II Petros 3:16 - Ashiri Aeuitaknup Iyohaichish Yona 1897

¹⁶ nei oshiketa eramuhokamba orushpe okai, aine, erampeutek wa utumashire utara anak ne yaikota isamka gusu moshima okai Kamui kambi poka oheugere korachi, nei ambe ne yakka oheugere ruwe ne.

II Petros 3:16 ပူးပေါင်းရင်းမြစ်များ

Iyohaichish 56:5

Ramne to nei utara anak ne ku ye itak eukopa ruwe ne: Nei utara koro obitta no okai yainu-hi anak ne en wende gusu an ap ne.

Mattaios 15:3

Shinuma ese wa ene itak-hi :— Hemanda gusu echi utara ne yakka yaikota koro oina gusu Kamui ikashpaotte ohaita ruwe he an?

Mattaios 15:6

shinuma anak koro onaha kooripak shomoki kusu ne ruwe ne. Echi utara anak ne koro oina gusu Kamui itak isamka ruwe ne.

Mattaios 22:29

Koroka, nei utara otta Yesu ese wa ene itak-hi :— Echi utara anak ne, Kamui kambi-sosh newa Kamui mondum erampeutek wa gusu ohaita ruwe ne.

Piripoi 3:19

nei utara okere-i anak ne aisamka ambe ne, koro Kamui anak koro honihi ne, aeyainikoroshma kuni ambe iramye, nioshirʼotta okaibe esanniyo ruwe ne.

Hebraios 5:11

Nei ambe gusu aye kuni ambe poron no okai, awa, echi utara nu e wen utara ne ruwe ne gusu, apita kuni hokamba ruwe ne.

Yakob 1:8

tu keutum o guru ne, nep ne yakka gusu maunmaun ruwe ne gusu ne na.

I Petros 1:1

Yesu Kiristo koro apostoro ne Petros anak ne, Michi ne Kamui etoko wano eraman korachi, Yesu Kiristo koro kem aota ambe newa itaknu ambe gusu Ramat ani aashkannere wa,

I Petros 2:8

Orowa, Eshitchiure kuni shuma, epetchiure kuni watara ne akan nisa ruwe ne: inambe gusu ne yakun, nei utara itakkashi wa eshitchiu ruwe ne; nei ambe gusu poka nei utara anak ne aashte nisa ruwe ne.

II Petros 2:1

Koroka, nei utara tumugeta shunge uweingara utara ka hopumba nisa ruwe ne; tambe nei no, chashnu no an aisamka-i yaikoropare, orowa no nei utara hok Nishpa poka eshikashke, Kamui orushpe ohoge yainu ambe nuina no ahupte shunge epakashnu utara echi tumugeta ne yakka hopumba kusu ne na.

II Petros 2:14

koro shikihi anak ne omoinu ani aeshik; katpak okakeanka eaikap; utumashi keutum shiren; koro sarabe yaikoshipuinere shiri ki; aiyoitakushi poho; oupeka ruhu emaka,

II Petros 3:14

Tambe gusu, aomap an utara, tap okaibe echi ehuye wa okai gusu, echi utara anak ne Shinuma tek-samata echi sak no, piri isam no, itomo an no anukara kuni ne shiarikiki no kara yan.

II Petros 3:2

ashkanne uweingara utara etokota ye itak hene echi eshkarun, samata, echi koro Apostoro utara gusu an Utarapa newa Kashiobiukip sange ikashpaotte hene echi eshkarun kuni ambe ne:

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.