II Timoteos 1:8 - Ashiri Aeuitaknup Iyohaichish Yona 1897

⁸ Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

II Timoteos 1:8 ပူးပေါင်းရင်းမြစ်များ

Iyohaichish 119:46

Orowa shui, Moshiri esapane utara kotchaketa E koro ekambakbe gusu ku ye, Aige, shomo ku yainikoroshma kusu ne.

Iyohaichish 19:7

Ehoba tuitak anak ne oupeka wa ramat shiturire ambe ne; Ehoba koro ekambakbe tumashnu ne, ramu-sak guru wayashnure ambe ne ruwe ne.

Markos 8:38

Inan guru ne yakka tane okai hoiyo newa wen ainu ikiri ta Ku goro orushpe newa Ku goro itak eyainikoroshma gurʼanak ne, Ainu poho ne yakka ashkanne hauturumbe tura no koro Michi arakuru koro wa ek ita, nei guru eyainikoroshma kusu ne.

Roukos 9:26

Koroka, Kuani newa Ku ye itak eyainikoroshina guru an chiki, Ainu Poho yaikota newa koro Michi newa Ashkanne hauturumbe newa koro nupeki otta ek ita anak ne Ainu Poho ne yakka nei guru eyainikoroshma kusu ne.

Yoannes 15:27

orowa, echi utara ne yakka atpake wano En tura no okai nisa ruwe ne gusu, paweteshu echi ki kusu ne na.

Yoannes 19:35

Orowa, nukan nisa guru anak ne paweteshu ki nisa ruwe ne, orowa, nei guru ki paweshu-i anak ne son no ambe ne: shinuma son no ambe ye-hi shinuma eraman, echi utara ne yakka eishokoro kuni gusu ne na.

Apostoro ikip oma kambi 5:41

Tambe gusu nei utara anak ne nei ukoramkoro ushi wano paye, aige, nei Reihei gusu akoatcha kuni aesanniyo utara ne sekoro aramepakari gusu yaikopuntek nisa ruwe ne.

Roma 1:16

Kuani anak ne pirika shongo gusu shomo yainikoroshma ruwe ne: inambe gusu ne yakun, nei ambe anak ne hoshiki no Yudea un guru gusu ne yakka, Herenes un guru gusu ne yakka, orowa, pishno pishno okai eishokoro guru gusu ne yakka kashiobiuki kuni gusu an Kamui kiroro ne ruwe ne gusu ne na.

Roma 16:25

Orosama, ku sange shongo newa Yesu Kiristo aeupaskuma ambe an nei no, otusashuishiri wano an pakihi pakno anu shomoki no ashikkashima, koroka,

Roma 8:36

Ayaikikipbe hene ya? Rangetam hene ya? Chieshinnuye wa an korachi poka ne :— Aokai rengap gusu to ebitta a uu ronnu wa okai, Araige kuni gusu an hitsuji chikoikip nepkoro a esanniyo an ruwe ne.

Roma 9:33

ene chieshinnuye wa an korachi ne, Ingarʼan, Zion otta ureepetchiure kuni shuma, epetchiure kuni watara Ku ande kusu ne: Orowa, nei ambe eishokoro gurʼanak ue shomo ayainikoroshmare kusu ue ua.

I Korintos 1:6

echi utara oshiketa Kiristo gusu an paweteshu ambe anak ne atumashnure wa an korachi ne:

II Korintos 6:7

shunge sak no an omap ambe otta hene, son no an itak otta hene, Kamui kiroro otta hene; shimontek samata ne yakka hariki-tek samata ne yakka oupeka ne hayokbe ani,

Epesos 3:1

Tambe gusu, Oya utara echi utara rengap gusu Kiristo Yesu koro apakashnu guru Pauros ku ne anak,

Epesos 3:13

Tambe gusu, echi utara gusu ku ki aerarachuptekbe gusu iteki echi ramurai kuni ku koramkoro; nei ambe anak ne echi gusu an nupeki ne ruwe ne gusu ne na.

Epesos 4:1

Tambe gusu, Utarapa gusu apakashnu guru kuani anak ne, echi okai utara yaieoripakka hene ki, ramushiroma hene ki, ramushiporore hene ki, uwe-utashpa omap hene ki hine uwe-eyai-shiporore hene ki,

Epesos 4:17

Tambe gusu, tapne ku ye wa Utarapa gusu paweteshu ku ki:— Oya utara ka keutum raka-sakbe otta, koro oshike un ramusakbe gusu, koro sarabe nishte wa gusu,

Piripoi 1:7

tambe gusu, ku eishokon ruwe ne: obitta echi utara gusu tap korachi poka ku esanniyo ambe anak ne pirikap ne, inambe gusu ne yakun, ku goro tupep otta hene, pirika shongo gusu kikikara wa ashte ambe otta hene, echi utara obitta en tura irenga koro utara echi ne pakno, echi koro keutura ta en eshkarun ruwe ne gusu ne na.

