II Timoteos 3:12 - Ashiri Aeuitaknup Iyohaichish Yona 1897

¹² Ruwe un, inan guru ne yakka Kiristo Yesu oshiketa Kamui kooripak an no ishu kusu ne sekoro ramuoshitchiu gurʼanak ne aepokba kusu ne.

II Timoteos 3:12 ပူးပေါင်းရင်းမြစ်များ

Mattaios 16:24

Orowa no Yesu anak ne koro koikara utara otta ene itak-hi :— Nen ne yakka, En osh ek kuni ramu guru an chiki, yaikota yaieshina wa koro utasap ani wa En osh ek yan.

Mattaios 23:34

Tambe gusu, ingarʼan, uweingara utara hemhem wayashnu utara hemhem kambi-nuye utara hemhem echi orun Ku payere: orowa, echi utara anak ne nei tumugeta sereke okai utara ronnu wa utasa chikuni otta kungi kokikkik kusu ne, sereke utara Kamui kora kenru otta shirikik, orowa, machiya orowa no oya machiya otta keshke kusu ne;

Markos 10:30

toi hene are wa, tane an pakihi ta ashikne hotne pakno shomo akore guru isam ruwe ne; chisei hemhem, okkai ainu uiriwak hemhem, matne ainu uiriwak hemhem, unu hemhem, po utara hemhem, toi hemhem, aepokbap tura no koro; orowa, ek kushki moshiri ta hembara pakno ne yakka shiokere shomoki inotu kon ruwe ne kusu ne na.

Yoannes 16:2

Utara anak ne Uwekarapa chisei orowa no echi emaka: ruwe ne wa, nen ne yakka echi ronnu guru anak ne Kamui otta yaishieiwangere kuni ramu kusu ne pakihi ek ruwe ne.

Yoannes 16:33

Echi utara anak ne En oshiketa itomo irenga echi koro kuni gusu tap okaibe echi otta Ku ye nisa ruwe ne. Moshiri otta echi aeramchuptekka kusu ne: koroka, ramu-ritetke yan; Kuani anak Moshiri annokan nisa ruwe ne na.

Yoannes 17:14

E korʼitak nei utara otta Ku koropare; orowa, Kuani anak ne moshiri orowa no an ambe shomo Ku ne korachi, nei utara moshiri orowa no an okaibe shomo ne gusu, moshiri anak ne nei utara etunne ruwe ne.

Apostoro ikip oma kambi 14:22

eishokor-i ta ramma okai kuni onishnishi hemhem ki, samata, inne no okai aeramchuptekbe akush wa Kamui moshiri ta ahup kuni etokosh ruwe ne ari an ambe nure nisa ruwe ne.

I Korintos 15:19

Aige, tane an ishu-i rapoke patek Kiristo gusu chipachipa chiki, obitta no okai moshima utara kasu no shi no eyaisambepokash utara chi ne ruwe ne na.

II Korintos 1:12

Chi ki yaiomonnure ika anak ne chikoro keutum iki paweteshu ambe ne, Kamui orowa no an ashkanne ambe newa sonep gusu, kam oma wayashnu-hi ani shomo ne, koroka, Kamui irenga ani moshirʼotta ikip iki, makangane echi utara otta ikichi nisa ruwe ne gusu ne na.

II Korintos 4:9

ahachire an a yakka, shomo aisamka an na;

I Timoteos 2:2

Moshiri shikkashima utara newa pase nrondum koro utara gusu ne yakka; tambe anak nekon a ka Kamui kooripak an no yaikatanu hine ratchitara wa itomo kon no oshiroma kuni gusu ne na.

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

I Timoteos 6:3

Moshima okai epakashi epakashnu hine, nisashnu itak, chikoro Utarapa ne Yesu Kiristo koro itak otta hemhem Kamui kooripak korachi an epakashi otta hemhem ramuoshma shomoki guru an chiki:

Titus 1:1

Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

Titus 2:12

aige, shomo Kamui kooripakbe newa kanna moshiri gusu an wenbe kon rusui keutum newa emaka wa keutum yaieashirikara hine, oupeka no, Kamui kooripak an no tam moshiri koapkash kuni gusu un epakashnu ruwe ne;

I Petros 3:14

echi wende guru nen ne ruwe he an? Koroka, oupekap gusu echi ayairamshitnere an yakun, echi anunuke ne: iteki nei utara ashitoma ambe gusu ishitoma yan, iteki yaikota eyairamusarakka yan; koroka,

II Petros 3:11

Tap korachi tap okaibe nin wa aisamka kuni ambe ne sekoro chi eraman gusu, turu-sak no moshiri koishu hene ki,

Ekambakbe 12:4

Orowa, shinuma koro saraha anak ne kando o nochiu re sereke nimba wa moshiri kata osurupa nisa ruwe ne; aige, nei kinashutumbe anak tane po shikore kushki shiwentep kotchaketa ash; awa, hekatu yakun koro aiai ibe wa isamka kuni gusu ne na.

Ekambakbe 7:14

Shinuma otta ene ku itak-hi :— Ku kon nishpa, aoka eraman. Aige, en otta shinuma ene itak-hi :— Tap okai utara anak ne poro aeramchuptekbe wano oashippa utara ne, aine, koro mipihi furayepa wa Pon-hitsuji koro kem oshiketa retaraka nisa ruwe ne.