II Tessaronike 3:10 - Ashiri Aeuitaknup Iyohaichish Yona 1897

¹⁰ Inambe gusu ne yakun, echi tumugeta okai ash rapoketa, tambe ikashpaotte ash nisa ruwe ne; — Inan guru ne yakka shomo monraige yakun, shinuma iteki ibe yak pirika.

II Tessaronike 3:10 ပူးပေါင်းရင်းမြစ်များ

Roukos 24:44

Orowa, nei utara orota Shinuma ene itak-hi :— Kuani naa echi tura no an rapoketa echi otta Ku ye itak ambe tambe ne ruwe ne, — Mose tuitak otta hene, Uweingarape otta hene, Iyohaiochish otta hene En gusu otai obitta no anuye wa an okaibe auweomare tusu ne ap ruwe ne na, sekoro itak.

Yoannes 16:4

Koroka, tan orushpe echi otta Ku ye ikkewehe anak ne, nei pakihi hetuku chiki, nei orushpe Kuani echi nure ash a ambe echi eshkarun kuni gusu an ap ne ruwe ne. Orowa, atpake wano tap okai orushpe shomo echi orun Ku ye, echi tura no Ku an nisa ruwe ne gusu ne na.

Apostoro ikip oma kambi 20:18

Awa, araki chiki, orota ene itak-hi :— Asia moshiri ta ku ek atpake an toho wano nekon a ku iki wa ramma kane echi tura no ku an hine, shiri keutum yaieoripakka hene ki,

I Tessaronike 3:4

Son no newa, echi tura no okai ash ita anak ne echi utara aeramchutekte kusu ne a arabe irammakaka echi nure ash nisa; iki korachi nep, echi eraman korachi ne ruwe ne gusu ne na.

I Tessaronike 4:11

samata, echi kashpaotte korachi koro teke ani monraige hine yaikota koro moni esanniyo wa mo no okai kuni ne ramepakari;

II Tessaronike 2:5

Kuani naa echi tura no ku an rapoketa tap okaibe gusu echi nure ash nisa sekorʼambe echi eshkarun shomoki ruwe he an?