II Timoteos 4:18 - Ashiri Aeuitaknup Iyohaichish Yona 1897

¹⁸ Utarapa anak ne pishno no an wen ikip orowa no en ohaitare kusu ne, orowa, kando un moshiri gusu en kashiobiuki kusu ne: otusashuishiri wano otusashuishiri pakno Shinuma orun arakuru an na. Amen.

II Timoteos 4:18 ပူးပေါင်းရင်းမြစ်များ

Iyohaichish 121:7

Ehoba anak ne obitta no okai wenbe gusu e kikikara kusu ne, Shinuma e kon ramat shikkashima kusu ne na.

Iyohaichish 37:28

Inambe gusu ne yakun, Ehoba anak ne aesanniyop omap wa, Koro ashkanne utara shomo emaka; Nei utara anak ne ramma pakno akoshiratki shiri okai: Koroka, wen utara koro santek anak ne aotuyeba kusu ne na.

Iyohaichish 73:24

Aokai anak ne E koro ukoramkoro-hi ani en epakashnu kusu ne, Orowa, okaketa nupeki an ushike orun en ahunge kusu ne na.

Iyohaichish 92:10

Koroka, Aokai anak ne niwen beko nei no ku goro kirawe punire nisa: Ashiri shum ani a en kashiaota nisa ruwe ne.

Mattaios 13:43

Nei ita anak ne tokap chup nupeki atte korachi oupeka utara ne yakka koro michi koro moshiri ta nupeki atte kusu ne na. Kisara koro guru, nu yan.

Mattaios 25:34

Nei ita anak ne oshimon samta okai utara otta Moshiri Shikkashima guru ene itak-hi :— Ku Michi orowa no anunuke utara, araki wa moshiri asamaha aande pakihi wano echi utara gusu aetokooiki moshiri eikeshkoro yan:

Mattaios 6:13

Chi utara anak ne iteki akoramnukara kuni ne ki wa un kore; koroka wenbe orowa no un ohaitare wa un kore.

Roukos 11:4

Chikoro chikokatpak tusare wa un kore; Chi utara yaikota ne yakka un orowa ashohosere utara pishno tusare ruwe ne gusu ne na. Orowa, chi utara anak ne iteki akoramnukara kuni ne ki wa un kore.

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Roukos 22:29

Orowa, Ku goro michi anak ne Moshiri En ashikkasmimare korachi, Kuani ne yakka moshiri echi shikkashimare ash ruwe ne;

Yoannes 17:15

Moshiri orowa no Aokai anak ne nei utara uk kuni Ku koramkoro shomoki, koroka, wenbe orowa no ohaitare kuni ne Ku koramkon na.

Roma 11:36

Inambe gusu ne yakun, Shinuma orowa, Shinuma gusu, Shinuma otta obitta no okaibe okai ruwe ne na. Otusashuishiri pakno ne yakka Shinuma otta arakuru an na. Amen.

Roma 16:27

Yesu Kiristo gusu patek wayashnu Kamui otta, Shinuma otta otusashuishiri pakno nupeki an na. Amen.

I Korintos 1:21

Inambe gusu ne yakun, Kamui koro wayashnu-hi ankushtapne moshiri anak ne yaikota koro wayashnu ambe ani Kamui eamkiri shomoki nisa ruwe ne gusu, Kamui anak ne upaskuma aeramusakbe ani eishokoro utara kashiobiuki kuni pirika irenga sange nisa ruwe ne.

I Korintos 10:13

Ainu sei eaikap ikoramnukara-hi echi utara gusu isama; koroka, Kamui anak ne sonep ne, echi yaishiporore eashkai kasu no echi utara akoramnukara kuni ramuoshma shomoki kusu ne: koroka, echi yaishiporore eashkai kuni ne nei koramnukara-hi tura ohaitare kuni ushi kan ruwe ne gusu ne na.

I Korintos 15:50

Iriwak utara, tambe ku ye :— Kam newa kem anak ne Kamui moshiri eikeshkoro eaikap ruwe ne; samata, munin kunip anak ne shomo muninbe eikeshkoro shomoki ruwe ne.

II Korintos 1:10

Shinuma anak ne ene poro rai ambe orowa no un ohaitare nisa, shui ohaitare kusu ne na: Shinuma naa un kaobiuki kuni ne, gusu chi utara echipachipa shiriki okai ash;

Garatea 1:5

Shinuma otta shashuishiri wano shashuishiri pakno arakuru an a an. Amen.

I Tessaronike 5:23

Orowa, itomo irenga koro Kamui yaikota anak echi ebitta ashkannere kusu ne; samata, (chikoro Utarapa ne Yesu Kiristo ek pakno) echi kon ramat newa keutum newa netobake anak ne turu-sak no ramne no akoshiratki kuni akoramkoro.

II Tessaronike 3:3

Koroka, Utarapa anak ne ikipniukeshbe ne hine echi roshkire hemhem ki, wenbe gusu echi koshiratki hemhem ki kusu ne na.

I Timoteos 1:17

Tane, otusashuishiri pakno an, munin shomoki, anukara eaikap, patek Kamui ne, Moshiri shikkashimap otta aeoripakbe newa arakuru newa ramma-ramma an na. Amen.

I Timoteos 6:16

Shinuma patek shomo rai-ambe koro hine otta karange no arapa eaikap shiripekere ta oshiroma ruwe ne; inan guru ne yakka naa shomo Shinuma nukara, samata, Shinuma nukara eaikap ruwe ne; Shinuma orun otusashuishiri wano otusashuishiri pakno an aainukorobe newa kiroro an na. Amen.

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

II Timoteos 4:1

Kamui shik-samata hemhem, shiknu guru ne yakka rai guru ne yakka koipishi Kiristo Yesu shik-samata hemhem, samata, Shinuma ek kusu ne a ambe newa koro moshiri ankushtapne e onishnishi ash na;

Hebraios 11:16

Koroka, tane nei utara anak ne naa pirikap, kando ne an ap kon rusui: tambe gusu, koro Kamui ne aporose kuni ambe, Kamui nei utara gusu shomo eyainikoroshma shiriki: nei utara gusu Shinuma anak ne shine machiya kan nisa ruwe ne gusu ne na.

Hebraios 12:22

nei anukarape ashitoma ruwe ne: koroka, echi utara anak ne Sion nupuri otta, ishu Kamui koro machiya otta, kando un Yerusarem otta araki wa okai, orowa, inne topaha otta, Kamui hauturumbe uwekari otta,

Hebraios 13:21

pishno an pirika ikip ani Shinuma irenga echi kara kuni ne echi eramushinnere, aige, Yesu Kiristo gusu shinuma nupetnere kunip un onnaigeta ikichi kuni ne ku koramkon na; otusashuishiri wano otusashuishiri pakno Shinuma orun arakuru an na. Amen.

Yakob 2:5

Ku omap an iriwak utara nu yan; Shinuma omap utara otta aeitakamkire wa an moshiri eikeshkore gusu Kamui anak tara moshiri gusu irapokkari wa eishokor-i gusu oteknu utara numge shomoki ruwe he an?

I Petros 1:5

chikoro Utarapa ne Yesu Kiristo koro Michi newa Kamui anak ne airamye an na.

I Petros 5:11

Shashuishiri wano shashuishiri pakno Shinuma otta kiroro an na. Amen.

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

Youdas 1:1

Yesu Kiristo koro usshiune guru ne Yakob koro iriwak Youdas anak ne, ahotuyekara wa okai, Michi ne Kamui otta aomap, Yesu Kiristo gusu ashikkashima wa okai utara otta kambi omande na: