II Timoteos 4:16 - Ashiri Aeuitaknup Iyohaichish Yona 1897

¹⁶ Atpake an ku iki kikikara itak ku sange ita anak ne en tura shinen poka shomo iki, koroka, obitta en emaka nisa ruwe ne: tap ambe ika nei utara epeka wa aesanniyo kuni ku koramkoro.

II Timoteos 4:16 ပူးပေါင်းရင်းမြစ်များ

Markos 14:50

Orowa, utara obitta Yesu shaot nisa ruwe ne na.

Roukos 12:11

Orowa, utara anak ne Uwekarapa chisei otta hene, esapane utara otta hene, nrondum koro utara otta hene echi tak chiki, hemanda ku ye ya, nekon a katu an itak ani ku ese ya, gusu iteki enishomap yan;

Yoannes 16:32

Tane echi eishokoro ya? Ingarʼan, echi utara anak pishno yaikota korobe otta acharichari wa moshima no En ande pakihi ek; ruwe ne wa, tane nei pakihi ek shiri an ruwe ne: yakka, Michi anak ne En tura no an gusu shinen nepo Ku an shomo ne ruwe ne na.

Apostoro ikip oma kambi 22:1

Iriwak utara newa ekashi utara, tane echi otta ku ki yaikikkara itak nu wa en kore yan.

Apostoro ikip oma kambi 25:16

Nei utara otta ene ku ese-hi, eiyonnuppa an guru anak ne eiyonnuppa utara konannukara wa, gusu aeiyonnuppa orushpe gusu yaikikikara kuni pakihi akore shomoki yakun inan guru ne yakka shomo ekoshi buri Roma kotan un utara otta an na, ari ku itak.

Apostoro ikip oma kambi 7:60

Awa, shinuma kokkaea hine poro hawe ani hawe ashte wa, Utarapa, tan katpak iteki nei utara kashiomare wa en kore, ani ye. Orowa, tap okaibe ye okere chiki shinuma mokonʼnisa ruwe ne.

I Korintos 13:5

shomo pittarane, shomo-yaikatanu ambe shomo ki,

I Korintos 9:3

En koipishi utara otta ku ki yaikikkara itak tambe ne ruwe ne.

II Korintos 7:11

Inambe gusu ne yakun, tapne an ambe ingarʼan, Kamui kooripak nei no echi aoknatare gusu anak ne, echi tumugeta nep yuptek no echi iki humi! ruwe un, nep kikikara ambe! ruwe un, nep kinrakara ambe! ruwe un, nep ishitoma ambe! ruwe un, nep eyaikatekara ambe! ruwe un, nep seisek mau keutum! ruwe un, nep ikemnu ambe humi! nep ne yakka nei orushpe gusu echi utara anak ne turu-sakbe ne sekoro echi yaiashte nisa ruwe ne.

Piripoi 1:17

omap ki wa upaskuma ki ruwe ne: shui, eatteketa okai utara anak ne kuani atupetupe an-hi kashita en eramuchuptekka rusui gusu, son no keutum koro shomoki no sakayo an gusu Kiristo orushpe assuru ashte ruwe ne na.

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

II Timoteos 1:15

Tambe e eraman, Asia moshiri ta okai utara obitta en orowa no hosari okere; nei utara tumugeta Pugeros newa Herraogones okai ruwe ne.

II Timoteos 4:15

aokai ne yakka nei guru gusu yaitubare yan: inambe gusu ne yakun, shinuma earikimre chi ki itak shisamchashnure nisa ruwe ne na.

I Petros 3:15

Kiristo anak ne Utarapa ne sekoro echi keutura ta esanniyo yan: echi oshiketa okai chipachipa ambe ikkewehe ramu-rotcha wa ishitoma an no nen ne yakka otta ese-itak sange kuni ne ramma-kane etokooiki wa okai yan: