A en iwende wa an gusu nuchattek utara ayainikoroshmare wa sambe-kokurusere wa en kore. En gusu yai riknare utara anak ne aeyainikorosh-marep ani hene sbomo-aoripak ambe ani hene amire kuni kara wa en kore.
Aa Kamui, nei utara kokatpakte wa en kore; Koro eukoramkorobe ani yaikota yaihachire kuni ne kara: koro obaitaburi inne ne gusu soyekatta okewe wa en kore; Shinuma utara Kamui okbare nisa ruwe ne gusu ne na.
Aa Ehoba, kinra keutum sange wa hopuni; En ramushitnere utara koro irushka-i epeka no hopuni wa en kore; Aesanniyo kuni ambe Aokai ikashpaotte gusu, en gusu mosh wa en kore.
Ku parumbe ne yakka to ebitta E koro oupeka ambe gusu itak kusu ne: Inambe gusu ne yakun, iwende rusui utara anak ne ayainikoroshmare, asambe-kokurusere wa okai ruwe ne gusu ne na.
Pirikap gusu an shirosh en nukare bine, En etunne utara nei ambe nukara wa ayainikorosh-mare, Aa Ehoba, Aokai en kaobiuki wa en omaoma nisa ruwe ne gusu ne na.
Itomo an, aeyaikikipbe isam, sekoro nei utara ye ita anak, nei ita po shikore shiwentep gusu ikoni an korachi, ekushkonna nei utara epeka isamka ambe hetuku kusu ne, aige, oara nei utara yaiohaitare shomoki kusu ne na.