Iyohaichish 55:1 - Ashiri Aeuitaknup Iyohaichish Yona 1897

¹ AA Kamui, ku ki inonno-itak nu wa en kore; Iteki ku koramkorobe otta yainuina wa en kore.

Iyohaichish 55:1 ပူးပေါင်းရင်းမြစ်များ

Iyohaichish 143:7

Aa Ehoba tunashino en orun koese, ku ramat ramurai ruwe ne: En otta iteki E nanuhu nuina; Ikineipeka shui orun rap utara nei no ku an ruwe ne kusu ne na.

Iyohaichish 17:1

AA Ehoba, oupekap nu, ku ashte hawe nu wa en kore; Shunge sak no an patoi wano oashin ku ki inonno-itak nu wa en kore.

Iyohaichish 27:9

En otta iteki E nanuhu nuina wa en kore; Iteki irushka wa oyakta en omande; Aokai anak ne en kashiobiukip ne; Aa en kashiobiuki Kamui, iteki en osura; iteki en emaka wa en kore.

Iyohaichish 28:1

AA Ehoba, E orun ku konishuk kusu ne; Ku Watara, iteki en eashpa wa en kore; En otta Aokai shomo itak yakun, Shui otta rap utara ku koheraye kusu ne gusu ne na.

Iyohaichish 5:1

AA Ehoba, ku ye itak ikokanu wa en kore, Ku ramepakari ambe esanniyo wa en kore.

Iyohaichish 6:1

AA Ehoba, iteki irushka wa en pakashnu wa en kore, Iteki seisek no irushka wa en panakte wa en kore.

Iyohaichish 61:1

AA Kamui ku ashte hawe du wa en kore, Ku ki inonno-itak orun ikokanu wa en kore.

Iyohaichish 64:1

AA Kamui, ku keutum ku sange ita, ku goro hawe nu wa en kore: En epokba utara ku ishitoma gusu ku inotu koshiratki wa en kore.

Iyohaichish 80:1

AA Israeru reshpa guru, nu yan, Aokai anak ne hitsuji topaha nei Yosep ani ruwe ne; Kerubim uturuta oshiroma Kamui, pekere atte wa un kore.

Iyohaichish 80:4

Aa inne topaha koro Ehoba Kamui, Hembara pakno E koro utara inonno-itak gusu Aokai anak ne irushka kusu ne ya?

Iyohaichish 84:8

Aa topaha koro Kamui ne Ehoba, ku ki inonno-itak nu wa en kore: Aa Yakob koro Kamui ikokanu wa en kore. [Sera.]

Iyohaichish 86:6

Aa Ehoba, ku ki inonno-itak nu wa en kore; Ku koramkoro hawe orun ikokanu wa en kore,

I Petros 3:12

Inambe gusu ne yakun, Utarapa shikiki anak ne oupeka utara kashiketa an, Nei utara koro inonno-itak otta koro kisara ikokanu wa okai: Koroka, wenbe ikichi guru kashiketa Kamui nanuhu an ruwe ne gusu ne na.