Iyohaichish 9:1 - Ashiri Aeuitaknup Iyohaichish Yona 1897

¹ SAMBE osshi pakno Ehoba ku ko-yaiiraige ash na; E koro aeiyokunnure ikip obitta ku assuru ashte kusu ne.

Iyohaichish 9:1 ပူးပေါင်းရင်းမြစ်များ

Iyohaichish 106:2

Ehoba iki kiroro ikip ye eashkai guru hunna? Shinuma koro obitta no okai iramye ambe atte eashkaibe hunna ruwe he an?

Iyohaichish 111:1

YAH koiramye yan. Oupeka utara ukoramkor-i ta hemhem utara uwekari ta hemhem, Ramu osshi wano Ehoba ku koyaiiraige kusu ne na.

Iyohaichish 138:1

RAMUOSSHI wano E koyaiiraige ash na: Kamui utara kotchaketa E orun iramyep ku shinotcha ki kusu ne.

Iyohaichish 26:7

Yaiiraige hau ku ashte kuni gusu, Samata, E ki aeiyokunnure ikip anure kuni gusu ne na.

Iyohaichish 51:15

Aa Utarapa, ku papush maka wa en kore; Yakun, ku paro anak E ramye ash kusu ne.

Iyohaichish 7:17

Ehoba koro oupekap gusu otta ko-yaiiraige ku ki: Iyotta rik un E hoba reihei otta iyohaichish ku koshinotchaki kusu ne na.

Iyohaichish 86:12

Aa Utarapa ne ku goro Kamui, ramne keutum ani E koiramye ash kusu ne; Orowa, ramma pakno E kon reihei ku pasere ash kusu ne na.

Iyohaichish 9:14

Yak anak ne, obitta no okai E koro ramye kunip ku assuru ashte: Sion matnepo koro apa otta, E ki kashiobiuki-i gusu ku enupetne kusu ne na.

Roukos 10:27

Nekon a e orooitak ya? Nei guru ese wa ene itak-hi :— Sambe osshi wano hemhem, keutura osshi wano hemhem, kiroro an pakno hemhem, ramu an pakno hemhem, Utarapa ne e koro Kamui omap yan; orowa yaiomap korachi aota un guru ne yakka omap yan, ani itak.

Hebraios 13:15

Yakun, Shinuma ankushkerai ramma-kane chi utara Kamui orun iramye an ayange kunip yange anro, tambe anak, Shinuma kon reihei orun eyaipushi papush wano hetuku ambe ne ruwe ne.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.