Iyohaichish 40:12 - Ashiri Aeuitaknup Iyohaichish Yona 1897

¹² Inambe gusu ne yakun, inne no okai wenbe en nikkotama, Ku nan-epuni eaikap pakno ku ki ohaitap en oshkoni ruwe ne; Ku sapa otop-tu kasu no inne wa gusu ku keutum nin shiriki.

Iyohaichish 40:12 ပူးပေါင်းရင်းမြစ်များ

Iyohaichish 116:3

Bai gusu an tush en okari nisa, Awa tushiri gusu an iuninbe en kishima nisa: Ku ramu-oknatara newa yairamhekomo nisa ruwe ne na.

Iyohaichish 19:12

Yaikota koro haita buri eraman guru nen ne ruwe he an? Ku ki nuina wa okai wen-buri isamka wa en kore.

Iyohaichish 38:4

Ku wen-buri anak ne ku sapaha kamure Pase shikehe nei no en gusu mashkin no pase ruwe ne.

Iyohaichish 61:8

Yakun, otusashuishiri pakno E kon reihei gusu ramye shinotcha ku ki kusu ne, Nei ambe anak ne kesto ku uitaknu ambe ku ki kuni gusu ne na.

Iyohaichish 69:4

Ikkewe sak no en etunne utara anak ne ku otop tu kasu no inne ruwe ne. Nei ikkewe sak no en epokba wa en isamka rusui utara anak ne okirashnu ne: Shomo ku koro wa oman ambe, ku hoshipire ruwe ne na.

Iyohaichish 73:26

Ku kam newa ku sambe anak ne nin ruwe ne: Yakka, Kamui anak ne ramma pakno ku korobe ne, ku keutum watara ne ruwe ne.

Roukos 21:26

moshiri otta araki kusu ne okaibe araki kuni esanniyo gusu, utara ishitoma wa ramu-rai kusu ne: kando un kiroro anak ne ashuyeshuye kusu ne gusu ne na.

Hebraios 4:15

Inambe gusu ne yakun, chikoro katchakbe nu wa eramu eaikap Kamui otta yaishieiwangere guru un otta isam; koroka, nep ne yakka chi utara korachi akoramnukara nep a yakka chikokatpak isam ruwe ne.

I Petros 3:18

Inambe gusu ne yakun, Kiristo anak ne Kamui otta un tura kuni ne arashui no katpak gusu ramshitnere nisa ruwe ne, tambe anak oupeka sak utara shirine oupeka an guru aeyairamshitnere ambe ne; Shinuma anak ne kara gusu araige, koroka,