Iyohaichish 106:5 - Ashiri Aeuitaknup Iyohaichish Yona 1897

⁵ E koro anumge utara aepirikare ambe ku nukara hemhem ki, E koro uirup yainuchattek-hi ku enupetne hemhem ki, E koro eikeshkoro utara tura iramye hemhem ku ki kuni ne en eshkarun wa en kore.

Iyohaichish 106:5 ပူးပေါင်းရင်းမြစ်များ

Iyohaichish 1:3

Nei guru anak pet ru samata aetoita wa an Ibe o kuni i epa ita ibe o, Ham shumumge ka shomoki chikuni koheraye, Nep ne yakka shinuma ki ikip shipiraspa kusu ne na.

Iyohaichish 105:43

Orowa, nupetne no koro utara atura, Shinotcha ki wa koro numge utara atura nisa ruwe ne.

Iyohaichish 105:6

Aa Shinuma uitek guru me Abraham koro sanikiri, Shinuma numge utara ne Yakob koro poho, nei ambe eshkarun yan.

Iyohaichish 118:15

Oupeka utara koro kash upshorota nupetne hau newa kashiobiuki ambe an: Ehoba koro shimon teke anak ne rametokkorobe ki ruwe ne.

Iyohaichish 14:7

Sion orowa no Israeru kashiobiuki-i akoropare yak humi! Ehoba anak ne koro teke apashte uirup hoshippare ita, Yakob nupetne, Israeru yainuchattek kusu ne na.

Iyohaichish 48:11

E koro esanniyo-hi gusu, Zion nupuri yaikopuntek yan, Yuda koro matne-po nupetne yan.

Yoannes 15:16

Echi utara anak ne En numge shomoki, koroka, echi paye wa ibe o, samata, echi o ibehe okai kuni gusu Kuani echi numge wa ande nisa ruwe ne; orowa, nep ne yakka Ku reihei rengap gusu Michi otta echi koramkorobe anak ne akore kuni gusu ne ruwe ne.

Yoannes 16:22

Tambe gusu, echi utara anak ne tane oknatara: koroka, shui, Kuani echi nukara wa echi yaikopuntek kusu ne, orowa, nei okai echi koro yaikopuntek-i echi orowa no uk guru isama.

Apostoro ikip oma kambi 9:15

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 1:4

chi utara anak ne Shinunra teksamata omap ki hine, ashkanne newa pirisak no okai kuni ne, moshiri naa shomo akara etoko wano Kiristo gusu nei Kamui anak ne un numge nisa ruwe ne:

Piripoi 3:3

inambe gusu ne yakun, Kamui Ramat ani ongami hene ki, Kiristo Yesu otta yaiomonnure hene ki, samata, kara gusu shomo eyaikopashte-i hene ki chi utara anak ne son no okarituye buri akire utara chi ne ruwe ne:

II Tessaronike 2:13

Koroka, Utarapa orowa no aomap an iriwak utara, atpake wano Kamui anak ne Ramat ashkannere ambe newa sonep eishokoro ambe otta echi numge wa kashiobiuki gusu, ramma-kane echi utara gusu Kamui koyaiiraige kunip chi ne ruwe ne;

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 2:9

Koroka, kunne-i wano koro iyokunnure an pekere otta echi tak Kamui koro pirika ambe assuru ashte kuni ne echi utara anak ne anumge an utara echi ne, esapane guru koro Kamui otta yaishieiwangere utara echi ne, ashkanne uirup echi ne, Kamui yaikota shikkashima kuni utara echi ne ruwe ne:

Ekambakbe 17:14

Tan utara anak ne nei Pon-hitsuji chikoikip epeka tumi-koro kusu ne, aige, Pon-hitsuji chikoikip anak nei utara anrapokikara wa annokara kusu ne, Shinuma anak ne Utarapa utara koro Utarapa ne, moshiri shikkashima utara koro Moshiri Shikkashima Kamui ne ruwe ne gusu ne na; orowa, Shinuma tura no okai utara anak ne anishuk wa an, anumge an, ikipniukesh utara ne ruwe ne.