1:14

Nei okaibe anak ne kashichiobiuki ambe eikeshkoro kushki utara rengap gusu auitek kuni ne aomande yaishieiwangere ramat shomo ne ruwe he an?

Hebraios 2:3

ene poro kashiobiuki-hi ikorampoktuye chiki, nekon a ahonnere ash kusu ne ya? Nei ambe anak ne atpaketa Utarapa orowa no aye, awa, nei ambe nu utara ani un orun sonnere nisa ruwe ne;

Hebraios 7:25

Tambe gusu, Shinuma anak ne utara gusu koramkoro kuni ne ramma ishu shiriki, aine, Shinuma kari Kamui koehange no araki utara earikinne kaobiuki eashkai ruwe ne na.

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.

Yakob 5:15

eishokoro an inonno-itak anak ne tashum guru shiknure, Utarapa anak ne Shinuma iwangere kusu ne na: samata, shinuma katpak ki a chiki atusare kusu ne na.

Yakob 5:20

koro ohaita katpak eyaikokatpakte guru anak ne rai-i orowa no ramat ohaita re kusu ne, samata, inne no okai katpak kamure kusu ne na.