Iyohaichish 39:12 - Ashiri Aeuitaknup Iyohaichish Yona 1897

¹² Aa Ehoba, ku ki inonno-itak nu wa en kore; ku ashte hau orun ikokanu wa en kore; Ku sange nupe iteki ikorampoktuye wa en kore: Kuani anak ne E tek-samata oya guru korachi ne; Ku goro ekashi korachi payekai guru ku ne ruwe ne gusu ne na.

Iyohaichish 39:12 ပူးပေါင်းရင်းမြစ်များ

Iyohaichish 102:1

AA Ehoba, ku ki inonno-itak nu wa en kore, Ku ashte hawe E orun arakire wa en kore.

Iyohaichish 116:3

Bai gusu an tush en okari nisa, Awa tushiri gusu an iuninbe en kishima nisa: Ku ramu-oknatara newa yairamhekomo nisa ruwe ne na.

Iyohaichish 119:19

Moshiri kata payekai guru ku ne: En otta iteki E koro ikashpaotte nuina wa en kore.

Iyohaichish 119:54

Ku payekai chisei E koro ekambakbe ku shinotcha ki nisa ruwe ne.

Iyohaichish 56:8

Aokai anak ne ku keshirikari ambe nukara:. E kotʼtokkuri otta ku nupe omare wa en kore; Nei ambe anak ne E koro kambi kata anuye wa an shomoki ruwe be an?

Iyohaichish 90:9

Aokai un koirushka rapoketa chi ishu ash kuni toho isam: Shine heise hum korachi chikoro paha aokere na.

II Korintos 5:6

Tambe gusu ramma rametok koro, aige, koro uni ne netobake ta okai rapoketa, Utarapa wa eoyake an ari an ambe chi eraman (inambe gusu ne yakun,

Hebraios 11:13

Tapan obitta no okai utara anak ne aeitakamkire ambe shomo uina no eishokor-i atte wa raipa nisa, koroka ehangeko no nei ambe ingara wa ekap, aine, nei utara moshiri koapkash wa oya utara ne payekai utara ne kunak ye nisa ruwe ne.

Hebraios 5:7

Shinuma anak ne kam netobake koro ita, rai-i orowa ohaitare eashkaibe otta, rui-chish newa nupe tura, inonno-itak newa koramkorope yange okere chiki, orowa, oripak an no ishitoma gusu anu okere chiki,

I Petros 1:17

Orowa, ainu kashiramu shomoki no pishno pishno an guru koro ikip an korachi koipishi Kamui, Michi nep koro korachi echi konishuk yak anak ne

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;