Iyohaichish 17:14 - Ashiri Aeuitaknup Iyohaichish Yona 1897

¹⁴ Aa Ehoba, E teke ani ainu utara, Moshirʼun utara, koro kunip tam moshirʼotta akore utara wano en ohaitare wa en kore; E sange kashnukarape ani nei honihi Aokai shikte ruwe ne: Aeramushinne pakno nei utara anak ne po koro, Aige, koro aeoteknup aiai eikeshkore ruwe ne.

Iyohaichish 17:14 ပူးပေါင်းရင်းမြစ်များ

Iyohaichish 39:6

Son no newa, obitta no an guru anak ne noka korachi apkash na: Son no un, raka sak no keutum kopoye ruwe ne: Ikoro eumashnu, koroka, okaketa nei ambe uina kusu ne a guru nen ne ruwe he an eramushkare.

Iyohaichish 73:12

Ingarʼan, tap an utara anak ne wen utara ne; Orowa, ramma maukopirika wa yaioteknure ruwe ne.

Mattaios 13:44

Kando moshiri anak ne toi tumugeta anuina wa an ikoro koheraye ruwe ne; ainu nei ambe pa chiki nuina; orowa, yaikopuntek gusu oman, aige, yaikota korobe obitta eibok wa nei toi hok ruwe ne.

Roukos 16:25

Koroka, Abraham ene itak-hi :— poho, eani kanna moshiri ta e an rapoketa e koro pirika okaibe e kon nisa ruwe ne, orowa, Razaros anak ne nei no korachi wen okaibe kon nisa ruwe ne-hi eshkarun yan: koroka, tane anak shinuma teda an wa aomaoma wa an, eani anak ne aiuninka wa an na.

Roukos 16:8

Orowa, kon nishpa anak ne, nei oupeka sak chisei epungine uitek guru wayashnu no ki nisa ruwe ne gusu, iramye nisa ruwe ne na; inambe gusu ne yakun, pekere un poho kasu no anak ne moshiri un poho koro ikiri ta naa wayashnu wa okai ruwe ne gusu ne na.

Yoannes 15:19

Moshiri orowa no an okaibe echi ne yakun, moshiri anak ne yaikota korobe omap kusu ne: koroka, moshiri orowa no an okaibe shomo echi ne wa moshiri wano Kuani echi numge ash gusu, tambe gusu, moshiri anak ne echi etunne ruwe ne. Echi otta Ku ye itak eshkarun yan :—

Yoannes 17:14

E korʼitak nei utara otta Ku koropare; orowa, Kuani anak ne moshiri orowa no an ambe shomo Ku ne korachi, nei utara moshiri orowa no an okaibe shomo ne gusu, moshiri anak ne nei utara etunne ruwe ne.

Yoannes 8:23

Orota Shinuma ene itak-hi :— Echi utara anak ne ra wano okai utara echi ne; Kuani anak rik wano an guru Ku ne ruwe ne: echi utara anak ne tan moshirʼun utara echi ne; Kuani anak tan moshirʼun guru shomo Ku ne ruwe ne.

Yakob 5:5

Moshiri kata aep oshiroma no echi ishu wa yai yainuchattekte nisa, raige kuni toho ta keutum echi ritetkere nisa ruwe ne.