Iyohaichish 11:4 - Ashiri Aeuitaknup Iyohaichish Yona 1897

⁴ Ehoba anak ne koro ashkanne kenru ta an; Ehoba koro amset kando kata an ruwe ne; Koro shikihi ingara, koro shikkap anak ne ainu poho shiruwande kusu ne.

Iyohaichish 11:4 ပူးပေါင်းရင်းမြစ်များ

Iyohaichish 103:19

Ehoba anak ne kando otta koro amset ande nisa; Orowa, Shinuma koro epungine mondum anak obitta no okaibe esapane ruwe ne.

Iyohaichish 113:5

Ri ushiketa set koro wa, Kando otta an okaibe hene moshiri otta an okaibe hene,

Iyohaichish 139:23

Aa Kamui, en pishi wa ku goro keutum onnere wa en kore! En shiruwande wa ku yainu-hi onnere yan:

Iyohaichish 14:2

Utara poho tumugeta wayashnu guru okai ya? Kamui hunara guru okai ruwe he an, ari nukara gusu, Ehoba kando wano ingan nisa ruwe ne.

Iyohaichish 18:6

Kuani a en epokba wa an ita Ehoba orun konishuk nisa, Ku goro Kamui otta ko-hawe ashte na: Shinuma kora kenru ta ku hawe anu, Ku ashte hau Shinuma kisara otta anu nisa ruwe ne.

Iyohaichish 2:4

Kande otta rokbe mina: Utarapa anak ne nei utara esapse kusu ne na.

Iyohaichish 33:13

Ehoba anak ne kando orowa no herashi ingara; Shinuma anak ne obitta no okai ainu koro poho utara nukan ruwe ne.

Iyohaichish 44:21

Kamui anak ne nei ambe hunara shomoki ya? Shinuma anak ne keutum ta anuina wa an okaibe eraman ruwe ne gusu ne na.

Iyohaichish 66:7

Shinuma anak ne kiroro sange wa ramma pakno epungine: Shinuma koro shikihi moshiri uirup shiruwande: Okbare ki utara, iteki yaikota yairire yan. [Sera.]

Iyohaichish 9:11

Sion kata oshiroma Ehoba otta iyohaichish shinotchaki yan; Shinuma iki ikip moshiri uirup otta nure yan.

Mattaios 23:21

Orowa, Kamui kora kenru koye wa ekambakbe kara guru anak ne Kamui kora kenru newa orota an Kamui ne yakka koye wa ekambakbe ki ruwe ne.

Mattaios 5:34

koroka, echi otta Ku ye, iteki nep ka ko-ye no ekambakbe ki yan, kando anak ne Kamui araset ne wa gusu, kando ko-ye wa iteki ekambakbe ki yan.

Apostoro ikip oma kambi 7:49

Kando anak ne Ku goro amset ne, Toitoi auak kashiketa Ku kemaha aude kunip ne: En gusu nekon a kenru echi kara kusu ne ya? ari Utarapa itak: Shui, otta Ku shini kuni ushike nekon a ambe ne ya?

II Tessaronike 2:4

nei toho shomo an ruwe ne; nei guru anak ne obitta no okai Kamui aporosep okkeukashi hene ongami kunip okkeukashi hene yairiknare epokbap ne; Kamui kora kenru ta a kane yaikota Kamui ne kara pakno poka iki guru ne ruwe ne.

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

Ekambakbe 4:2

Nani Ramat otta ku an: awa, ingarʼan, Kando otta shine amset aande wa an, orowa, nei amset kata shinen a kane an ruwe ne;