II Timoteos 4:11 - Ashiri Aeuitaknup Iyohaichish Yona 1897

¹¹ Markos tura wa ek yan: nei guru anak yaishieiwangere otta en gusu raka an guru ne ruwe ne gusu ne na.

II Timoteos 4:11 ပူးပေါင်းရင်းမြစ်များ

Mattaios 19:30

Koroka, inne iyoshi no an ambe anak ne hoshiki no ne, hoshiki an ambe anak iyoshi ne kusu ne na.

Mattaios 20:16

Tambe gusu, iyoshi no ambe hoshiki ne, hoshiki no an ambe iyoshi ne kusu ne.

Roukos 13:30

Orowa, ingarʼan, iyoshi no okaibe anak ne hoshiki no ne kusu ne, hoshiki no okai wa iyoshi no ne kusu ne utara ka okai ruwe ne.

Apostoro ikip oma kambi 12:12

Orowa, nei orushpe eyaikoshiramshuiba okere chiki, Markos ari an reihei koro Yoannes koro habo Maria kot chisei ta ek; nei ushiketa inne utara uwekarapa wa okai wa inonno-itak ki shiriki okai.

Apostoro ikip oma kambi 12:25

Orowa, Barnabas newa Sauros anak ne gusu yaishieiwangere kuni arabe aokere chiki, Markos ari an reihei koro Yoannes tura wa Yerusarem kotan ta hekomba nisa ruwe ne.

Apostoro ikip oma kambi 15:37

Orowa, Barnabas anak ne Markos ari an reihei ani areikore Yoannes ne yakka tura kuni ramu.

Apostoro ikip oma kambi 15:39

Aine, utashpa shiu upaekoiki ambe hopuni, nei utara uwekopi pakno ne ruwe ne, orowa, Barnabas anak ne Markos tura wa Kupros orun atuitomotuye wa paye;

Apostoro ikip oma kambi 16:10

Aige, shinuma tan anukarape nukara chiki, nani chi utara Makedonia moshiri ta paye ash kuni hunara, nei utara otta pirika shongo eupaskuma kuni ne Kamui un nishuk sekoro esanniyo ash nisa ruwe ne gusu ne na.

Korosai 4:10

En tura no ipakashnu chisei ta an Aristarkos echi ekap an na, Barnabas koro karaku Markos ne yakka echi ekap na (shinuma gusu echi kashpaotte ash okere; aige, shinuma echi orun ek chiki uk wa en kore yan),

Korosai 4:14

Aomap an potara guru ne Roukos newa Demas echi ekap na.

II Timoteos 1:15

Tambe e eraman, Asia moshiri ta okai utara obitta en orowa no hosari okere; nei utara tumugeta Pugeros newa Herraogones okai ruwe ne.

II Timoteos 2:21

Tambe gusu, ainu anak ne nei okaibe gusu yaituru-sakte chiki, shinuma anak aeoripakbe kuni gusu an op ne, ashkannep ne, kon Nishpa orowa no aeiwange kuni oupakbe ne, nep pirika ikip gusu aetokooiki kunip ne akara kusu ne na.

Pirimon 1:24

samata, en tura no iki Markos hemhem, Aristarkos hemhem, Demas hemhem, Roukos hemhem ne yakka.

I Petros 5:13

Echi tura no anumge Babironia kotan ta okaibe echi ekap ruwe ne; shui, ku poho ne Markos ne yakka nei no ki na.