Piripoi 3:10

ambe ku koro kuni gusu an ambe ne: orowa, kuani anak ne Shinuma newa Shinuma hetopo-shiknu ambe gusu an kiroro newa Shinuma tura ayairamshitnere ambe ki hine ku eraman wa Shinuma ki rai ambe nep koro korachi a en kara;

Piripoi 4:13

ku eyaihannokkara nisa ruwe ne. En tumashnure Kamui oshiketa kuani nep ne yakka ki eashkai ruwe ne.

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

Korosai 1:24

Tane anak ne echi utara gusu ku iki yai ramshitnere arabe ku enupetne ruwe ne, aige, kuani anak Kiristo iki aeramchuptekbe eikohaye ambe karisia ne Shinuma kon netobake gusu ku kara otta kashi iyo wa upakte ruwe ne;

I Tessaronike 3:4

Son no newa, echi tura no okai ash ita anak ne echi utara aeramchutekte kusu ne a arabe irammakaka echi nure ash nisa; iki korachi nep, echi eraman korachi ne ruwe ne gusu ne na.

I Timoteos 2:6

Kiristo Yesu ne, Shinuma anak ne obitta no okai utara kikiraye gusu yaikota yaiyange nisa ruwe ne; aige, yaikota koro pakihi ta aepaweteshu an ambe ne na;

II Timoteos 1:10

aige, nei ambe anak ne chikoro un Kashiobiukip ne Kiristo Yesu ek-hi ani anukare nisa ruwe ne; Shinuma anak ne rai ambe isamka wa pirika shongo ankushkerai inotu newa shomo muninbe sarare nisa ruwe ne;

II Timoteos 1:12

Tap ambe gusu obitta no tan okaibe ku eramushitne wa an: yakka ku yainikoroshma shomoki ruwe ne; inambe gusu ne yakun, ku eishokoro okere guru ku eamkiri, orowa, ku shikkashima re okaibe Shinuma nei toho gusu epungine eashkaibe ne sekoro ku eishokon ruwe ne gusu ne na.

II Timoteos 1:16

Onesiporos koro uni un utara Utarapa erampokiwen wa kore kuni ku koramkoro; inambe gusu ne yakun, shinuma anak ne kanna-kanna en sambe shiturire nisa, orowa,

II Timoteos 2:3

Kiristo Yesu koro pirika tumikoro guru korachi uturu wenbe eyairamshitne yan.

II Timoteos 2:8

Ku iki shongo nei no an, Dabid sanikiri ne, rai-i orowa no hetopo-shiknu Yesu Kiristo eshkarun yan:

II Timoteos 2:9

nei shongo gusu wen-buri ki guru korachi a en tupetupe wenbe eyairamshitne wa an na; koroka, Kamui itak anak ne atupetupe shomoki ruwe ne.

II Timoteos 4:17

Koroka, Utarapa anak ne en samaketa an, awa, en tumashnure nisa ruwe ne; tambe anak ku ankushkerai nei orushpe naa irammakaka aashte kuni, samata, obitta no okai Oya un utara inu kuni ne aki na: orowa nei shishi paro wa a en ohaitare nisa ruwe ne na.

II Timoteos 4:5

Koroka, nep ne yakka gusu yairamatte yan, enishte yan, pirika shongo eupaskuma guru ki kuni ikip ki yan, otta yaishieiwangere ambe uweomare yan.

I Petros 1:5

chikoro Utarapa ne Yesu Kiristo koro Michi newa Kamui anak ne airamye an na.

I Yoannes 4:14

Orowa chi nukara, awa, Michi anak ne moshiri kashiobiukip ne kuni gusu nei Poho ette nisa ruwe ne ari an ambe paweteshu chi ki ruwe ne.

Youdas 1:24

Orowa shui, iteki echi ureepetchiu kuni ne echi shikkashima, orowa, turu-sak no shi no nupetne no koro kotchaketa echi ashte eashkaibe orota,

Ekambakbe 1:2

nei guru anak ne Kamui itak gusu hemhem, Yesu Kiristo koro paweteshu ambe gusu hemhem, nep ne yakka shinuma nukarabe gusu hemhem paweteshu ki nisa ruwe ne.

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 12:11

Orowa, shinuma utara nei Pon-hitsuji koro kem ankushkerai gusu, orowa, koro paweteshu ki itak an gusu nei ambe annokan nisa ruwe ne: orowa, rai oro pakno ne yakka koro inotu shomo omap ruwe ne.

Ekambakbe 19:10

Aige, otta koongami gusu shinuma kotchaketa ku yaihachire nisa ruwe ne. Awa, en orun shinuma ene itak-hi :— Iteki en koongami yan: Kuani ne yakka Yesu paweteshu ambe koro e tura no ne yakka e koro iriwak utara tura no ne yakka iki auitekbe ku ne ruwe ne: Kamui koongami yan: Yesu gusu an paweteshu ambe ikip anak ne uweingara ramat ne ruwe ne gusu ne na.