II Tessaronike 2:2 - Ashiri Aeuitaknup Iyohaichish Yona 1897

² tambe anak Utarapa toho tane an sekorobe gusu iteki echi keutura autumashire tunash, ramat ani ne yakka, itak ani ne yakka, un orowa no aette kambi ani ne yakka, iteki keutum chiukopoyere kuni

II Tessaronike 2:2 ပူးပေါင်းရင်းမြစ်များ

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Markos 13:7

Orowa, tumiram hene, tumiram assuru hene, echi nu chiki, iteki kimatek yan: tap okaibe hetuku kunip ne ruwe ne! Koroka, keseke anak ne naa shomo ruwe ne!

Roukos 21:19

Echi yaishiporore wa kon ramat echi koro kusu ne.

Roukos 21:9

Orowa, tumiram newa sakayo orushpe echi nu chiki, iteki ishitoma yan: inambe gusu ne yakun, tap okaibe hoshiki no hetuku kusu ne ap; toroka, okesehe anak naa tunash shomo ne ruwe ne.

Yoannes 14:1

Iteki echi sambe chiukopoye yan: Kamui eishokoro, samata En eishokoro yan.

Yoannes 14:27

Itomo echi otta Ku hoppa: Ku goro itomo echi kore ash na: moshiri kore nei no Kuani echi kore shomoki ruwe ne. Iteki echi sambe yaikowepekerere, iteki sambe kimatekte yan.

I Korintos 1:8

echi utara anak ne chikoro Utarapa ne Yesu Kiristo toho ta wen-buri sak no ka okai kuni ne Shinuma anak okese pakno echi tumashnure kusu ne na.

I Korintos 14:32

orowa, uweingara kuni gusu an ramat anak ne uweingara utara aitaknure ruwe ne;

I Korintos 7:26

Tane an shirikirap gusu ainu anak ne tane an korachi an kuni ambe shinuma gusu pirika ruwe ne sekoro ku yainu ruwe ne.

Epesos 5:6

Oha itak ani nenka orowa no iteki aeyaikokandama kuni okai yan: inambe gusu ne yakun, tap okaibe an gusu itakkashi utara kashiketa Kamui irushka-hi kashiaomare ruwe ne gusu ne na.

I Tessaronike 3:3

tambe anak, inan guru ne yakka tapan aeramchuptekbe gusu shomo amoimoigere kuni gusu an ap ne; inambe gusu ne yakun, chi utara anak ne tambe gusu aatte utara chi ne sekoro echi yaikota eraman ruwe ne gusu ne na.

I Tessaronike 4:15

Utarapa itak ani tambe echi orun chi ye, shiknu wa okai chi utara, Utarapa ek-hi pakno okai utara anak, son no poka mokonnoye utara etokota paye shomoki kusu ne.

I Tessaronike 5:2

Inambe gusu ne yakun, Utarapa toho anak ne an noshiketa ek ikka guru korachi ek kusu ne-hi sekoro irammakaka echi yaikota eraman ruwe ne gusu ne na.

II Tessaronike 2:15

Tambe gusu iriwak utara, tumashnu no roshki, orowa, itak ani hene ne ya chi nuye kambi ani hene ne ya aepakashnu oina shikkashima yan.

II Tessaronike 3:17

Pauros ne kuani anak ne yaikota koro teke ani ekap an itak nuye na, nei ambe anak pishno ku sange kambi kata ku goro shirosh ne: nei no ku nuye ruwe ne.

Ekambakbe 19:20

Orowa, nei a chikoikip akishima, samata, ani nei chikoikip koro shirosh aomare utara newa shinuma koro nokaha koongami utara kokandama shinuma shik-samata shirosh iki shunge uweingara guru nei chikoikip tura no akishima nisa ruwe ne: tan tun anak ne shiknu wa an wa iwau ani paraparase abe oma to orun aeyapkiri nisa ruwe ne: