Iyohaichish 143:8 - Ashiri Aeuitaknup Iyohaichish Yona 1897

⁸ Kunneiwano E koro omap-an-ramuhauge-i en nure wa en kore; Kuani E eyaikopashte ash ruwe ne gusu ne na: Ku apkash kuni ruhu en eramande wa en kore; E orun ku ramat ku yange ruwe ne gusu ne na.

Iyohaichish 143:8 ပူးပေါင်းရင်းမြစ်များ

Iyohaichish 119:34

En wayashnure wa en kore, yakun, E koro tuitak ku shikkashima kusu ne; Ruwe newa ramu-osshi wano nei ambe ku shikkashima ruwe ne kusu ne na

Iyohaichish 119:73

E koro tekehe en kara wa en ashte nisa: E koro ikashpaotte ku eyaihannokkara kuni ne oramush keutum en kore.

Iyohaichish 143:10

Aokai anak ne ku goro Kamui E ne ruwe ne gusu, E korʼirenga ku ki kuni ne en epakashnu wa en kore: E kon ramat pirika ruwe ne; oupeka moshiri ta en ani wa en kore.

Iyohaichish 25:20

Aa ku ramat shikkashima hine en kashiobiuki wa en kore; Aokai gusu ku eyaikopashte, aige, iteki ku yainikoroshma kuni ne kara wa en kore.

Iyohaichish 27:11

Aa Ehoba, E kon ruhu en epakashnu; En epokba utara okai gusu, Kaptek ru orun en ani wa en kore.

Iyohaichish 30:5

Shinuma kinrakara ambe anak ne nisako ta patek an, Koro pirika irenga anak moshiri ko-hoppa pakno an ruwe ne: Onuman chish ambe anak ne reushi kuni ne ahun, Koroka, kunneiwano nupetne hawe an na.

Iyohaichish 32:8

E oman kuni ruhu ku epakashnu wa eyaihannokkare ku ki kusu ne: E kashiketa ku shikihi ku ande wa e onishnishi ash kusu ne na.

Iyohaichish 42:8

Yakka, Ehoba anak ne tokap-to ta koro omap-an-ramuhauge-i sange kusu ne, Orowa, kunne-to ta shinuma koro shinotcha ku ki wa En shiknure Kamui orota inonno-itak ku ki kusu ne na.

Iyohaichish 46:5

Kamui anak ne nei machiya noshiketa an; amoimoyege shomoki kusu ne: Kunne-nisat ta Kamui nei ambe kashiobas kusu ne na.

Iyohaichish 5:8

Aa Ehoba, iorun shiktokoko utara okai gusu, E koro oupeka-i otta en ani wa en kore: En kotchaot E kon ruhu oupekare wa en kore.

Iyohaichish 59:16

Koroka kuani anak ne E koro kiroro gusu shinotcha ku ki kusu ne: Ruwe am, kunneiwano rui hawe ashte wa E koro rampoken gusu shinotcha ku ki kusu ne na: Aokai anak ne ku goro ri chashi ne, Ku yairamkoiki toho ta ku goro numne-ushi E ne nisa ruwe ne na.

Iyohaichish 86:4

E koro uitek guru kon ramat nupetnere wa en kore; Aa Utarapa, E orun ku ramat ku punire ruwe ne gusu ne na.

Iyohaichish 90:14

Chi shiknu ash toho ebitta chi yaikopuntek wa nupetne ash kuni gusu, Nekon ka newa, E koro rampoken ani iramushinnere wa un kore.