II Timoteos 1:6 - Ashiri Aeuitaknup Iyohaichish Yona 1897

⁶ Tapan ikkewehe an gusu, ku teke e kashi-ta ku ande ankushkerai Kamui orowa akore ambe e paraparasere kuni ne e eshkarunde ash ruwe ne.

II Timoteos 1:6 ပူးပေါင်းရင်းမြစ်များ

Roukos 19:13

Orowa, koro wa niu ne usshiune utara hotuyepukara wa orota ichen wanbe koropare hine, ku hoshipi pakno iraugetupa yan, ari itak.

Apostoro ikip oma kambi 19:6

Awa, nei kata Pauros anak ne tekehe ande yakun, Ashkanne Ramat nei utara kashiketa ek, aige, usa an itak ani ye hemhem ki, uweingara hemhem ki nisa ruwe ne.

Apostoro ikip oma kambi 6:6

tan okai utara Apostoro kotchaketa aroshkire: orowa, inonno-itak ki okere chiki, kashiketa koro teke ande nisa ruwe ne.

I Tessaronike 5:19

Iteki Ramat ushka yan; uweingarape iteki pange yan;

I Timoteos 4:14

Puresbuteros utara koro teke e kashiketa aande-hi tura uweingara ambe ani akore an eikrap iteki isaika no koro yan.

I Timoteos 4:6

Eani anak ne tapan okaibe iriwak utara eshkarunde chiki, Kiristo Yesu koro pirika diakonos e ne wa, eishokor-i gusu an itak otta hemhem, e iki pirika epakashi otta hemhem areshpa guru e ne kusu ne na:

II Timoteos 2:14

Tapan okaibe gusu nei utara eshkarunde yan, aige, ani eyaiepirikare eaikapbe, nu utara oheugere kuni itak gusu upahunara ambe nei utara itek iki kuni ne Utarapa kotchaketa kashpaotte yan.

II Timoteos 4:2

nei itak eupaskuma yan; pakihi pirika ita ne yakka, pirika pakihi isam ita ne yakka ramma-kane iki yan; shi no ramu-shiporore wa epakashnu tura koipishi wa esanniyo,

Hebraios 6:2

Kamui gusu eishokor-i atte-i hemhem, baptisma gusu an epakashi hemhem, tekehe ande-hi hemhem, rai-i orowa no hetopo-shiknu ambe hemhem, orowa, otusashuishiri pakno gusu an koipishi ambe gusu hemhem an asamaha kanna-shui shomo ande no okai anro.

II Petros 1:12

Tambe gusu, tap okaibe echi eraman, samata, echi tura an sonep orota echi roshki wa okai yakka, tap okaibe echi eshkarunde kuni ne ramma-kane ku etoko-oiki wa an ruwe ne kusu ne na.

II Petros 3:1

Aomap an utara, tambe anak ne echi utara gusu tu ikinne an ku nuye kambi ne ruwe ne; orowa, nei tup otta echi eshkarunde wa echi koro so ne an keutum ku chiukopoyere na;

Youdas 1:5

Orowa, arashui no obitta no okaibe echi eraman a yakka, kuani echi eshkarunde ash rusui na; Utarapa anak ne Echipt moshiri wano utara kashiobas, awa, okaketa, eishokoro shomoki utara isamka nisa ruwe ne.