I Korintos 1:10 - Ashiri Aeuitaknup Iyohaichish Yona 1897

¹⁰ Iriwak utara, echi utara obitta shine itak sange, aige, echi tumugeta utumkush keutum isam kuni ne, chikoro Utarapa ne Yesu Kiristo kon reihei ankushkeraipo echi onishnishi ash ruwe ne; koroka, echi utara shine keutum koro, aige, shine esanniyop ki hine ukoiram no aeramushinnere gusu aki na.

I Korintos 1:10 ပူးပေါင်းရင်းမြစ်များ

Iyohaichish 133:1

INGARʼAN, shine keutum koro wa uiriwak utara oshiroma-hi anak ne, Nep pirika wa eramasure ambe humi!

Mattaios 9:16

Chiworo-at ani fushko amip utapke guru isam: nei no ki yakun, autapke ambe anak ne fushko ambe orowa no yara,

Markos 2:21

Chiworo-at ani fushko amip utapke guru isam; nei no ki yakun autapke ashiribe anak ne fushko ambe orowa no yara, orowa, nei yara ushike naa aporore ruwe ne.

Markos 3:24

Moshiri uirup anak ne yaikota gusu utashpa uwekopi wa okai chiki, nei moshiri ash eaikap ruwe ne.

Yoannes 10:19

Shui, tan itak gusu, Yudea un utara tumugeta eukopi hopuni nisa ruwe ne.

Yoannes 17:23

nei utara shinep otta aokere kuni gusu, Kuani nei utara oshiketa Ku an, orowa, Aokai En oshiketa E an; samata, Aokai anak ne En omande wa En omap korachi, nei utara ne yakka Aokai omap shiri moshiri eraman kuni gusu ne na.

Yoannes 7:43

Orowa no, Shinuma gusu inne utara tumugeta eukopi an ruwe ne.

Yoannes 9:16

Tambe gusu, Parisee un sereke utara anak ne ene itak-hi :— Tan guru anak ne Shini toho shikkashima shomoki gusu Kamui orowa no ekbe shomo ne ruwe ne, ari itak. Koroka, nekon a iki wa tap korachi an shirosh katpak koro guru ki eashkai ya moshima okai utara ye nisa ruwe ne. Orowa no, nei utara tumugeta eukopi an na.

Apostoro ikip oma kambi 4:32

Orowa, eishokoro wa okai nei inne utara anak ne shine sambe shine keutura koro; aige, nen ne yakka koro wa an okaibe anak ne yaikota korobe ne ari shomo itak ruwe ne, koroka nep nep ne yakka utura ouse no kon nisa ruwe ne na.

Roma 1:13

Orowa, iriwak utara, moshima okai oya uirup utara tumugeta an nei no echi tumugeta ne yakka ibehe ku koro kuni ne, kanna-kanna echi orun ku arapa kuni ku esanniyo a-hi echi onnere shomoki ambe ku kopan (koroka tane pakno shinnetush nisa ruwe ne na).

Roma 12:1

Tambe gusu, iriwak utara, echi kon netobake ishu, ashkanne, Kamui nupetnere ayange kunip echi yange kuni ne, Kamui rampoken ankushkerai echi onishnishi ash ruwe ne, tambe anak ne echi ki kuni gusu an ongami kunip ne ruwe ne gusu ne na.

Roma 12:16

Uweutashpa chishineramkore yan. Iteki ri okaibe yainu yan, koroka, ra un okaibe ani yaiaturare yan.

Roma 15:30

Orowa, iriwak utara, kuani Yudea kotan ta okai itakkashi utara orowa no aohaitare kuni hene, gusu Yerusarem otta a en eiwangerep anak ne ashkanne utara nupetnere kuni hene,

Roma 16:17

Iriwak utara, echi aepakashnu epakashi echutko no, uwekoppa newa aepetchiure kunip hetukure utara eshishi kuni echi onishnishi ash na.

