Iyohaichish 143:10 - Ashiri Aeuitaknup Iyohaichish Yona 1897

¹⁰ Aokai anak ne ku goro Kamui E ne ruwe ne gusu, E korʼirenga ku ki kuni ne en epakashnu wa en kore: E kon ramat pirika ruwe ne; oupeka moshiri ta en ani wa en kore.

Iyohaichish 143:10 ပူးပေါင်းရင်းမြစ်များ

Iyohaichish 118:28

Aokai anak ne ku goro Kamui ne, kuani e orun koyaiiraige na: Aokai ku goro Kamui ne, kuani E pasere kusu ne na.

Iyohaichish 119:12

Aa Ehoba, Aokai anak ne anunuke ne: E koro ekambakbe en epakashnu wa en kore.

Iyohaichish 119:35

E koro ikashpaotte oma ru otta en apkashte wa en kore; Inambe gusu ne yakun, nei ambe ku enupetne ruwe ne gusu ne na.

Iyohaichish 139:24

Orowa, en onnaigeta wen-buri an ruwe he an? sekoro ingara, Samata, otusashuishiri pakno an ruhu otta en an de wa en kore.

Iyohaichish 140:6

Aokai anak ne ku goro Kamui ne sekoro Ehoba otta ku ye nisa: Aa Ehoba, ku koramkoro hawe ikokanu wa nu wa en kore.

Iyohaichish 22:1

KU goro Kamui, ku goro Kamui, nep gusu Aokai en em aka ye? Nep gusu ene ohon no en kashiobiuki shomoki ruwe? nep gusu ku chish hawe anu shomoki ya?

Iyohaichish 23:3

Shinuma ku ramat shiturire: Shinuma kon reihei rengap gusu oheuge sak no an ruhu otta en tura ruwe ne.

Iyohaichish 25:12

Ehoba koishitoma guru nen ne ruwe? Nei guru numge kuni ruhu Shinuma epakashnu kusu ne na.

Iyohaichish 27:11

Aa Ehoba, E kon ruhu en epakashnu; En epokba utara okai gusu, Kaptek ru orun en ani wa en kore.

Iyohaichish 31:14

Koroka, aa Ehoba, E orun ku eyaikopashte nisa, Aokai anak ne ku goro Kamui ne sekoro ku itak nisa ruwe ne.

Iyohaichish 63:1

AA Kamui, Aokai anak ne ku goro Kamui E ne ruwe ne, tunashino ku hunara kusu ne: Ku ramat anak ne Aokai gusu iku rusui, ku kam anak ne Aokai gusu eyaikatekan ruwe ne, Shingi newa sat moshiri, wakka isam ushiketa nei no ki ruwe ne.

Mattaios 28:20

orowa, nep ne yakka Kuani echi kashpaotte okaibe nei utara shikkashima kuni ne ki yau: orowa, ingarʼan moshiri ko-onne pakno Kuani anak echi tura no an kusu ne na.

Yoannes 14:26

Koroka, Ku reihei rengap gusu Ku Michi omande Kotchane kuni Ashkanne Ramat anak ne, Shinuma anak obitta no okaibe echi epakashnu kusu ne, orowa, echi otta obitta no okai Ku ye ambe echi eshikarunde kusu ne na.

Roma 15:13

Echi utara Ashkanne Ramat kiroro ani poron no echi chipachipa kuni ne echi eishokoro wa chipachipa ambe sange Kamui anak ne itomo irenga newa nupetne irenga ani echi shiktere kuni akoramkon na.

Roma 15:30

Orowa, iriwak utara, kuani Yudea kotan ta okai itakkashi utara orowa no aohaitare kuni hene, gusu Yerusarem otta a en eiwangerep anak ne ashkanne utara nupetnere kuni hene,

Roma 5:5

inambe gusu ne yakun, Kamui omap-hi anak ne chikoro keutum ta a un koropare Ashkanne Ramat ani aohetu nisa ruwe ne.

Roma 8:2

Inambe gusu ne yakun, Kiristo Yesu oshiketa inotu oma Ramat un tuitak anak ne, katpak newa rai ambe un tuitak orowa no en honnere nisa ruwe ne.

Roma 8:26

Orowa, nei no korachi Ramat anak ne chikoro katchakbe ikashiu ruwe ne: inambe gusu ne yakun, nekon a inonno-itak ki kuni kusu ne a-i chi erampeutek; koroka, nei Ramat yaikota aye eaikap pakno an oromande wa un gusu yaikurukata koramkon ruwe ne;

Epesos 4:30

Kikiraye kuni toho pakno ani echi utara han aomare Kamui koro Ashkanne Ramat iteki oknatara yan.

Epesos 5:9

pekere poho korachi apkash yan (pekere hetukup anak ne pirikap otta hene, oupekap otta hene, sonep otta hene an ambe ne ruwe ne gusu ne),

II Timoteos 1:7

Inambe gusu ne yakun, Kamui anak ne ishitoma kuni gusu an ramat un kore shomoki, koroka, kiroro newa omap ambe newa keutum yaieashirikara kuni ramat un kore nisa ruwe ne.

Hebraios 13:21

pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

I Yoannes 2:27

Echi utara gusu Shinuma orowa no echi kore an kashiaota ambe anak ne echi oshiketa oshiroma chiki echi epakashnup isam yak pirika na; koroka, nep ne yakka Shinuma ki kashiota ambe echi epakashnu, aige, nei ambe son no ambe ne wa shunge shomo ne gusu, echi aepakashnu wa an korachi, Shinuma oshiketa echi oshiroma ruwe ne.