Iyohaichish 27:6 - Ashiri Aeuitaknup Iyohaichish Yona 1897

⁶ Orowa tane anak en okari ta okai en epokba utara enkashita ku sapa ariknapuni kusu ne; Orowa, nupetne an ayangep Shinuma koro kash otta ku yange; Shinotcha ku ki, ruwe un, iramye kuni shinotcha Ehoba otta shinotcha ku ki kusu ne na.

Iyohaichish 27:6 ပူးပေါင်းရင်းမြစ်များ

Iyohaichish 107:22

Orowa, nei utara iramye kuni ayange kunip yange wa, Shinuma ki ikip shinotcha ani assuru ashte yanro.

Iyohaichish 110:7

Shinuma ru hontomta an nai otta iku, Tambe gusu, sapaha puni kusu ne na.

Iyohaichish 119:108

Aa Ehoba, nekon ka newa, ku paroho wano rengaine asange ayangep uk hemhem ki, E koro aesanniyo-hi en epakashnu hemhem ki wa en kore.

Iyohaichish 138:5

Ruwe ne wa, nei utara anak ne Ehoba iki buri gusu shinotcha ki kusu ne; Ehoba nupeki porope ne ruwe ne gusu ne na.

Iyohaichish 21:1

AA Ehoba, E koro kiroro anak ne Moshiri shikkashima guru nupetnere; E koro kashiobiuki-hi gusu shinuma eyaikopuntek humi nep poro!

Iyohaichish 21:13

Aa Ehoba, E kiroro ani yai-rire wa en kore; Yakun, shinotcha ki wa E koro mondum chi ramye ash kusu ne na.

Iyohaichish 3:3

Koroka, aa Ehoba, Aokai anak ne en okari an kikhumbe E ne ruwe ne; Ku nupeki ne, ku sapa hetarirep E ne ruwe ne.

Iyohaichish 3:4

Hau ani Ehoba otta ku konishuk, Orowa, koro ashkanne nupuri wano Shinuma tasa itak en nure ruwe ne. [Sera.]

Iyohaichish 47:1

AA obitta no okai utara, tek orip yan; Annokara an hau ani Kamui orun kohawe ashte yan.

Iyohaichish 57:8

Ku nupeki, mosh yan; iyohaichish rektep newa koto, mosh yan: Kuani yaikata ara tunashino ku mosh kusu ne na.

Iyohaichish 81:1

CHIKORO okirashnu Kamui otta rui no haukore kunitara yan: Yakob koro Kamui otta ehaukashu yan.

Iyohaichish 95:1

HETAK, araki wa Ehoba otta shinotcha ki: Un Kashiobiuki Watara otta nupetne hau ashtero.

Hebraios 13:15

Yakun, Shinuma ankushkerai ramma-kane chi utara Kamui orun iramye an ayange kunip yange anro, tambe anak, Shinuma kon reihei orun eyaipushi papush wano hetuku ambe ne ruwe ne.

I Petros 2:5

echi utara ne yakka shiknu shuma ne korachi, Yesu Kiristo ani Kamui nupetnere ramat oma yangep yange kuni ne, Kamui otta yaishieiwangere ashkanne utara echi ne kuni gusu, ramat oma chisei ne echi kara an na.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,