Iyohaichish 9:2 - Ashiri Aeuitaknup Iyohaichish Yona 1897

² Kuani Aokai gusu yaikopuntek wa yainuchattek kusu ne; Iyotta rik un Kamui, E reihei gusu iyohaichish ku shinotchaki kusu ne.

Iyohaichish 9:2 ပူးပေါင်းရင်းမြစ်များ

Iyohaichish 138:1

RAMUOSSHI wano E koyaiiraige ash na: Kamui utara kotchaketa E orun iramyep ku shinotcha ki kusu ne.

Iyohaichish 26:7

Yaiiraige hau ku ashte kuni gusu, Samata, E ki aeiyokunnure ikip anure kuni gusu ne na.

Iyohaichish 27:6

Orowa tane anak en okari ta okai en epokba utara enkashita ku sapa ariknapuni kusu ne; Orowa, nupetne an ayangep Shinuma koro kash otta ku yange; Shinotcha ku ki, ruwe un, iramye kuni shinotcha Ehoba otta shinotcha ku ki kusu ne na.

Iyohaichish 28:7

Ehoba anak ne ku goro kiroro ne ku kikhumbe ne; Ku keutum anak ne Shinuma gusu eyaikopashte nisa ruwe ne, awa, a en kashiobiuki ruwe ne: Tambe gusu, ku keutum poron no nupetne; Ku goro shinotcha ani Shinuma orun ku reika kusu ne na.

Iyohaichish 43:4

Yakun, Kamui koro yange-set orota, Ku enupetne gusu yainuchattekbe orota ku arapa kusu ne: Orowa, Aa Kamui, ku goro Kamui, koto ku rekte wa ku iramye ash kusu ne na.

Iyohaichish 5:11

Koroka, Aokai gusu eyaikopashte utara obitta yainuchattek kusu ne; Aokai anak ne nei utara kikikara ruwe ne gusu, ramma pakno nupetne haukore-kunitara ruwe ne kusu ne na. Samata, E reihei omap utara Aokai enupetne kuni ne kara wa en kore.

Iyohaichish 7:17

Ehoba koro oupekap gusu otta ko-yaiiraige ku ki: Iyotta rik un E hoba reihei otta iyohaichish ku koshinotchaki kusu ne na.

Iyohaichish 83:18

Tambe anak ne, Ehoba ari an reihei koro Aokai patek, Ingi-moshiri koro Iyotta Rikunbe E ne ruwe ne sekoro aeramande kuni an ambe ne ruwe ne na.

Iyohaichish 86:12

Aa Utarapa ne ku goro Kamui, ramne keutum ani E koiramye ash kusu ne; Orowa, ramma pakno E kon reihei ku pasere ash kusu ne na.

Iyohaichish 92:1

EHOBA koyaiiraige ambe anak ne, Aa Iyotta Rikunbe, E reihei orun iramye an shinotcha ki-hi anak pirika ruwe ne na:

Iyohaichish 92:4

Aa Ehoba, Aokai anak ne E ki ikip ani en nupetnere nisa: E tekehe iki ikip gusu ku yaiomonnure kusu ne na.

Iyohaichish 96:3

Moshiri uirup tumugeta Shinuma koro nupeki nure, Utara tumta Shinuma ki iyokunnure ikip ashte yan.

Iyohaichish 97:12

Oupeka wa okai echi utara, Ehoba gusu yainuchattek yan; Aige, Shinuma koro Ashkanne reihei orun koyaiiraige yan.

Iyohaichish 97:9

Inambe gusu ne yakun, Aa Ehoba, Aokai anak ne toitoi ehitta kashiketa iyotta Rikunbe E ne: Obitta no okai Kamui kasu no Aokai anak ne apaserep E ne ruwe ne gusu ne na.

Piripoi 4:4

Ramma Utarapa enupetne yan: shui, nupetne yan, ani ku ye.