Iyohaichish 32:5 - Ashiri Aeuitaknup Iyohaichish Yona 1897

⁵ Ku katpak E orun ku eyaipushi nisa, ku goro wen-buri shomo ku eshina: Ehoba orun ku ohaitap ku pushpusu kusu ne, sekoro ku itak; Awa, ku goro katpak wenbe Aokai tusare nisa ruwe ne na.

Iyohaichish 32:5 ပူးပေါင်းရင်းမြစ်များ

Iyohaichish 103:12

Moshiripa wano moshirigesh anak ne ehangeko no an korachi, Nei oro pakno chikoro ohaita-buri Shinuma oyakta ande nisa ruwe ne.

Iyohaichish 103:3

Shinuma anak ne obitta no okai e koro wen-buri tusare; Obitta no okai e koro shiyeye iwangere;

Iyohaichish 25:16

En orun hosari hine pirika irenga sange wa en kore; Kuani yaitura wa an otek-sak guru ku ne ruwe ne.

Iyohaichish 25:18

Ku oknatarap ku nuwapbe esanniyo wa Obitta no okai ku ki katpak tusare wa en kore.

Iyohaichish 30:5

Shinuma kinrakara ambe anak ne nisako ta patek an, Koro pirika irenga anak moshiri ko-hoppa pakno an ruwe ne: Onuman chish ambe anak ne reushi kuni ne ahun, Koroka, kunneiwano nupetne hawe an na.

Iyohaichish 38:18

Ku goro wen-buri ku eyaipushi; Ku goro katpak gusu ku yairamhekomo kusu ne.

Iyohaichish 38:19

Koroka, en epokba utara anak ne niwashnu wa okirashnu ruwe ne: Orowa, ikkewe sak no en kowen utara ainnere nisa ruwe ne.

Iyohaichish 51:6

Aokai anak ne keutum ta okai son no ambe nukan rusui ruwe ne, Orowa, nuina wa an ushiketa en wayashnure kusu ne.

Iyohaichish 86:15

Koroka Aokai, Aa Utarapa, chishikiraine ani eshik wa irenga sange, Irushka moire wa rampokiwen newa sonep nuye an no kon ruwe ne.

Iyohaichish 86:5

Aa Utarapa, Aokai anak ne pirika wa honnere rusui, Samata, E orun konishuk obitta no okai utara otta nuye an no rampoken sange Kamui E ne ruwe ne gusu ne na.

Roukos 16:15

Aige, Shinuma nei utara otta ene itak-hi :— Echi utara anak ne utara tek samata yaikatpak sakte ruwe ne, koroka, Kamui anak echi koro keutum eraman: inambe gusu ne yakun, utara tumugeta ariknarep anak ne Kamui tek samata aetunnep ne ruwe ne gusu ne na.

Roukos 7:47

Tambe gusu, e otta Ku ye, tan shiwentep koro chikokatpak inne ne a koroka atusare ruwe ne: shinuma poron no omap ki nisa ruwe ne gusu ne na; koroka, otta pon no patek atusare guru anak ne pon no patek omap ruwe ne.

Epesos 4:32

orowa, utashpa uweramuhauge ki hine uweramuhapuru yan, Kamui anak ne Kiristo gusu ka echi koro chikokatpak tusare korachi, echi utara ne yakka uweutashpa tusare yan.