Iyohaichish 27:5 - Ashiri Aeuitaknup Iyohaichish Yona 1897

⁵ Wen orushpe an toho ta Shinuma nuina no koro kash ta en shikkashima; Koro kash makun an ushiketa en nuina kusu ne; Watara kata Shinuma en riknare wa ande kusu ne na.

Iyohaichish 27:5 ပူးပေါင်းရင်းမြစ်များ

Iyohaichish 10:1

AA Ehoba, nep gusu Aokai anak ne ehangeko no an ushiketa ash a? Nep gusu yairamhekomo an i ta Aokai yainuinak ruwe he an?

Iyohaichish 119:114

Aokai anak ne ku numne ushike ne, ku koro kikhumbe E ne: E korʼitak gusu ku chipachipa ruwe ne.

Iyohaichish 138:7

Kuani anak ne yairamhekomo ambe kush wa apkash yakka, Aokai ku sambe shiturire kusu ne; Aokai anak ne en epokba utara kinrakarape orun E teke koturi, Aige, E shimon teke en kashiobiuki kusu ne.

Iyohaichish 17:8

E koro kunne-shik-num korachi en shikkashima, E tekkup sempiriketa en nuina wa en kore.

Iyohaichish 18:33

Shinuma anak ne ku kema momambe kemaha korachi ne kara: Ri ushiketa en andep ne.

Iyohaichish 31:20

Utara oshke esanniyop gusu E an i otta nei utara E nuina kusu ne: Parumbe sakayo gusu nuina no E koro kash ta ashikkashima kusu ne na.

Iyohaichish 31:21

Ehoba anak ne anunuke ne: Tumashnu machiya otta koro aeiyokunnure an omap an ramuhaugep atte nisa ruwe ne gusu ne na.

Iyohaichish 40:2

Shinuma anak ne sakayo an shui orowa no, yachi oma furetoi orowa no, en etaye; Aige, watara kata ku kema ande wa ku oman-i ashte nisa ruwe ne.

Iyohaichish 40:3

Chikoro Kamui ramye kuni ashiri shinotcha ku paro orota aomare: Inne utara nei ambe nukara wa kimatek kusu ne, Orowa, Ehoba eyaikopashte kusu ne na.

Iyohaichish 46:1

KAMUI anak ne chikoro numne ushi ne, chikoro kiroro ne, Yairamhekomo ita anak ne un kashiobiukip ne ruwe ne,

Iyohaichish 50:15

Yairamhekomo ita En orun kohawe ashte yan, Orowa, Kuani e kashiobiuki kusu ne, aige, eani En ramye kusu ne na.

Iyohaichish 57:1

AA Kamui, en erampokiwen wa en kore, en erampokiwen wa en kore; Ku ramat anak ne E orun yainuina ruwe ne gusu ne na: Ruwe un, tan wenbe isam pakno, E koro tekkup sempiriketa ku yainuina kusu ne na.

Iyohaichish 61:2

Ku keutum akamure ita, moshirigesh wano E orun ku hawe ashte: En gusu mashkin no ri wa an watara orota en tura wa en kore.

Iyohaichish 61:3

Aokai anak ne en gusu numne-ushi ne, En epokba utara okai gusu tumashnu chashi E he ruwe ne.

Iyohaichish 77:2

Yairamhekomo toho ta Utarapa ku hunara nisa: Anchikara ta ku teke aturi wa shomo yoni; Ku ramat anak ne aomaoma eaikap nisa ruwe ne.

Iyohaichish 83:3

E koro utara gusu irara ukoramkoro ki, E koro nuina no okai utara epeka no ukoramkon ruwe ne.

Iyohaichish 91:1

IYOTTA Rikunbe koro anuina ushiketa oshiroma gurʼanak ne Nep ne yakka ki eashkai Kamui sempiriketa an kusu ne.

Iyohaichish 91:15

Shinuma en konishuk, aige, orun ese itak ku ki kusu ne; Yairamhekomo ita kuani shinuma tura no ku an: Kuani shinuma ohaitare wa ko-oripakte kusu ne na.

Mattaios 23:37

Aa uweingara utara ronnu, orota apayere utara shuma ani kopiyekara Yerusarem kotan, Yerusarem kotan! niwatori chikap koro tekkup choropoketa pon chikap uwekarire korachi, hembak-shui Kuani neyakka echi poho Ku uwekarire rusui?

Korosai 3:3

Inambe gusu ne yakun, echi utara anak ne rai nisa ruwe ne, echi koro inotu Kiristo tura