I Korintos 1:20 - Ashiri Aeuitaknup Iyohaichish Yona 1897

²⁰ Wayashnu guru neita an a? kambi-nuye guru neita an a? Tan ainu ikiri ta upahunara guru neita an a? Kamui anak ne moshiri gusu an wayashnu ambe ani aeramu-isambe ne kara shomoki nisa ruwe he an?

I Korintos 1:20 ပူးပေါင်းရင်းမြစ်များ

Mattaios 13:22

Orowa, ai-ush ni an ushiketa aetoita gurʼanak ne, tambe anak nei itak nu; orowa, kanna moshiri gusu an nishomap ambe hene, aeoteknu ambe gusu an kokandama ambe hene gusu, nei itak ateye, aige, ibehe shomo hetukure gunʼne.

Yoannes 12:31

Tane anak ne tan moshiri koipishi an ruwe ne; tane anak ne tan moshiri un esapanep aoashinge kusu ne na.

Apostoro ikip oma kambi 17:18

Orowa, Stoik newa Epikuria un utara koro epakashi gusu eramush an utara anak ne shinuma etunangara. Aige, Tan patachinne guru hemanda itak ani itak sange kushki ya? ari itak utara okai: shui, shinuma anak ne Oya Kamui assuru ashte guru ne kotom an, ari itak utara ka okai: Shinuma anak ne Yesu newa hetopo-shiknu ambe eupaskuma ruwe ne gusu ne na.

Roma 1:20

Inambe gusu ne yakun, moshiri akara orowa no an Shinuma koro anukara eaikapbe anak ne irammakaka anukara wa okai, akara wa an okaibe gusu aeramu ambe ne ruwe ne gusu ne na; Shinuma koro otusashuishiri pakno an kiroro newa Kamui-oibe ne; tambe gusu, ne i utara gusu yayapapu ki eashkai gusu an ushike ka isam ruwe ne:

Roma 1:22

Wayashnu utara ne sekoro yaikota gusu ye wa, oibe-sakbe ne, aige, munin eaikap Kamui koro nupeki itasare wa munin kuni ainu hene,

I Korintos 1:19

Inambe gusu ne yakun, ene chieshinnuye wa an na. Kuani anak ne wayashnu utara koro wayashnu ambe ku isamka kusu ne, Orowa, eramush utara koro eramushbe ku emaka kusu ne na.

I Korintos 1:26

Inambe gusu ne yakun, iriwak utara, otta echi aenishuk ambe ingarʼan, kam gusu wayashnu utara inne no shomo ne, inne no okai mondum koro utara shomo ne,

I Korintos 1:27

inne no okai nupuru utara shomo ne ruwe ne: koroka, wayashnu utara yainikoroshmare kuni gusu Kamui anak ne moshiri ta okai ramuisambe numge nisa; orowa, kiroroashnu okaibe yainikoroshmare kuni ne Kamui anak ne kirorosakbe numge nisa ruwe ne na;

I Korintos 1:28

orowa, an okaibe isamka kuni ne Kamui, tan moshirʼun nupanbe newa aepange okaibe, — nei isam okaibe numge nisa ruwe ne:

I Korintos 11:32

Koroka, akoipishi ita moshiri tura no iteki akokatpakte kuni ne Utarapa orowa no apakashnu ruwe ne.

I Korintos 2:6

Yakka aeramushinne okere utara tumugeta wayashnu ambe chi ye, aine, nei wayashnu-hi anak ne tan moshirʼun wayashnu ambe shomo ne, shui, isam kushki tan moshirʼun epungine utara korobe shomo ne ruwe ne:

I Korintos 2:8

tan moshiri epungine utara obitta erampeutek ruwe ne: inambe gusu ne yakun, nei utara eraman chiki, nupeki koro Utarapa utasa chikuni otta kungi kokikkik shomoki a nangon na:

I Korintos 3:18

Inan guru ne yakka, iteki yaikota yaikokandama yan. Tan moshirʼotta echi tumugeta nen ka wayashnu ne sekoro yaikota gusu yai-yainu guru an chiki, wayashnu guru ne kuni ne, ramu-isambe ne kuni gusu yai-kara yan.

I Korintos 3:19

Inambe gusu ne yakun, tan moshirʼun wayashnu ambe anak ne Kamui kotchaketa ramu-isambe ne ruwe ne gusu ne na. Ene chieshinnuye wa an na :— Koro irarabe gusu Shinuma anak ne wayashnu utara kishima ruwe ne: orowa shui, —

I Korintos 6:2

Samata, ashkanne utara anak ne moshiri koipishi kusu ne ambe shomo echi eraman ya? Orowa, moshiri anak ne echi orowa no akoipishi chiki, iyotta saure ambe gusu koipishi kuni echi oupak shomoki ruwe he an?

Yakob 4:4

Omoinu koro utara, moshiri kateomare ambe anak ne Kamui epokbap ne sekoro shomo echi eraman ya? Tambe gusu, nen ne yakka moshiri kateomare kuni ramu gurʼanak ne, Kamui epokba guru ne yaikara ruwe ne.