II Yoannes 1:2 - Ashiri Aeuitaknup Iyohaichish Yona 1897

² tambe anak ne un oshiketa oshiroma wa ramma pakno un tura no okai sonep rengap gusu an ambe ne ruwe ne:

II Yoannes 1:2 ပူးပေါင်းရင်းမြစ်များ

Yoannes 14:16

Orowa, Michi Ku koramkoro wa hembara pakno ne yakka echi tura no an gusu Shinuma moshima no an Kotchane ki kunip echi kore kusu ne, nei ambe anak ne Sone an Ramat ne:

Yoannes 15:7

Echi utara En oshiketa okai, orowa, Ku itak anak echi oshiketa an chiki, nep ne yakka echi rengaine koramkoro yakka, echi gusu akara kusu ne na.

I Korintos 9:23

Orowa, pirika shongo gusu nep ne yakka ku ki, nei ambe uweukouk kuni gusu ne na.

II Korintos 4:5

Inambe gusu ne yakun, chi utara anak ne yaieupas-kuma shomoki, koroka, Kiristo Yesu anak Utarapa ne korachi an orushpe eupaskuma ki, samata, Yesu korʼirenga gusu chi utara anak echi koro uitek utara chi ne sekorʼambe eupaskuma ruwe ne gusu ne na.

Korosai 3:16

orowa, yaiiraige an no okai yan. Shi no wayashnu no nuye an no Kiristo korʼitak echi oshiketa oshironmre yan; iyobaichish ani hene, shinotcha ani hene, ramat oma yairap ani hene echi koro keutura ta irenga koro wa Kamui otta shinotcha ki wa utashpa uwe-epakashnu hemhem ki, uwe-onishnishi hemhem ki yan.

II Timoteos 1:5

orowa, e onnaigeta an kankapkapeka sak eishokor-i a en eshkarunde an; hoshiki no nei ambe anak ne e koro huchi Rois newa e koro habo Euneike oshiketa an; orowa, e onnaigeta ne yakka an sekoro ku eishokon ruwe ne.

II Petros 1:12

Tambe gusu, tap okaibe echi eraman, samata, echi tura an sonep orota echi roshki wa okai yakka, tap okaibe echi eshkarunde kuni ne ramma-kane ku etoko-oiki wa an ruwe ne kusu ne na.

I Yoannes 1:8

Katpak chi sak sekoro chi itak chiki, yaikokandama ruwe ne, orowa, son-i anak ne un oshiketa isam ruwe ne na.

I Yoannes 2:14

echi otta kambi ku nuye. Michi utara, tambe gusu, atapake wano an guru echi eamkiri gusu, echi otta kambi ku nuye. Upen utara, echi utara okirashnu wa an, Kamui itak echi onnaigeta an, samata, echi utara anak ne wenbe annokara okere gusu, tambe gusu echi utara otta kambi ku nuye na.

I Yoannes 2:17

Orowa, raoshiri hene, moshiri gusu eikaunu ambe hene aokere kusu ne; koroka, Kamui irenga ki gurʼanak ne ramma pakno okai kusu ne na.