I Korintos 1:12 - Ashiri Aeuitaknup Iyohaichish Yona 1897

¹² Tan ikkewehe an na, pishno pishno echi ye hawe ene ani :— Kuani anak ne Pauros otta an; kuani anak Aporros otta an; Kuani anak ne Kepas otta an; kuani anak ne Kiristo otta an, ari an itak ani echi ye ruwe ne.

I Korintos 1:12 ပူးပေါင်းရင်းမြစ်များ

Mattaios 23:8

Koroka, echi utara anak ne iteki Rabbi ani aye yan: inambe gusu ne yakun, echi koro epakashnu guru anak ne shinen ne, aige, echi utara obitta uiriwak ne ruwe ne.

Yoannes 1:42

Orowa, shinuma Yesu otta atura wa ek. Yesu shinuma nukara wa ene itak-hi :— Yoannes poho Simon e ne ruwe ne: eani Kepas ani aye kusu ne (tan itak eipakita ne yakun “Shuma” ani an itak ani ibehe kon ruwe ne).

Apostoro ikip oma kambi 18:24

Orowa, Ariksandria un ikiri an eramush guru ne Aporos ari an reihei koro shine Yudea un guru anak ne Epesos kotan ta ek; Shinuma anak ne Kamui kambi-sosh gusu kiroroashnu guru ne.

Apostoro ikip oma kambi 19:1

Orowa, Aporos anak ne Korintos kotan ta an rapoketa, Pauros pena un kotan kush wa Epesos kotan ta ek,

I Korintos 1:11

Inambe gusu ne yakun, ku iriwak utara, echi tumugeta upaore an sekoro Kroe chisei un utara orowa no echi utara gusu a en eramande an na.

I Korintos 15:5

awa, Kepas otta yainukara; okaketa, nei tu niu ikashima wa niu otta hemhem;

I Korintos 15:50

Iriwak utara, tambe ku ye :— Kam newa kem anak ne Kamui moshiri eikeshkoro eaikap ruwe ne; samata, munin kunip anak ne shomo muninbe eikeshkoro shomoki ruwe ne.

I Korintos 16:12

Koroka, iriwak ne Aporros gusu anak, utara tura no echi orun shinuma ek kuni shiarikiki no ku onishnishi nisa ruwe ne: a koroka, tane ek kuni ambe anak ne aeaikapbe ne; yakka, eashkai ita ek kusu ne na.

I Korintos 4:6

Orowa, ku iriwak utara ne echi utara gusu itakmaukushte an shirosh ani tap okaibe kuani yaiotta newa Aporros otta ne yakka ku kotukka nisa ruwe ne; chi utara gusu iteki chieshinnuye wa an okaibe kama kuni ne echi eyaihannokkara; samata, nen ne yakka uwe-epeka echi tumugeta iteki an guru gusu pittarane kuni gusu ne na.

I Korintos 7:29

Koroka, tambe ku ye, iriwak utara, pakihi anak ne ataknere wa an, tambe gusu, tewa no machi koro utara anak ne mat sak korachi ne;

I Korintos 9:5

Samata, moshima okai apostoro utara iki korachi, Utarapa koro iriwak utara iki korachi, shui Kepas iki korachi eishokoro wa okai machihi ekeshne ani wa apkash kuni rengaine an mondum shomo chikon ruwe he an?

II Korintos 10:7

Echi utara anak ne echi nan kotpoketa orun ingara shiriki. Kiristo korobe ne sekoro yaioshiketa eishokoro inan guru ne yakka an chiki, yai-tura kanna-shui tambe yaikoshiramshuibarero; shinuma anak ne Kiristo korobe ne-hi korachi, chi utara ne yakka ene ani ne ruwe ne.

II Korintos 9:6

Koroka, tambe ku ye-hi :— Shihopinupka wa etoita gurʼanak ne shihopinupka no nange kusu ne, eikanno etoita gurʼanak ne eikanno nange kusu ne na.

Garatea 2:9

orowa, en orun koropare an irenga nei utara nukara chiki, ikushpe ne aesanniyo wa an Yakob newa Kepas newa Yoannes anak ne iriwak ne kuni shimon tekehe en otta newa Barnabas otta koropare nisa ruwe ne, tambe anak nei utara okarituye buri akire utara otta paye, orowa, chi utara anak ne Oya utara otta paye ash kuni gusu an ambe ne:

Garatea 3:17

ruwe ne, nei ambe anak ne Kiristo ne ruwe ne. Orowa, tambe ku ye; — Tu shine wan hotne pa ikashima wan e tu hotne paha okaketa ek tuitak anak ne aeikanrbak-tep raka sakte kuni hoshiki no Kamui orowʼa no aashte