Iyohaichish 10:14 - Ashiri Aeuitaknup Iyohaichish Yona 1897

¹⁴ Aokai inganʼnisa ruwe ne; E tekehe otta shikkashima kuni gusu Aokai irarape newa kinrakarape nukan ruwe ne: Katchak guru anak ne Aokai gusu eyaikopashte: Eshikop sak guru Aokai kashiobiuki nisa ruwe ne.

Iyohaichish 10:14 ပူးပေါင်းရင်းမြစ်များ

Iyohaichish 146:9

Ehoba anak ne oya utara koshiratki; Eshikop sak utara newa shiyompiyara shiwentep nitatpa ruwe ne; Koroka, Shinuma wen utara kon ruhu oheugere ruwe ne.

Iyohaichish 22:11

Iteki en orowa no ehangeko no rok wa en kore; yairamhekomo ambe ehange no an ruwe ne gusu ne na; Samata, kashiobiuki guru isam ruwe ne gusu ne na.

Iyohaichish 31:8

En epokba utara koro teke otta Aokai anak ne shomo en arapare; Ku koro kema poro ushiketa E ashte nisa ruwe ne.

Iyohaichish 35:22

Aa Ehoba, Aokai anak ne nei ambe nukan nisa: iteki mo no an wa en kore: Aa Ehoba, iteki en orowa no ehangeko no an wa en kore.

Iyohaichish 55:22

Ehoba kata e koro ashikerep omare, yakun, Shinuma echi koshiratki kusu ne: Oupeka utara ramma pakno shomo amoimoyegere kuni ne Shinuma ki kusu ne na.

Iyohaichish 68:5

Koro Ashkanne oshiroma-i ta okai wa, Michi sak guru koro michi ne, shiyompiyara shiwentep gusu koipishi ki Kamui ne ruwe ne.

Iyohaichish 68:6

Kamui anak ne yaitura no okai utara uni otta oshiromare: Ipakashnu chisei ta okai utara honnere wa pirikare ruwe ne: Koroka, okbare utara shiri-kawause ushiketa okai ruwe ne.

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

Hebraios 4:13

Orowa, Shinuma shik-samata shomo anukara okaibe ara isam ruwe ne: koroka, gusu chi iki ambe koro shiki kotchaketa nep okaibe ne yakka obitta atusa hine asarare wa an na.

I Petros 4:19

an? Tambe gusu, Kamui irenga gusu ayairamshitnere utara poka pirikap iki wa ikipniukesh moshiri kara Kamui otta koropare yan.

I Petros 5:7

echi ki nishomap ambe obitta Shinuma otta seire, Shinuma echi esanniyo ruwe ne gusu ne na.