I Korintos 1:11

Inambe gusu ne yakun, ku iriwak utara, echi tumugeta upaore an sekoro Kroe chisei un utara orowa no echi utara gusu a en eramande an na.

I Korintos 11:18

Hoshiki no, karisia otta echi uwekarapa ita, echi tumugeta eukopi an sekoro ku nu: orowa, kuani pon no nei ambe ku eishokon ruwe ne.

I Korintos 12:25

tambe anak ne netobake otta utumkushbe isam ruwe ne gusu ne na; samata, nei awehe anak ne utashpa uwe-eyam kuni gusu ne ruwe ne.

I Korintos 3:3

tane poka ne yakka echi uk eaikap ruwe ne; inambe gusu ne yakun, echi utara tane ne yakka kam oma utara echi ne: echi tumugeta eyaitunnap newa upaore ambe an chiki, kam echi oma wa ainu utara korachi shomo echi apkash ruwe he an?

I Korintos 4:16

Tambe gusu, echi en ikoisamba kuni gusu kuani echi onishnishi ash ruwe ne.

II Korintos 10:1

Echi tumugeta an ita yaieoripakka, koroka, tane oyakta an wa echi epeka rametokkoro Pauros ne kuani anak ne, Kiristo gusu an ramushiroma ambe newa rotcha ambe gusu echi onishnishi ash na:

II Korintos 13:11

Orowa, ku iriwak utara, sarampa. Aeramushinne no okai yan, aomaoma no okai yan; shine keutum koro yan; itomo an no okai yan; aine, omap ambe newa itomo koro Kamui echi tura no an kusu ne.

II Korintos 13:9

Echi utara anak ne tumashnu wa chi utara katchakbe ne ita, nupetne ash ruwe ne: aige, echi utara aeramushinnere kuni ambe, tap ambe gusu poka inonno-itak ash na.

II Korintos 5:20

Tambe gusu, chi utara anak ne Kiristo gusu ateshkara utara chi ne, Kamui chi utara ani onishnishi shiriki korachi nep.

II Korintos 6:1

Orowa, ukomonraige wa iteki raka isam no Kamui irenga echi akore kuni ne ne yakka koramkoro ash ruwe ne.

Garatea 4:12

Iriwak utara, echi utara en korachi okai kuni echi onishnishi ash, inambe gusu ne yakun, kuani anak ne echi utara korachi ku an ruwe ne:

Piripoi 1:27

Koroka, echi ki buri anak ne Kiristo koro pirika shongo kopakeat kuni ne ki yan: tambe anak, kuani ku ek wa echi nukara hene ki, shomo ku ek no echi koro orushpe ku nu hene ku ki chiki echi utara shine keutum koro wa uwetushmak no pirika shongo gusu shikkashima hine shine ramat otta tumashnu no echi roshki kuni ne kara yan;

Piripoi 3:16

ouse pakno shirepa ash okere-hi gusu nei no korachi apkash ashro.

I Tessaronike 5:13

samata, koro iki ikip gusu omap wa kooripak an no esanniyo yan. Yai uturu ta itomo irenga sange yan.

II Tessaronike 2:1

Iriwak utara, chikoro Utarapa ne Yesu Kiristo ek kusu ne a arabe newa Shinuma orun chi utara uwekarapa ash ambe newa gusu echi koramkoro ash ruwe ne;

I Timoteos 5:21

Oheuge sak no tap okaibe e iki, ainu kashiramu gusu shomo ki no nep ne yakka ki kuni ne Kamui tek-samata newa Kiristo Yesu teksamata newa anumge wa okai Kamui hauturumbe tek-samata newa e ikashpaotte ash na.

II Timoteos 4:1

Kamui shik-samata hemhem, shiknu guru ne yakka rai guru ne yakka koipishi Kiristo Yesu shik-samata hemhem, samata, Shinuma ek kusu ne a ambe newa koro moshiri ankushtapne e onishnishi ash na;

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.