II Timoteos 2:22 - Ashiri Aeuitaknup Iyohaichish Yona 1897

²² Koroka, upen guru iki rusui wen-buri eshishi hine turu-sak sarabe wano Utarapa konishuk utara tura, oupeka ambe hemhem, eishokor-i hemhem, omap ambe hemhem, itomo irenga hemhem keseamba yan.

II Timoteos 2:22 ပူးပေါင်းရင်းမြစ်များ

Iyohaichish 119:9

Peure ainu anak ne hemanda ani kon ruhu ashkannere kusu ne ruwe he an? E koro itak an korachi koyairamatte ani aki kusu ne na.

Iyohaichish 17:1

AA Ehoba, oupekap nu, ku ashte hawe nu wa en kore; Shunge sak no an patoi wano oashin ku ki inonno-itak nu wa en kore.

Apostoro ikip oma kambi 7:59

Stepanos anak ne, Utarapa Yesu ku ramat uk wa en kore ari an itak ani ye wa hawe ashte rapoketa shuma ani piyekan nisa ruwe ne.

Apostoro ikip oma kambi 9:14

orowa, obitta no okai E kon reihei ko-nishuk utara tupetupe kuni mondum Kamui kora kenru poro esapane utara orowa no akore na.

Roma 14:17

Kamui moshiri anak ne ibe hene ki iku hene ki ambe shomo ne, koroka, oupekap newa itomo irenga newa Ashkanne Ramat gusu akopuntekbe ne ruwe ne gusu ne na.

Roma 14:19

Yakun, itomo irenga epeka kuni ambe hemhem, utashpa uashte kuni ambe hemhem keseamba yanro.

I Korintos 1:10

Iriwak utara, echi utara obitta shine itak sange, aige, echi tumugeta utumkush keutum isam kuni ne, chikoro Utarapa ne Yesu Kiristo kon reihei ankushkeraipo echi onishnishi ash ruwe ne; koroka, echi utara shine keutum koro, aige, shine esanniyop ki hine ukoiram no aeramushinnere gusu aki na.

I Korintos 1:2

Kiristo Yesu otta aashkannere, ashkanne utara ne kuni gusu anishuk, inan ita ne yakka nei utara newa chikoro Utarapa ne Yesu Kiristo konishuk utara orun:

I Korintos 10:14

Tambe gusu, ku omap utara potoki emaka yan.

I Korintos 14:1

Omap ambe keseamba yan; yakka, makangane uweingara ki eashkai kuni ne ramuosshi wano ramat unbe kon rusui no okai yan.

I Korintos 6:18

Hoiyo wano shaot yan. Ainu iki obitta no okai chikokatpak auak ne netobake soige an; koroka, hoiyo ki guru anak ne yaikota kon netobake epeka chikokatpak ki ruwe ne.

I Timoteos 1:14

orowa, chikoro Utarapa korʼirenga anak Kiristo Yesu oshiketa an eishokor-i newa omap ambe tura shi no nuye an no an nisa ruwe ne na.

I Timoteos 1:5

Koroka, nei ikashpaotte eramushinnere ambe anak turu-sak sambe wano omap-hi oashinge ambe hemhem, aotkeotke shomo ne an keutura korobe hemhem, kankapkapeka sak no an eishokor-i atte ambe hemhem ne ruwe ne:

I Timoteos 2:8

Tambe gusu nei ita ne yakka okai utara anak ne kimakara newa utumashi keutum isam no turu-sak tekehe puni hine inonno-itak ki kuni ku kon rusui ruwe ne.

I Timoteos 4:12

Inan guru ne yakka iteki e paha ponbe esapse kuni ne ki yan; koroka, itak otta ne yakka, iki buri otta ne yakka, omap ambe otta ne yakka, eishokor-i otta ne yakka, turu-sakbe otta ne yakka, eishokoro wa okai utara gusu aekoikarabe ne yaikara yan.

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

Hebraios 12:14

Obitta no okai utara epeka itomo noshpa yan, samata, sak no ne yakun nen ne yakka Utarapa shomo nukara aeashkamrere ambe noshpa yan:

I Petros 2:11

Aomap an utara, echi utara anak ne payekai utara ne, irukai reushi utara korachi echi ne wa gusu, ramat kotumikoro wa okai kam oma ibeporore ambe shomo echi ki kuni echi onishnishi ash na;

I Petros 3:11

Nei guru wenbe eshishi wa pirikap ki; Itomo hunara wa nei ambe noshpa kuni ki yan.

III Yoannes 1:11

Aomap an utara, wenbe iteki koikara, koroka, pirikap koikara yan. Pirikap iki gurʼanak ne Kamui orowa no an gunʼne; wenbe iki gurʼanak ne shomo Kamui nukan ruwe ne.