II Timoteos 2:5 - Ashiri Aeuitaknup Iyohaichish Yona 1897

⁵ Samata, nei shinot gusu ukirorowande guru an chiki, ikashpaotte nei no iki shomoki yakun,

II Timoteos 2:5 ပူးပေါင်းရင်းမြစ်များ

Roukos 13:24

Orowa, utara otta Shinuma ene itak-hi :— Hutne apa otta ahup kuni etushmak yan: inambe gusu ne yakun, echi otta Ku ye, inne utara ahup kuni hunara kusu ne, koroka, ahup eaikap.

Piripoi 1:15

Eyairamikashure newa upaore gusu poka Kiristo eupaskuma ki utara okai: shui, pirika irenga an gusu ki utara ka okai:

Korosai 1:29

nei arabe gusu poka kuani anak, en onnaigeta kiroroashnu no iki, Shinuma kara arabe nei no kiroro yupu hine ku monraige ruwe ne.

Hebraios 12:4

Echi utara anak ne chikokatpak epeka yupki no iki wa kem oro pakno naa shomo eshishi ruwe ne:

Hebraios 2:7

Aokai ouse pon no patek hauturumbe kasu no shinuma pokashnure, Aige, araguru newa nupeki ani sapa unure ruwe ne, Orowa E teke ani akarape nei guru esapanere:

Hebraios 2:9

Koroka, Kamui irenga ankushkeraipo pishno pishno okai ainu shirihine hauturumbe kasu no pon no pokashnu no akara hine rai ambe sapke wa, rai-i oma aeyairamshitnere ambe gusu araguru newa aeoripakbe ani sapa aunure Yesu chi nukara ash ruwe ne.

Yakob 1:12

Koramnukara wa yaishiporore gurʼanak ne anunuke ne: Shinuma auwande aokere chiki, Utarapa omap utara otta akoropare kuni aitakamkire wa an inotu oma sapaumbe akore kusu ne gusu ne na.

I Petros 5:4

Orowa, nei esapane reshpa guru anukara ita echi utara anak ne nin shomoki nupeki oma sapa umbe echi akore an kusu ne na.

Ekambakbe 2:10

Tane e iki kusu ne a ramushitnere okaibe gusu iteki ishitoma yan: ingarʼan, echi utara auwande kuni ne nitnep anak ne echi sereke okai utara ipakashnu chisei ta omare kuni etokooiki korʼan ruwe ne; aige, wan to uturuta echi eramchuptek kusu ne na. Rai pakno ikipniukesh no okai yan, yakun, Kuani inotu oma sapa-umbe e kore ash kusu ne na.

Ekambakbe 3:11

Tunashino Ku ek ruwe ne: nenka ika e koro sapa-umbe uk kuni ne, shiarikiki no e koro wa an okaibe shikkashima yan.

Ekambakbe 4:10

koyaiiraige hemhem ki chiki, nei ine ekashi ikashima hotne ekashi anak ne amset kata a shashuishiri pakno ishu Kamui kotchaketa hepokiush wa otta ko-ongami hine nei amset kotchaketa koro sapa-umbe osura wa ene itak kusu ne-hi :—

Ekambakbe 4:4

Orowa, nei amset pishkanegeta ine amset ikashima hotne amset okai: nei amset kashiketa retara amip utomechiu ine ekashi ikashima hotne ekashi rok wa okai; orowa, koro sapa kata kongani sapa-umbe aunu ruwe ne.