Iyohaichish 9:10 - Ashiri Aeuitaknup Iyohaichish Yona 1897

¹⁰ Orowa, E reihei eraman utara anak ne Aokai gusu eyaikopashte kusu ne; Inambe gusu ne yakun, Ehoba, Aokai anak ne E hunara utara emakba shomoki kusu ne gusu ne na.

Iyohaichish 9:10 ပူးပေါင်းရင်းမြစ်များ

Iyohaichish 37:28

Inambe gusu ne yakun, Ehoba anak ne aesanniyop omap wa, Koro ashkanne utara shomo emaka; Nei utara anak ne ramma pakno akoshiratki shiri okai: Koroka, wen utara koro santek anak ne aotuyeba kusu ne na.

Iyohaichish 37:39

Koroka, oupeka utara kashiobiuki ambe anak ne Ehoba otta an: Shinuma anak ne yairamhekomo ambe an ita nei utara koro kiroroashnu chashi ne ruwe ne.

Iyohaichish 5:11

Koroka, Aokai gusu eyaikopashte utara obitta yainuchattek kusu ne; Aokai anak ne nei utara kikikara ruwe ne gusu, ramma pakno nupetne haukore-kunitara ruwe ne kusu ne na. Samata, E reihei omap utara Aokai enupetne kuni ne kara wa en kore.

Iyohaichish 57:1

AA Kamui, en erampokiwen wa en kore, en erampokiwen wa en kore; Ku ramat anak ne E orun yainuina ruwe ne gusu ne na: Ruwe un, tan wenbe isam pakno, E koro tekkup sempiriketa ku yainuina kusu ne na.

Iyohaichish 91:14

Shinuma anak ne en omap gusu, tambe gusu kuani ikashiobiuki kusu ne: Shinuma anak ne ku reihei eamkiri gusu, ri ushiketa ku ande kusu ne na.

Yoannes 17:3

Orowa, nei utara anak ne patek shinen ne an sone an Kamui newa Aokai omande Yesu Kiristo eamkiri-i anak, tambe anak ne ramma okere shomoki inotu ne ruwe ne.

II Korintos 4:6

Yesu Kiristo koro nanuhu otta Kamui nupeki gusu an eramanbe oma pekere koropare kuni gusu chikoro keutum ta pekere kotomka Kamui anak ne kunne-i wano pekere at kusu ne, ari an itak ani ye Kamui ne ruwe ne gusu ne na.

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

I Yoannes 2:3

Shinuma ki ikashpaotte shikkashima ash yakun, tata ani chi utara Shinuma eamkiri ruwe ne sekoro chi eraman.

I Yoannes 5:20

ingi-moshiri anak ne wenbe otta okai ruwe ne. Orowa, sone an guru chi eamkiri kuni ne Kamui Poho ek wa un otta eraman mondum koropare nisa ruwe ne sekorʼambe chi eraman, orowa, sone an guru otta, Shinuma koro Poho Yesu Kiristo otta, chi okai ruwe ne. Tambe anak son no Kamui ne, shiokere shomoki inotu ne ruwe ne.