II Timoteos 4:17 - Ashiri Aeuitaknup Iyohaichish Yona 1897

¹⁷ Koroka, Utarapa anak ne en samaketa an, awa, en tumashnure nisa ruwe ne; tambe anak ku ankushkerai nei orushpe naa irammakaka aashte kuni, samata, obitta no okai Oya un utara inu kuni ne aki na: orowa nei shishi paro wa a en ohaitare nisa ruwe ne na.

II Timoteos 4:17 ပူးပေါင်းရင်းမြစ်များ

Iyohaichish 109:31

Inambe gusu ne yakun, kon ramat koipishi guru gusu kashiobiuki kuni ne, Shinuma irapokkari guru koro shimon tek-samata a kusu ne gusu ne na.

Iyohaichish 22:21

Shishi paro wano en yokore; Ruwe un, niwen beko kirawe orowa no en ohaitare wa en nu nisa ruwe ne na.

Mattaios 10:19

Koroka, echi asange ita, nekon a, hemanda an itak ani itak ya gusu iteki nishomap yan: hemanda gusu ne yakun, nei ita echi ye kuni itak anak ne akoropare kusu ne gusu ne na.

Roukos 1:1

Iyotta oripak an Teopiros, un tumugeta auweomare an okaibe, atpake wano nukara utara, itak otta auitek utara un koropare nei no,

Roukos 21:15

Kuani anak ne obitta no okai echi epokba utara eyoko hemhem ki, otta ese itak hemhem ki eaikap paroho newa wayashnu-i echi kore ash na.

Apostoro ikip oma kambi 23:11

Nei eoya anchikara ta Utarapa anak ne shinuma samaketa ash kane ene itak-hi :— Ramu-ritetke yan: eani anak ne Yerusarem kotan ta en gusu paweteshu ki nisa ruwe ne korachi, Roma kotan ta ne yakka paweteshu e ki kusu ne ap ruwe ne na.

Apostoro ikip oma kambi 9:15

Koroka, orota Utarapa ene itak-hi :— E oman yan, shinuma anak ne oya-moshirʼun utara tek-samata hene, moshiri shikkashima utara tek-samata hene, Israeru un utara tek-samata hene, Ku reihei ani kuni anumge wa an ap ne ruwe ne gusu ne na:

Roma 15:31

Kamui irenga ankushkeraipo nupetne no echi otta ku ek wa echi tura no shini kuni hene gusu,

II Korintos 12:9

Aige; — Ku sange irenga aokai gusu upak no an ambe ne: Ku kiroro anak ne katchakbe oshiketa aeramushinnere ruwe ne gusu ne na, ari an itak ani Shinuma en orun ye nisa ruwe ne. Tambe gusu, Kiristo koro kiroro en kashike apiraspare kuni ne, shi no yaikopuntek no ku katchakbe gusu ku yaiomonnure kushki na.

Epesos 3:8

Obitta no okai Ashkanne utara tumugeta an iyotta ponbe kasu no pokashnu guru ne en otta hunara eaikap pakno an Kiristo koro aeoteknup oya utara otta eupaskuma ki kuni irenga a en kore;

I Timoteos 1:12

En eashkaire chikoro Utarapa ne Kiristo Yesu ku koyaiiraige na, Shinuma anak ne ikipniukesh guru ku ne sekoro esanniyo hine otta ku yaishieiwangere kuni ne en atte nisa ruwe ne gusu ne na;

II Timoteos 2:1

Tambe gusu ku poho ne aokai, Kiristo Yesu oshiketa an irenga otta yaitumashnure yan.

II Timoteos 2:9

nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.

II Timoteos 3:11

ku omap ambe, ku yaiyupupu ambe, a en epokba ambe, aeyairamshitnere ambe e ikoisamba nisa ruwe ne; Antiok kotan ta, Ikoniom kotan ta, Rustra kotan ta en gusu nep okaibe hetuku ya; nep aepokba ambe ku eyaishiporore ya: aige, obitta nei okaibe orowa no Utarapa en ohaitare nisa ruwe ne.

II Timoteos 4:5

Koroka, nep ne yakka gusu yairamatte yan, enishte yan, pirika shongo eupaskuma guru ki kuni ikip ki yan, otta yaishieiwangere ambe uweomare yan.

Titus 1:3

koroka, Shinuma anak ne koro pakihi ta nei shongo ani koro itak sarare, aige, chikoro un kashiobiukip ne Kamui kashpaotte nei no nei ambe a en shikkashimare nisa ruwe ne;

Hebraios 11:33

nei utara anak ne eishokor-i ankushkerai moshiri annokara, oupekap iki, eitakamkirep akore,

I Petros 5:8

Yaishikkashima wa yairamatte yan; echi epokba nitnep anak ne hawe ashte shishi korachi e kuni guru hunara gusu apkash korʼan ruwe ne:

II Petros 2:9

Utarapa anak ne Kamui ko-oripak utara akoramnukara-i ohaitare katu eraman, samata, koipishi toho pakno apanakte kuni gusu oupeka sak utara shikkashima katu eraman;