Iyohaichish 146:6 - Ashiri Aeuitaknup Iyohaichish Yona 1897

⁶ Nei Kamui anak ne kando newa toitoi, Atui newa otta obitta no okaibe kan nisa; Shinuma otusashuishiri pakno sonep shikkashima ruwe ne:

Iyohaichish 146:6 ပူးပေါင်းရင်းမြစ်များ

Iyohaichish 100:5

Ehoba anak ne pirika ne, koro rampoken nei pakno ne yakka an ambe ne; Shinuma koro son-i anak ne shashuishiri pakno ash ruwe ne.

Iyohaichish 115:15

Kando newa toitoi kara Ehoba koro echi utara anak ne anunuke ne.

Iyohaichish 117:2

Shinuma koro rampoken un orun an; Orowa, Ehoba koro sonep anak ne otusashuishiri pakno epa ruwe ne. Yah ramye yan.

Iyohaichish 33:6

Ehoba koro itak gusu kando akan nisa; Kando un topaha obitta Shinuma koro paroho oma ramat ani akan nisa ruwe ne na.

Iyohaichish 89:2

Inambe gusu ne yakun, ramma pakno rampoken anak ne aashte, E ki ikipniukeshbe shi no kando otta aatte kusu ne na, sekoro ku itak nisa ruwe ne gusu ne na.

Iyohaichish 89:33

Koroka, ku koro rampoken obitta nei guru orowa no ku kouk shomoki, Orowa, ku sonep anak ne isam shomoki kusu ne na.

Iyohaichish 95:5

Atui anak ne Shinuma korobe ne, Shinuma karabe ne; Shinuma teke anak ne sat toi kan nisa ruwe ne.

Iyohaichish 98:3

Israeru chisei un utara eshkarun gusu son-i newa erampoken ki ruwe ne: Moshiripa pakno moshirigesh pakno obitta chikoro Kamui kashiobiuki-i nukan nisa ruwe ne na.

Yoannes 1:3

Obitta no an okaibe anak ne nei Itak orowa no akara, orowa, akarape shinep ne yakka Shinuma isama no

Yoannes 10:34

Orota Yesu ene ese-hi :— Kamui utara echi ne sekoro Ku ye, ani an itak ambe anak ne echi koro tuitak kambi kata anuye wa an shomo ne ya?

Apostoro ikip oma kambi 14:15

Nishpa utara, hemanda gusu tap ambe echi ki ya? Chi utara ne yakka echi utara korachi shinep ne an oibe koro utara chi ne, aine, pirika orushpe echi nure kuni utara chi ne, echi utara tap okai raka isambe oyakta ande wa kando newa toitoi newa atui newa otta okaibe obitta kara ishu Kamui orun echi hosarire kuni ki utara chi ne:

Korosai 1:16

moshiri kata okai yakka, anukarabe ne a yakka, anukara eaikapbe ne a yakka, araset hene, enishpane arabe hene, esapane arabe hene, nrondum korope hene ne yakka obitta Shinuma otta akan nisa ruwe ne;

Titus 1:2

ku ne anak ne shunge eaikap Kamui otusashuishiri wano an pakihi etokota eitakamkire otusashuishiri pakno an inotu echipachipa hine obitta no okai utara koro eishokor-i gusu ku poho ne Titus eun kambi ku omande na:

Hebraios 6:18

tambe anak, gusu Kamui shunge eaikap tu itasare shomoki ambe ani, un kotchaketa aande wa an chipachipa ambe ashikkashimare gusu numne kuni ushike orun kokira chi utara anak ne shiyuppa no aonishnishi kuni gusu an ambe ne ruwe ne;

Ekambakbe 14:7

Kamui koishitoma wa Shinuma reika yan; Shinuma koipishi ambe iki kuni pakihi ek an ruwe ne gusu ne na; orowa, kando newa toitoi newa atui newa wakka purupuruge-i newa kara Kamui koongami yan, ari itak.