Iyohaichish 110:3 - Ashiri Aeuitaknup Iyohaichish Yona 1897

³ Mondum e koro toho ta e koro utara anak ne yaieinukuri shomoki no yaikota yange ruwe ne: Arokunneiwano orowa no, shiyuk amip imi wa, Aokai anak ne upenbe kinape kon ruwe ne.

Iyohaichish 110:3 ပူးပေါင်းရင်းမြစ်များ

Iyohaichish 29:2

Shinuma reihei gusu an kuni nupeki, Ehoba otta kore yan; Ashkanne utomchiurep koro wa Ehoba ko-ongami yan.

Iyohaichish 96:9

Aa, Ashkanne chitomtep koro wa Ehoba ko-ongami yan, Moshirʼebitta Shinuma tek-samata tusushke yan.

Apostoro ikip oma kambi 1:8

Koroka, Ashkanne Ramat echi kashiketa an chiki, kiroro echi akore kusu ne: orowa, echi utara anak ne Yerusarem kotan otta hene, Yudea moshirʼebitta hene, Samaria moshirʼotta hene, moshiripa pakno moshirigesh pakno hene, En gusu paweteshu ki utara echi ne kusu ne, sekoro itak.

Apostoro ikip oma kambi 19:20

Ta pakno kiroro an no Utarapa koro itak poro wa shipiraspa nisa ruwe ne na.

Apostoro ikip oma kambi 2:33

Shinuma anak ne Kamui shimon-tek samata arikta ande wa an gusu, orowa, Michi orowa aeitakamkire okere Ashkanne Ramat akore gusu, tap echi nukara hemhem ki inu hemhem ki ambe ohetu nisa ruwe ne.

Apostoro ikip oma kambi 2:41

Tata otta shinuma ye itak uina utara anak ne baptisma akore nisa: aige, nei toho ta shinuma utara otta san sen nin ne utara tura no akopishki nisa ruwe ne.

Apostoro ikip oma kambi 21:20

Aige nei utara nu chiki Kamui ramye; aine, shinuma otta ene itak-hi :— Ayupnishpakehe, Yudea un utara tumugeta eishokoro okere utara hemanda inne no okai shiri e nukara; orosama, nei utara anak ne obitta tuitak gusu eyaitunnap ki shiri okai:

Apostoro ikip oma kambi 4:4

Koroka, nei itak nu inne utara eishokon nisa; nei ainu utara pishki-hi anak ne go sen nin ne ainu ukorachi ne ruwe ne.

II Korintos 13:4

Shinuma katchakbe ankushtapne utasa-chikuni otta akungi-kokikkik yakka Kamui kiroro ankushtapne Shinuma ishu ruwe ne. Chi utara ne yakka Shinuma tura katchakbe ne, koroka, echi epeka no an Kamui kiroro ankushkeraipo Shinuma tura no ishu kusu ne gusu ne na.

II Korintos 8:12

Inambe gusu ne yakun iki rusui sambe an yakun, ainu koro korachi aesanniyo ruwe ne, shomo koro nei no aesanniyo shomo ki ruwe ne.

II Korintos 8:16

Koroka, nei ukorachi an echi utara gusu seisek no iki rusui keutum Titus koro sambe ta omare Kamui otta koyaiiraige an na.

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Piripoi 2:13

inambe gusu ne yakun, Kamui anak ne koro pirika irenga rengaine gusu echi onnaigeta iki wa echi keutum attere hemhem ki, echi monraigere hemhem ki ruwe ne gusu ne na.

I Tessaronike 4:7

Kamui anak ne ichakkere ambe un kire gusu un nishuk shomoki, un turu-sakte gusu un nishuk nisa ruwe ne.

Titus 2:14

Shinuma anak ne obitta no okai ikashpaotte otereke ambe orowa no un kikiraye hemhem ki, pirika ikip shiarikiki no iki yaikota korope ne gusu utara turu-sakte hemhem ki kuni ne yaiyange nisa ruwe ne na.

Hebraios 13:21

pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

Ekambakbe 7:9

Tap okaketa ku nukara, aige, ingarʼan, obitta no okai moshiri uirup orowa no hemhem, nep ainu shinrit ikiri orowa no hemhem, nep utara orowa no hemhem, nep itak ani ye utara orowa no hemhem, nen ne yakka pishki eaikap pakno an shiri inne utara, retara amip mi, teke otta shuro chikuni koro wa nei amset newa Pon-hitsuji kotchaketa roshki wa okai-hi ku nukara;