Iyohaichish 66:7 - Ashiri Aeuitaknup Iyohaichish Yona 1897

⁷ Shinuma anak ne kiroro sange wa ramma pakno epungine: Shinuma koro shikihi moshiri uirup shiruwande: Okbare ki utara, iteki yaikota yairire yan. [Sera.]

Iyohaichish 66:7 ပူးပေါင်းရင်းမြစ်များ

Iyohaichish 11:4

Ehoba anak ne koro ashkanne kenru ta an; Ehoba koro amset kando kata an ruwe ne; Koro shikihi ingara, koro shikkap anak ne ainu poho shiruwande kusu ne.

Iyohaichish 140:8

Aa Ehoba, wen utara kon rusuibe iteki koropare; Koro wen ramepakari ambe iteki hetukure; ikineipeka nei utara yairikta ande kusu ne gusu ne na. [Sera.]

Iyohaichish 145:13

E koro moshiri anak ne ramma pakno an, Orowa, E koro esapane kuni mondum anak ne otusashuishiri pakno epa ruwe ne.

Iyohaichish 33:13

Ehoba anak ne kando orowa no herashi ingara; Shinuma anak ne obitta no okai ainu koro poho utara nukan ruwe ne.

Iyohaichish 62:11

Kamui anak ne arashui no itak, Tu shuine tambe ku nu nisa; Kiroro anak ne Kamui korope ne ruwe ne.

Iyohaichish 75:6

Inambe gusu ne yakun, rikna-puni ambe anak ne moshiripa wano hene, moshirigesh wano hene, Shui, nei nupuri oma nup wano hene shomo hetuku ruwe ne gusu ne na.

Mattaios 28:18

Orowa, Yesu nei utara otta ek wa itak sange hawe ene ani :— Moshiri kata ne yakka kando oshiketa ne yakka obitta no an mondum a en kore an na.

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.