II Tessaronike 1:11 - Ashiri Aeuitaknup Iyohaichish Yona 1897

¹¹ Chikoro Kamui anak ne gusu echi anishuk ambe epeka oupak no an utara echi ne hunak sanniyo hine kiroro ani obitta no okai pirikap kon-rusuibe newa eishokor-i iki ikip uweomare kuni ne, ramma-kane echi utara gusu chi utara ne yakka inonno-itak ash ruwe ne;

II Tessaronike 1:11 ပူးပေါင်းရင်းမြစ်များ

Iyohaichish 138:8

En gusu an orushpe anak ne Ehoba okere kusu ne: Aa Ehoba, E koro rampoken otusashuishiri pakno an; Yaikota E teke ki ikip iteki emaka wa en kore.

Iyohaichish 48:14

Inambe gusu ne yakun, tan Kamui, tan chikoro Kamui anak ne otusashuishiri wano, otusashuishiri pakno an Kamui ne: Shinuma anak ne ramma pakno un tura kusu ne na.

Iyohaichish 51:18

Aokai rengaine Zion orota pirikap ki wa en kore; Yerusarem koro chashi roshkire wa en kore.

Iyohaichish 68:20

Kamui anak ne chi utara gusu kashiobiuki ki Kamui ne; Orowa, rai-i anak ne Utarapa ne Ehoba korobe ne.

Markos 4:28

Toitoi rengaine ibe-o; hoshiki no ra an, orowa no push an, orowa no push otta okai epa ibehe an ruwe ne.

Roukos 12:32

Pon topaha, iteki ishitoma yan; echi otta moshiri akore-i anak ne echi koro Michi pirika irenga ne ruwe ne.

Roma 1:9

Aige, koro Poho gusu an pirika shongo oshiketa, keutum ani otta ku yaishieiwangere Kamui anak ne, shiokere shomoki no echi eshkarun ruwe ne sekoro en gusu ikokanu wa an ruwe ne; hembara ne yakka inonno-itak ku ki wa,

Roma 11:29

Kamui eikrap newa konishuk ambe anak ne aeyaikokatpakbe shomo ne ruwe ne gusu ne na.

Roma 15:14

Orowa, ku iriwak utara, echi utara yaikota pirikap ani aeshik, obitta no okai eramushbe ani aeshik, aine, utashpa uepakashnu eashkai kuni ku eishokon ruwe ne na.

Roma 8:30

orowa, Shinuma etoko wano esanniyo utara, shui, Shinuma nei utara nishuk: orowa, Shinuma nishuk utara, shui, Shinuma oupekare: orowa, Shinuma oupekare utara, shui, Shinuma nupeki kore nisa ruwe ne.

I Korintos 1:8

echi utara anak ne chikoro Utarapa ne Yesu Kiristo toho ta wen-buri sak no ka okai kuni ne Shinuma anak okese pakno echi tumashnure kusu ne na.

Epesos 1:16

inonno-itak ku ki ita echi eshkarun wa ramma echi utara gusu yaiiraige ku ki ruwe ne;

Epesos 1:5

Shinunra etoko wano Yesu Kiristo ankushkerai gusu Kamui yaikota koro poho ne kuni uir kara gusu an ambe esanniyo,

Epesos 1:9

Shinunra koro keutum ta an anuinap rengaine a un eramande;

Piripoi 1:6

echi oshiketa pirika ikip heashire Kamui anak ne Yesu-Kiristo koro toho pakno nei ambe eramushinnere kusu ne a ambe,

Piripoi 2:13

inambe gusu ne yakun, Kamui anak ne koro pirika irenga rengaine gusu echi onnaigeta iki wa echi keutum attere hemhem ki, echi monraigere hemhem ki ruwe ne gusu ne na.

Piripoi 3:14

aige, Kiristo Yesu oshiketa Kamui rik oro atak kuni aoshkorobe ari an oshikpekarep orun ku keshke ruwe ne.

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

II Tessaronike 1:5

tambe anak ne Kamui oupeka an koipishi gusu an anukara shirosh ne; gusu ka echi ramushitne hine Kamui moshiri uina kuni oupak no okai utara echi ne sekoro echi esanniyo an kuni gusu ne na:

II Tessaronike 2:14

chikoro Utarapa ne Yesu Kiristo koro nupeki akore kuni ne, Shinuma anak ne chikoro pirika shongo ankushkerai tata otta echi nishuk nisa ruwe ne.

Hebraios 12:2

aige, chikoro eishokor-i esapane hemhem ki, eramushinnere hemhem ki Yesu orun ingara anro, Shinuma anak ne yaikotchaketa aatte wa an enupetne kunip gusu, aeyainikoroshmarep pange hine, utasa chikuni eyaishiporore nisa, orowa, Kamui araset oshimon samta a shiriki an.

Hebraios 3:1

Tata otta ashkanne iriwak utara, kando orowa no ahotuyepakara utara, chi eishokoro ash okaibe nei

I Petros 5:10

Orowa, Kiristo oshiketa koro aokere shomoki nupeki otta echi tak obitta no okai irenga koro Kamui anak ne, pon no uturuta echi eramusarak okaketa, Shinuma yaikota echi ramushinnere, echi roshkire, echi tumashnure kusu ne.

Ekambakbe 3:4

Koroka koro mipihi shomo turu-ushte moyo an reihei Sardeis kotan ta e koro: aige, nei utara retarape imi wa En tura apkash kusu ne; nei utara oupak utara ne ruwe ne gusu ne na.

Ekambakbe 5:10

moshiri uirup wano hemhem, E koro kemihi ani Kamui gusu utara hok nisa ruwe ne, aige, nei utara ani chikoro Kamui gusu Kamui otta yaishieiwangere utara ne kara; aine, nei utara anak ne moshiri kata epungine kusu ne gusu ne na Orowa,