Iyohaichish 42:2 - Ashiri Aeuitaknup Iyohaichish Yona 1897

² Ku ramat anak ne Kamui gusu, ishu Kamui gusu, eyaikatekara shiri ki: Hembara kuani ek wa Kamui kotchaketa anukara ya?

Iyohaichish 42:2 ပူးပေါင်းရင်းမြစ်များ

Iyohaichish 27:4

Ehoba otta ku koramkorope shinep an, nei ambe ku hunara kusu ne; Kuani rai pakno Ehoba kora kenru ta ku oshiroma wa, Shinuma koro aekiroro ambe ku nukara, wa kora kenru ta uwepekennu ku ki kuni ambe ne.

Iyohaichish 43:4

Yakun, Kamui koro yange-set orota, Ku enupetne gusu yainuchattekbe orota ku arapa kusu ne: Orowa, Aa Kamui, ku goro Kamui, koto ku rekte wa ku iramye ash kusu ne na.

Iyohaichish 63:1

AA Kamui, Aokai anak ne ku goro Kamui E ne ruwe ne, tunashino ku hunara kusu ne: Ku ramat anak ne Aokai gusu iku rusui, ku kam anak ne Aokai gusu eyaikatekan ruwe ne, Shingi newa sat moshiri, wakka isam ushiketa nei no ki ruwe ne.

Iyohaichish 63:3

Inotu kasu no E koro omap-an-ramuhauge ambe anak ne pirika ruwe ne; Ku papush anak ne E koiramye ash ruwe ne.

Iyohaichish 84:10

Shine toho uturu E kot chisei ta an i anak ne wan hotne to kasu no pirika ruwe ne. Wen-buri an kash otta oshiroma kasu no Ku goro Kamui kot chisei apa pungine a-i ku konoburu ruwe ne.

Iyohaichish 84:2

Ku ramat anak ne Ehoba koro kash gusu eyaikatekara, ruwe newa, ramurai ruwe ne; Ku sambe newa ku kam anak ne ishu Kamui gusu ehaukashu ruwe ne.

Iyohaichish 84:4

E kot chisei ta oshiroma utara anak ne anunuke ne: Ramne to nei utara anak ne E koiramye na. [Sera.]

Iyohaichish 84:7

Kiroro wano kiroro pakno nei utara paye, Pishno pishno Zion otta an Kamui kotchaketa araki ruwe ne.

Yoannes 5:26

Inambe gusu ne yakun, Michi anak ne yaikota yaioshiketa inotu koro korachi, tambe nei no Poho ne yakka yaikota yaioshiketa inotu koro kuni otta Shinuma kore nisa ruwe ne:

Yoannes 7:37

Orowa, nei okese an toho ta, marapto gusu an pase toho ta anak ne, Yesu ash wa hawe sange hine ene itak-hi :— Iku rusui guru an yakun, En otta ek wa iku yan.

I Tessaronike 1:9

Inambe gusu ne yakun, nei utara yaikota ye wa nekon a chi ki hine echi tumugeta ahup ash ya un gusu assuru ashte ruwe ne: samata, ishu newa son no an Kamui gusu yaishieiwangere hemhem ki, kando orowa no ek Shinuma koro Poho untere hemhem ki kuni ne potoki echi emakba wa Kamui orun hosari an ambe ye nisa ruwe ne;

Ekambakbe 22:1

Orowa, shinuma anak ne nei nachiya onnaigeta,