Iyohaichish 40:17 - Ashiri Aeuitaknup Iyohaichish Yona 1897

¹⁷ Koroka, kuani anak ne otek-sak wa irapokkari guru ne; Utarapa en esanniyo: Aokai anak ne ikasbiu Kamui ne, en kashiobiukip ne; Aa ku goro Kamui, iteki tere wa en kore.

Iyohaichish 40:17 ပူးပေါင်းရင်းမြစ်များ

Iyohaichish 109:22

Kuani anak ne otek-sak newa erapokkari guru ku ne, Orowa, en onnaigeta ku sambe piri ao ruwe ne gusu ne na.

Iyohaichish 34:4

Ehoba ku hunara, awa, Shinuma en orun ese itak ki, Aige, obitta no okai ku ishitomap gusu en ohaitare nisa ruwe ne.

Iyohaichish 34:6

Otek-sak guru anak ne hawe ashte hine Ehoba nu, Aige, obitta no okai yairamhekomo ambe gusu shinuma kashiobiuki nisa ruwe ne.

Iyohaichish 35:27

E koro oupeka-i enupetne utara haukore kunitara bine yainuchattekte wa en kore: Ruwe un, koro uitek guru aepirikare gusu nupetne Ehoba anak ne apasere wa an na, Ari an itak ani,ramma aye kuni ne kara wa en kore.

Iyohaichish 40:5

Aa ku goro Kamui ne Ehoba, Aokai iki aerayapka ikip anak ne inne ruwe ne. Orowa, un gusu E esanniyo yainu-hi anak ne, Aokai orun aashte eaikapbe ne; Nei okaibe gusu ku ye wa ku pita rusui chiki, Apishki eaikap pakno inne ruwe ne.

Iyohaichish 54:4

Ingarʼ an, Kamui anak ne en ikashiu ruwe ne: Utarapa anak ne ku ramat nitatpa Kamui ne ruwe ne.

Iyohaichish 69:33

Ehoba anak ne irapokkari guru nu, Orowa, ipakashnu chisei ta okai utara shomo etunne ruwe ne gusu ne na.

Iyohaichish 70:5

Koroka, kuani anak ne otek-sak wa irapokkari ruwe ne; Aa Kamui, tunashino en ikasbiu wa en kore: Aokai anak ne en ikasbiu wa en kashiobiuki Kamui ne; Aa Ehoba, chashnu no ek wa en kore.

Iyohaichish 86:1

AA Ehoba en orun kisara atte wa nu wa en kore; Otek-sak newa irapokkari ku ne ruwe ne gusu ne na.

Mattaios 8:20

Yesu nei guru otta ene itak-hi :— Chironnup anak ne shui koro, rik peka oman chikap anak ne reushi ushi an, koroka, Ainu Poho anak ne sapa eninui ushike ka sak ruwe ne.

II Korintos 8:9

Chikoro Utarapa ne Yesu Kiristo koro irenga echi eraman ruwe ne gusu ne na; Shinuma anak ne oteknu ruwe ne a yakka, echi utara gusu oteksakbe ne akara, tambe anak ne Shinuma ki oteksak-hi ankushkeraipo echi utara aeoteknure kuni gusu ne na.

Hebraios 13:6

rametokkon no ene itak-hi; — Utarapa anak ne en ikashiube ne; shomo ku ishitoma kusu ne: Ainu anak ne en epeka hemanda iki kusu ne ya?

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 2:23

Shinuma, aiyoitakushi ita, shomo tasa oitakushi ki; ayairamshitnere ita kosakayokara shomoki; koroka, oupeka no koipishi guru otta yaikoropare nisa ruwe ne:

I Petros 5:7

echi ki nishomap ambe obitta Shinuma otta seire, Shinuma echi esanniyo ruwe ne gusu ne na.

Ekambakbe 22:20

Tap okaibe ye guru anak ne :— Ruwe ne wa: tunashi no Ku ek kusu ne, ari itak. Amen: ek wa en kore yan, Utarapa ne Yesu.