Iyohaichish 16:1 - Ashiri Aeuitaknup Iyohaichish Yona 1897

¹ AA Kamui, en koshiratki wa en kore; Aokai gusu ku eyaikopashte ruwe ne gusu ne na.

Iyohaichish 16:1 ပူးပေါင်းရင်းမြစ်များ

Iyohaichish 116:6

Ehoba anak ne ramusak utara koshiratki ruwe ne: Kuani aeyaisambepokashtere, awa, Shinuma en kashiobiuki.

Iyohaichish 125:1

EHOBA eyaikopashte utara anak ne, Amoimoigere eaikap no otusashuishiri pakno an Zion ukoheraye ruwe ne.

Iyohaichish 146:5

Kashiobiuki gusu Yakob koro Kamui koro gurʼanak ne, Koro Kamui ne Ehoba orun chipachipa gurʼanak ne anunuke ne:

Iyohaichish 17:5

Kuani kiroro-yupu wa E kon ruhu otta ku apkash, Ku kema anak ne oshitteshu shomoki nisa ruwe ne na.

Iyohaichish 17:8

E koro kunne-shik-num korachi en shikkashima, E tekkup sempiriketa en nuina wa en kore.

Iyohaichish 22:8

Ehoba eyaikopashte; Shinuma nei guru honnerero: Shinuma nei guru enupetne gusu kashiobiuki kusu ne na, sekoro itak.

Iyohaichish 25:20

Aa ku ramat shikkashima hine en kashiobiuki wa en kore; Aokai gusu ku eyaikopashte, aige, iteki ku yainikoroshma kuni ne kara wa en kore.

Iyohaichish 31:23

Ehoba koro ashkanne utara, Shinuma omap yan: Ehoba anak ne Oupeka ambe shikkashima Orowa, pakesara ambe ki guru itasa ambe nuye an no koropare ruwe ne.

Iyohaichish 37:28

Inambe gusu ne yakun, Ehoba anak ne aesanniyop omap wa, Koro ashkanne utara shomo emaka; Nei utara anak ne ramma pakno akoshiratki shiri okai: Koroka, wen utara koro santek anak ne aotuyeba kusu ne na.

Iyohaichish 56:1

AA Kamui, ainu anak ne en ruki rusui gusu, pirika irenga sange wa en kore: Ramme-to shinuma koiki wa en ramushitnere ruwe ne.

Iyohaichish 60:1

AA Kamui, Aokai anak ne un emakba nisa, un kaye nisa ruwe ne; Aokai irushka; awa, Shui un iwangere wa en kore.

Iyohaichish 7:1

KU goro Ehoba Kamui, Aokai gusu ku eyaikopashte ruwe ne: Obitta no okai en keseamba utara gusu en kashiobiuki hine en ohaitare wa en kore:

Iyohaichish 7:2

Ikineipeka en kashiobiuki guru isam ita, Shinuma anak ne shishi chikoikip korachi ku ramat humne yaspa kusu ne.

Iyohaichish 84:12

Aa topaha koro Ehoba, E otta eyaikopashte gurʼanak ne anunuke ne ruwe ne.

Iyohaichish 9:10

Orowa, E reihei eraman utara anak ne Aokai gusu eyaikopashte kusu ne; Inambe gusu ne yakun, Ehoba, Aokai anak ne E hunara utara emakba shomoki kusu ne gusu ne na.

Iyohaichish 97:10

Aa Ehoba ko-omap echi utara obitta wenbe etunne yan: Shinuma anak ne koro Ashkanne utara kon ramat koshiratki; Wen utara koro teke wano nei utara ohaitare ruwe ne.

II Korintos 1:9

ruwe un, chi utara yaikota yai-oshiketa rai kuni aesanniyo-hi an a an, tambe anak chi utara yaiotta yaiekopashte shomoki no, rai guru hetopo-shiknure Kamui eyaikopashte ash kuni gusu ne ambe ne:

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.