Iyohaichish 22:6 - Ashiri Aeuitaknup Iyohaichish Yona 1897

⁶ Koroka, kuani anak ne Ainu shomo ne, toimok ku ne ruwe ne; Utara gusu yainikoroshmarep ne, uirup aesapsep ku ne ruwe ne.

Iyohaichish 22:6 ပူးပေါင်းရင်းမြစ်များ

Iyohaichish 25:3

Ruwe un, E orun eyaikopashte utara yainikoroshma shomoki; Ikkewe sak no kokandama ki utara anak ne ayainikoroshmare kusu ne.

Iyohaichish 31:1

AA Ehoba, Aokai gusu ku eyaikopashte; ramma pakno iteki a en yainikoroshmare kuni ne kara wa en kore. E koro oupeka irenga sange wa en honnere wa en kore.

Iyohaichish 31:11

Obitta no okai en ramushitnere utara gusu ayainikoroshmap ku ne, Ruwe ne wa, aota un utara gusu nei no ku an shiri, aeamkiri utara gusu ashitomap ku ne; Soita ku an wa en nukara utara anak ne en okira nisa ruwe ne.

Iyohaichish 41:5

En epokba utara anak ne en gusu wenbe ye ruwe ne, Shinuma hembara ta rai wa kon reihei ush ruwe be an? ari itak.

Iyohaichish 88:8

Aokai anak ne ku eamkiri utara en orowa no ehangeko ande nisa; Nei utara en etunne kuni ne E kara: A en koseshke hine ku soine eaikap ruwe ne.

Mattaios 11:19

Ainu Poho anak ne ibe hemhem ki iku hemhem ki koro ek, awa, ingara, ibe rui tonoto iku rui ainu, chikokatpak utara newa yaku etaye koro katairotke guru ne — ari utara ye ruwe ne. Wayashnu ambe anak ne yaikota ki ambe gusu oupeka no aattere ruwe ne.

Mattaios 12:24

Koroka, Parisee un utara nei ambe nu, aige, ene itak-hi :— Tan guru anak ne ouse Beeruzeboru ani aporose nitne kamui esapanep ani nitnep soyumbare ruwe ne, ari itak.

Yoannes 7:15

Tambe gusu, Yudea un utara enushkari hine ene itak-hi :— Nekon a iki wa tan guru anak ne eyaihannokkara shomoki no nuye ikiri eraman ya? ari itak.

Yoannes 7:20

Inne utara ene ese-hi :— Eani anak ne nitne kamui ashikatkare an E raige kuni hunara guru nen ne ruwe he an?

Yoannes 8:48

Yudea un utara ese wa Shinuma otta ene itak-hi :— Eani anak ne Samaria un guru ne, nitne kamui ituren guru E ne ruwe ne, ani shomo chi ye ya?

Hebraios 13:12

kash-tai soita uhuyeka ruwe ne. Tambe gusu, Yesu ne yakka, yaikota koro kemihi ani utara ashkannere kuni ne, apa soigeta aeyairamshitnere nisa ruwe ne.

Ekambakbe 15:3

Orowa, nei utara anak ne Kamui usshiune guru Mose koro shinotcha-ibehe newa nei Pon-hitsuji koro shinotcha-ibehe shinotcha ki wa ene itak-hi :— Aa Utarapa ne Kamui, Nep ne yakka ki eashkaibe, E iki ikip anak ne poro wa iyokunnurep ne; Otusashuishiri wano okai utara esapanep E ne wa E iki ambe anak ne oupeka newa sonep ne ruwe ne.