I Korintos 1:17 - Ashiri Aeuitaknup Iyohaichish Yona 1897

¹⁷ Inambe gusu ne yakun, baptisma kore kuni ne Kiristo anak ne en omande shomoki; koroka, Pirika shongo eupaskuma kuni gusu en omande nisa ruwe ne: itak wayashnu ambe ani shomo ne, ikineipeka Kiristo koro utasap ika arakasakte kuni gusu ne na.

I Korintos 1:17 ပူးပေါင်းရင်းမြစ်များ

Yoannes 4:1

Yoannes kasu no Yesu anak ne inne koikara utara kara wa otta baptisma kore korʼan sekoro

Yoannes 4:2

Parisee un utara nu shiri Utarapa eramʼan chiki (koroka, Yesu yaikota baptisma kore shomoki no koro koikara utara baptisma kore),

Apostoro ikip oma kambi 10:48

Orowa, Shinuma kashpaotte wa Yesu Kiristo kon reihei otta baptisma korara nisa ruwe ne. Orowa no Shinuma toada naa an toho ta reushi kuni ne nei utara koramkon nisa ruwe ne na.

I Korintos 2:1

Orowa, iriwak utara, echi otta ku ek ita anak ne pawetokkoro itak ani hene wayashnu itak ani hene Kamui nuinap echi orun eupaskuma shomoki nisa ruwe ne.

I Korintos 2:13

Nei okaibe ka chi ye, ainu wayashnu ambe epakashnu itak ani shomo ne, koroka, Ramat epakashnup ani ye ruwe ne; ramat oma okaibe ani ramat oma okaibe ukonukara wa iki ruwe ne na.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 10:10

Inambe gusu ne yakun, shinuma ette kambi anak ne pase newa yupkep ne: koroka, koro tumama kat anak katchakbe ne, koro itak nep ne aramu kunip shomo ne ruwe ne, ani nei utara ye ruwe ne gusu ne na.

II Korintos 11:6

Koroka, itak gusu ramat-sakbe ku ne a yakka, eramushbe gusu ramat-sakbe shomo ku ne; son no newa, echi utara gusu obitta no okai utara tumugeta nep ne yakka sarare ash nisa ruwe ne.

II Korintos 4:2

koroka, anuina wa okai gusu yainikoroshma kuni ambe chi emaka wa, irarabe gusu apkash shomoki, samata, Kamui itak shunge no eiwange shomoki ruwe ne; koroka, sonep nukare gusu Kamui tek-samata obitta no okai utara koro keutum otta yaikota yaiashte ruwe ne.

II Petros 1:16

Inambe gusu ne yakun, echi utara anak ne chikoro Utarapa ne Yesu Kiristo koro kiroro newa ek an-i echi nure ash ita, ashkai no aoshke uwepekere koro wa ki shomoki, koroka, chi utara anak ne Shinuma koro poro pase ambe shiki ari nukara utara chi ne ruwe ne gusu ne na.