II Timoteos 4:5 - Ashiri Aeuitaknup Iyohaichish Yona 1897

⁵ Koroka, nep ne yakka gusu yairamatte yan, enishte yan, pirika shongo eupaskuma guru ki kuni ikip ki yan, otta yaishieiwangere ambe uweomare yan.

II Timoteos 4:5 ပူးပေါင်းရင်းမြစ်များ

Mattaios 25:16

Ashikne taranton akore gurʼanak ne nani nei ambe koro wa ani iraugetupa hine naa ashiknep epirika nisa ruwe ne.

Markos 13:34

Nei ambe anak, Koro usshiune utara otta mondum koropare, iki kuni moni pishno gusu esanniyo, samata, apa pungi ne yakka shiruwande kuni kashpaotte, oya moshiri ta reushi gusu koro chisei ande ainu korachi ne ruwe ne.

Markos 13:37

Echi otta Ku ye itak obitta no okai utara otta Ku ye :— Shiruwande yan.

Roukos 12:37

Kon nishpa ek wa shiruwande wa okai anukara usshiune utara anak ne anunuke ne ruwe ne: son no echi otta Ku ye, Kon nishpa anak ne yaikota yai-kutkoro wa, nei utara ibe gusu rokte, orowa, ek wa otta yaishieiwangere kusu ne na.

Apostoro ikip oma kambi 21:8

Orowa, nei shimge toho ta paye ash wa Kaisarea kotan ta araki: aige, nei arawa niu tumuge un shinen ne pirika shongo eupaskuma guru Piripos kot chisei ta ahup wa tura no riya nisa ruwe ne.

Roma 15:19

Ashkanne Ramat kiroro ani, Oya un utara aitaknure kuni gusu Kiristo en kari ikichi ambe moshima ku ye niukesh ruwe ne; Yerusarem wano shikapneka no Iririkom orun pakno poka, uweoman no Kiristo koro pirika orushpe eupaskuma ku ki nisa ruwe ne;

Epesos 4:11

Orowa, Shinunra koropare aikrap anak ne Apostoro ne kuni sereke an; uweingara guru ne kuni sereke an; pirika shongo akore guru ne kuni sereke an; epungine guru newa epakashnu guru ne kuni sereke an ruwe ne;

Epesos 4:12

tambe an chi utara obitta shinep ne an eishokor-i ki hine Kamui Poho eraman wa rupne guru ne, Kiristo gusu an aeshikte ambe upak an kewe ri pakno shukup ash kuni ne,

Korosai 1:25

otusashiri wano okai uirup ikiri otta eshina wa an mukkep ne Kamui itak uweomare kuni gusu, echi utara epeka a en kore Kamui en kara ambe nei no korachi,

Korosai 4:17

Orowa, Arkippos orun ene itak yan:— Utarapa orowa no akore an otta e iki kuni yaishieiwangere ambe aomare kuni ne yaitubare yan.

I Tessaronike 5:6

tambe gusu, moshima utara iki korachi iteki mokoro ashro, koroka, shiruwande hene ki yairamatte hene ki yanro.

I Timoteos 4:12

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

I Timoteos 4:15

Tap an okaibe gusu muchinashnu no iki yan; nei ambe orun ramne no yaikoropare yan; e ki ikip obitta no okai utara otta anukara kuni gusu ne na.

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

II Timoteos 2:10

Tambe gusu, anumge wa okai utara gusu obitta no okaibe ku eyaishiporore ruwe ne, nei utara ne yakka Kiristo Yesu tura otusashuishiri pakno an arakuru ne kashiobiuki ambe akore kuni gusu ne na.

II Timoteos 2:3

Kiristo Yesu koro pirika tumikoro guru korachi uturu wenbe eyairamshitne yan.

II Timoteos 4:17

Koroka, Utarapa anak ne en samaketa an, awa, en tumashnure nisa ruwe ne; tambe anak ku ankushkerai nei orushpe naa irammakaka aashte kuni, samata, obitta no okai Oya un utara inu kuni ne aki na: orowa nei shishi paro wa a en ohaitare nisa ruwe ne na.

Hebraios 13:17

Echi epungine utara koitaknu wa otta yairapo-kikara yan: nei utara anak ne echi kon ramat gusu shiruwande wa okai, gusu aesanniyo kusu ne utara korachi nep; nei utara nuwap shomoki no, nupetne no iki kuni ne kara yan: shomo ne yakun, tambe echi gusu raka-isambe ne ruwe ne gusu ne na.

I Petros 1:13

Tambe gusu, echi koro keutum ta kut koro wa yairamatte yan, orowa, Yesu Kiristo anukara ita echi utara gusu hetuku irenga utumashi shomoki no echipachipa yan;

Ekambakbe 3:2

aine, e rai okere ruwe ne. Eani anak shiruwande, orowa, rai etokooiki an ikashima okaibe roshkire yan: inambe gusu ne yakun, Ku goro Kamui kotchaketa auweomare an e ki ikip shomo Ku nukan ruwe ne gusu ne na.