Iyohaichish 7:9 - Ashiri Aeuitaknup Iyohaichish Yona 1897

⁹ Aa, wen utara koro wen-buri isamka, koroka, oupeka utara roshkire wa en kore; Inambe gusu ne yakun, oupeka Kamui anak ne keutum newa sambe ikkeu pakno shiruwande ruwe ne.

Iyohaichish 7:9 ပူးပေါင်းရင်းမြစ်များ

Iyohaichish 10:15

Wen guru koro amunin kaye wa en kore; Wen guru koro wen-buri obitta isam pakno Aokai hunara kusu ne na.

Iyohaichish 10:18

Moshiri kata an guru tewa no iteki ishitomare kuni gusu, Eshikop sak guru newa aeyairamkoikire utara gusu ipishi ki kusu ne na.

Iyohaichish 11:5

Ehoba anak ne oupeka guru shiruwande; Koroka, wen guru hemhem yupke buri omap guru hemhem Shinuma kon ramat etunne ruwe ne.

Iyohaichish 139:1

AA Ehoba, Aokai anak ne en pishi wa en eraman ruwe ne.

Iyohaichish 17:3

Aokai anak ne ku keutum shiruwande nisa; anchikara ta Aokai en orun ek nisa ruwe ne; En turusakte wa nep ka shomo E nukara; Ku paroho shomo ohaita kuni ne ku ramu-oshitchiu ruwe ne.

Iyohaichish 18:21

Wen wa ku goro Kamui ku osura shomoki no, Ehoba ruhu ku shikkashima nisa ruwe ne gusu ne na.

Iyohaichish 26:2

Aa Ehoba, en pishi wa en esanniyo wa en kore; Ku keutum newa kinop shiruwande wa en kore.

Iyohaichish 35:23

Yaitunashka wa en esanniyo gusu hopuni, Ku goro Kamui, ku goro Utarapa, en gusu an orushpe gusu ki wa en kore.

Iyohaichish 37:23

Ehoba anak ne ainu oman-i ashte; Orowa, nei guru anak ne Shinuma kon ruhu enupetne ruwe ne.

Iyohaichish 40:2

Shinuma anak ne sakayo an shui orowa no, yachi oma furetoi orowa no, en etaye; Aige, watara kata ku kema ande wa ku oman-i ashte nisa ruwe ne.

Iyohaichish 43:1

AA Kamui, en koipishi, shomo Kamui ko-oripak moshiri uirup gusu en eikotchane ki wa en kore: Shungep ki wa oheuge buri koro guru orowa no en ohaitare wa en kore.

Iyohaichish 44:21

Kamui anak ne nei ambe hunara shomoki ya? Shinuma anak ne keutum ta anuina wa an okaibe eraman ruwe ne gusu ne na.

Iyohaichish 58:6

Aa Kamui, nei utara koro paroho ta okai nimakihi kaye wa en kore: Aa Ehoba, nei upen shishi koro poro nimaki kaye wa en kore.

Iyohaichish 9:9

Samata, Ehoba anak ne aeyairamkoikire utara gusu ri chashi ne; Yairamhekomo an-i gusu ri chashi ne ruwe ne.

Iyohaichish 96:10

Moshiri uirup utara ene ye-hi:— Ehoba esapane korʼan: Moimoige eaikap kuni ne moshiri aashte wa an: Shinuma anak ne oupeka no utara koipishi kusu ne na.

Iyohaichish 96:13

Shinuma ek gusu, Ehoba kotchaketa ki yan; Moshiri koipishi gusu Shinuma ek ruwe ne: Shinuma oupeka no moshiri koipishi kusu ne, Son no ambe ani uirup utara koipishi kusu ne na.

Iyohaichish 98:9

Shinuma anak ne ek wa moshirʼun utara koipishi, Oupeka no moshiri newa utara kane koipishi kusu ne gusu ne na.

Apostoro ikip oma kambi 12:23

Orowa nani Utarapa hauturumbe shinuma kokik, Kamui koarakure shomoki nisa ruwe ne gusu ne na: orowa, tonin ani ae wa ramat koropare nisa ruwe ne.

Roma 16:25

Orosama, ku sange shongo newa Yesu Kiristo aeupaskuma ambe an nei no, otusashuishiri wano an pakihi pakno anu shomoki no ashikkashima, koroka,

I Tessaronike 3:13

tambe anak ne chikoro Utarapa ne Yesu obitta no okai koro ashkanne utara tura no ek ita, Shinuma anak chikoro Kamui newa Michihi kotchaketa ashkanne arabe gusu oheuge-sak no echi koro sambe ashte kuni gusu an arabe ne.

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

Youdas 1:1

Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na:

Ekambakbe 2:23

Orowa, rai ambe ani nei shiwentep koro poho utara Ku ronnu kusu ne; aige, Kuani anak ne kinop newa sambe chimichimi guru Ku ne ruwe ne ari an ambe obitta no okai karisia utara eraman kusu ne: samata, echi ikip an nei no pishno okai echi utara orota Ku kore kusu ne na.