II Timoteos 1:10 - Ashiri Aeuitaknup Iyohaichish Yona 1897

¹⁰ aige, nei ambe anak ne chikoro un Kashiobiukip ne Kiristo Yesu ek-hi ani anukare nisa ruwe ne; Shinuma anak ne rai ambe isamka wa pirika shongo ankushkerai inotu newa shomo muninbe sarare nisa ruwe ne;

II Timoteos 1:10 ပူးပေါင်းရင်းမြစ်များ

Roukos 11:36

Tambe gusu, e kon netobake ekureok ushike sak no obitta pekere ani eshik wa an chiki, ratchako anak ne koro atte nupeki ani e kotomka pekere nukare korachi, e kon netobake ebitta pekere eshik kusu ne ruwe ne.

Roukos 13:7

Orowa, toita guru otta Shinuma ene itak-hi :— Ingarʼan, Kuani re pa tan ichijiku chikuni ibe o kuni ku ramu wa ibehe hunara gusu ku ek, awa, ibehe isam ruwe ne: nei ambe otuye yan; nep gusu nei ambe ne yakka raka isam no toi gusu aerannakka an ruwe he an?

Roukos 2:11

inambe gusu ne yakun, tan to Dabid kotan ta Utarapa ne Kiristo ani an kashiobiukip echi utara gusu ashikore nisa ruwe ne.

Yoannes 1:9

an gunʼne. Moshirʼotta ek nen ne yakka otta pekere atte son no pekere an ruwe ne.

Yoannes 14:6

Orota Yesu ene itak-hi :— Kuani anak ne ruhu ne, sonep ne, inotu Ku ne ruwe ne; En kari shomoki no Michi orun ek guru isam ruwe ne.

Yoannes 20:31

koroka, teda anuye wa an okaibe anak ne, Yesu anak Kiristo ne, Kamui Poho ne, sekoro echi utara eishokoro kuni gusu chieshinnuye wa an; orowa, echi eishokoro wa Shinuma reihei ani inotu echi koro kuni gusu ne na.

Yoannes 4:42

aige, nei shiwentep otta ene hawe okai-hi :— Tane anak ne e ye itak gusu chi eishokoro shomoki: chi utara yaikota chi nu wa son no newa tambe anak ne moshiri kashiobiuki kunip ne sekoro chi eramʼan ruwe ne gusu ne na, ani itak.

Yoannes 5:40

orowa, inotu echi koro kuni gusu En orun echi araki shomoki ruwe ne.

Apostoro ikip oma kambi 13:23

Tan guru koro santek otta aeuitaknup an korachi Israeru un utara gusu Kamui anak ne Yesu ari an reihei koro Kashiobiukip sange nisa;

Apostoro ikip oma kambi 5:31

Shinuma anak ne Sapane guru newa kashiobiukip ne kuni ne koro shimon tek sam un Kamui riknare nisa; nei ambe anak ne Israeru un utara ayaikokatpakte wa koro chikokatpak atusare kuni ne aki ruwe ne. Awa, chi

Roma 16:26

tane uweingara utara nuye kambi ani nukare anuinap aekambakte-i nei no, otusashuishiri wano otusashuishiri pakno an Kamui ikashpaotte gusu moshiri uirup eishokor-i atte wa aitaknure kuni gusu an ambe nei no echi ashte eashkaibe otta;

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 3:31

Tambe gusu, chi utara anak ne eishokor-i ani tuitak raka-sakte ruwe he an? Ara shomo: koroka, tuitak ashte ruwe ne.

Roma 6:6

chikoro onne ainu Shinuma tura no utasa chikuni otta akotukka, chikokatpak an netobake aisamka wa tewa no chikokatpak orun ausshiunere shomoki kuni gusu chi eraman wa an ruwe ne gusu ne na;

I Korintos 15:26

Iyotta okaketa aisamka kuni epokbap anak ne rai-ambe ne ruwe ne.

I Korintos 4:5

Tambe gusu, ipishi ki kuni pakihi etokota, Utarapa ek pakno, iteki koipishi yan, Shinuma ka kunne-i ta anuina wa an okaibe sarare ka ki, samata, keutum oshiketa an yainu-i anukare kusu ne; nei ita anak ne ainu pishno Kamui orowa no ramuaye kusu ne na.

II Korintos 5:4

Son no poka tan kash oshiketa okai chi utara anak ne pase no ashikere wa oromande; tambe anak ashirarayere rusuibe gusu shomo ne, koroka, kashi chiutomchiure rusuibe gusu ne, aige, rai kuni ambe anak ne inotu ani aruki kuni gusu ne na.

Garatea 5:4

Tuitak gusu aoupekare kuni esanniyo echi utara anak ne Kiristo orowa no aemakap ne, Kamui irenga ehaitap ne ruwe ne na Inambe gusu ne yakun,

Epesos 1:18

shui, echi keutura ta okai shikihi makke hine, gusu echi utara ahotuyekara an chipachipa ambe hemhem, Ashkanne utara eikeshkoro kusu ne nupeki gusu an oteknu ambe hemhem,

Epesos 1:9

Shinunra koro keutum ta an anuinap rengaine a un eramande;

II Tessaronike 2:8

Orowa, okake an koro, Utarapa ne Yesu anak koro paro oma heisepa ani raige wa iki koro ek wa an arabe ani isamka nei ikashpaotte otereke guru anukare kusu ne na;

II Timoteos 1:1

Kiristo Yesu oshiketa an inotu akore kuni eitakamkire an korachi Kamui irenga ankushkerai Kiristo Yesu koro Apostoro ne Pauros ku ne anak ne, ku omap an poho Timoteos otta kambi omande na:

II Timoteos 1:8

Tambe gusu chikoro Utarapa gusu an paweteshu ambe hene, Shinuma gusu upakashnu chisei ta an guru ne kuani gusu hene iteki yainikoroshma yan: koroka, Kamui kiroro nei no an pirika shongo tura wenbe gusu eyairamkoiki yan;

II Timoteos 4:1

Kamui shik-samata hemhem, shiknu guru ne yakka rai guru ne yakka koipishi Kiristo Yesu shik-samata hemhem, samata, Shinuma ek kusu ne a ambe newa koro moshiri ankushtapne e onishnishi ash na;

II Timoteos 4:8

oupeka no koipishi ki Utarapa nei toho ta nei ambe en kore kusu ne: orowa, en otta patek shomo ne, koroka, Shinuma ek kuni ambe omap obitta no okai utara, otta ne yakka akore kusu ne ruwe ne.

Titus 2:11

Inambe gusu ne yakun, Kamui irenga hetuku an wa obitta no okai utara eun kashichiobiuki ambe kore ruwe ne,

Titus 2:13

orowa, nei a shinnunuke an aechipachipa ambe newa chikoro pase Kamui newa un kashiobiukip ne Yesu Kiristo koro arakuru hetuku ambe ehuye ash ruwe ne;

Titus 3:4

Koroka, un kashiobiukip ne Kamui ramu-hauge ambe newa ainu epeka no an omap ambe hetuku an chiki,

Hebraios 10:32

Koroka, echi utara apekereka okaketa aeyairamshitnere gusu an poro ukoiki ambe eyaishiporore teeda an toho eshkarun yan;

II Petros 1:1

Yesu Kiristo koro usshiune guru newa Apostoro ne Simon Petros anak ne, chikoro Kamui newa un Kashiobiukip ne Yesu Kiristo koro oupeka-i otta un tura no ukorachi an aoshkoro eishokor-i akore utara otta,

II Petros 1:11

orowa, tapne kane chikoro Utarapa newa Kashiobiukip ne Yesu Kiristo koro shashuishiri pakno an moshiri orun ahup-i anak ne nuye an no echi kore an ruwe ne gusu ne na.

II Petros 1:3

yaikota koro nupeki newa pirika ambe ani un takbe eraman-i gusu, koro Kamui oma kiroro anak ne inotu newa Kamui ko oripak-i otta an obitta no okaibe un koropare nisa;

II Petros 2:20

nei ambe otta ausshiunere wa an na. Nei utara anak ne Utarapa newa Kashiobiukip ne Yesu Kiristo eramu-an-i gusu moshiri turu-ushbe aohaitare okaketa, shui nei ambe gusu akishima wa aannokara chiki, atpake an katuhu kasu no iyoshi no an katuhu anak nei utara gusu naa wenbe ne ruwe ne gusu ne na.

II Petros 3:18

Koroka, chikoro Utarapa newa un Kashiobiukip ne Yesu Kiristo gusu an irenga newa eramushbe oshiketa shukup yan. Shinuma orota tane ne yakka otusashuishiri pakno ne yakka nupeki an na. Amen.

II Petros 3:2

ashkanne uweingara utara etokota ye itak hene echi eshkarun, samata, echi koro Apostoro utara gusu an Utarapa newa Kashiobiukip sange ikashpaotte hene echi eshkarun kuni ambe ne:

I Yoannes 1:2

(orowa, nei inotu anak ne anukara wa chi nukanʼnisa, gusu paweteshu chi ki, Michi tura no an, awa, un otta anukara, nei inotu, nei rai uina pakno shiknu an inotu orushpe gusu echi nure ash na);

I Yoannes 4:14

Orowa chi nukara, awa, Michi anak ne moshiri kashiobiukip ne kuni gusu nei Poho ette nisa ruwe ne ari an ambe paweteshu chi ki ruwe ne.

Ekambakbe 18:1

Tap okaibe okaketa poro mondum koro wa an kando orowa no ran shiri naa shine hauturumbe ku nukara; aige, shinuma koro araguru gusu moshiri apekereka nisa ruwe ne.

Ekambakbe 2:7

Kisara koro guru anak ne karisia utara orun Ramat ye itak ambe nu yan. Annokara guru otta Kamui Paradeisos ta an inotu oma chikuni nikaop shinuma Ku ibere kusu ne na.

Ekambakbe 20:14

Orowa, rai-i newa Hedes anak ne abe to orota aeyapkiri. Tambe anak, tan abe to anak ne, tutanu an rai ambe ne ruwe ne.

Ekambakbe 22:14

Koro mipihi furaye utara shinnunuke an; nei utara anak ne nei inotu oma chikuni epeka mondum akore, shui, ahunapa kari nei machiya orun ahup kuni gusu an ap ne ruwe ne gusu ne na.

Ekambakbe 22:17

Orowa, Ramat newa nei hoku akore kuni mat anak ne “Araki yan,” ari itak. Orowa, nu gurʼanak ne, shinuma anak “Araki yan,” ari ye yan. Samata iku rusui guru, araki yan: kon rusui guru anak ne rengaine oro isam no nei inotu oma wakka uk yan.