II Petros 2:1 - Ashiri Aeuitaknup Iyohaichish Yona 1897

¹ Koroka, nei utara tumugeta shunge uweingara utara ka hopumba nisa ruwe ne; tambe nei no, chashnu no an aisamka-i yaikoropare, orowa no nei utara hok Nishpa poka eshikashke, Kamui orushpe ohoge yainu ambe nuina no ahupte shunge epakashnu utara echi tumugeta ne yakka hopumba kusu ne na.

II Petros 2:1 ပူးပေါင်းရင်းမြစ်များ

Mattaios 10:33

Koroka, nen ne yakka moshima guru tek-samta en eshikashke guru an chiki, Kuani ne yakka kando otta an Ku goro Michi tek samta nei guru eshikashke kusu ne na.

Mattaios 24:11

Orowa, inne shunge uweingara utara hopuni wa poron no okai utara ru turainure kusu ne.

Mattaios 24:24

Inambe gusu ne yakun, inne shunge Kiristo newa shunge uweingara guru hetuku wa poro shirosh poro iyokunnurep nukare; orowa, eashkai chiki anak ne anumge utara ne yakka kokandama kusu ne.

Mattaios 24:5

Inambe gusu ne yakun, inne utara Ku reihei ye hine araki wa :— Kuani anak ne Kiristo ku ne, ari itak, aine, inne utara ru turainure kusu ne.

Mattaios 7:15

Shunge uweingara utara yaitubare yan; nei utara hitsuji rush yaimire wa araki, koroka, keutum anak niwen horokeu korachi ne ruwe ne.

Markos 13:22

inambe gusu ne yakun, shunge Kiristo shunge uweingara utara hetuku wa eashkai chiki anumge utara shiren wa turainure kuni gusu shirosh newa iyokunnurep nukare kusu ne na.

Roukos 12:9

koroka, utara kotchaketa En eshikashke ainu anak ne Kamui hauturumbe kotchaketa aeshikashke an kusu ne na.

Roukos 21:8

Orowa, Shinuma ene itak-hi :— Iteki moshima guru echi kokandama kuni ne yaitubare yan: inambe gusu ne yakun, inne utara Ku reihei ani hine araki wa :— Kuani Shinuma ne, ani itak pakihi ehange no an: nei utara otta iteki paye yan.

Roukos 6:26

Utara obitta echi gusu pirikap ye ita anak ne echi yaisambepokash humi! nei utara koro ekashi anak ne shunge uweingara utara otta nei no ki nisa ruwe ne gusu ne na.

Roma 16:18

Inambe gusu ne yakun, nei utara anak ne Utarapa ne Kiristo otta yaishieiwangere shomoki no koro honihi eyaishieiwangere utara ne; orowa koro hauge-itak koro pirika-itak ani wen-buri sak utara koro sambe kokandama ruwe ne.

I Korintos 11:19

Inambe gusu ne yakun, echi tumugeta auwande wa okai utara anukara kuni ne echi tumugeta Kamui orushpe ohoge yainu ambe ne yakka an a ambe ne ruwe ne gusu ne na.

I Korintos 6:20

oro ani echi ahok okere ruwe ne gusu ne na: tambe gusu echi kon netobake otta an Kamui ko-oripak yan.

I Korintos 7:23

Oro an no echi utara ahok nisa; iteki moshima an guru gusu aeyausshiunere nei no akara yan.

Garatea 2:4

nei ambe anak nuina no aahupte shunge iriwak utara gusu an ambe ne; nei utara un usshiune utara ne akara kuni ne, Kiristo Yesu otta chikoro rengaine an nrondum nukara kuni gusu arorokishne no ahup nisa ruwe ne:

Garatea 3:13

nei ambe otta ishu kusu ne. Kiristo anak ne un gusu aiyoitakushi ambe ne akara gusu, tuitak gusu an iyoitakushi ambe orowa no un kikiraye nisa ruwe ne: inambe gusu ne yakun, ene chieshinnuye wa an :— Chikuni kata aeokte obitta no okai utara pishno aiyoitakushi an na — sekorʼan itak anuye wa an ruwe

Garatea 4:17

Nei utara anak ne shiarikiki no echi hunara ruwe ne koroka pirikap gusu shomo ki; echi utara nei guru hunara kuni gusu, nei utara anak ne echi soita koapa shi rusui ruwe ne na.

Garatea 5:20

aesaman ambe hene, epokbap hene, upaore hene, ikoitupap hene, kinrakarabe hene, sakayo karabe hene, uwekoppa an ambe hene, Kamui orusbpe ohoge yainu ambe hene, eyaitunnap ki ambe hene, ihoshki ambe hene,

Epesos 1:7

Shinunra koro kemihi gusu chi utara anak ne kikiaraye wa katpak

Epesos 4:14

tewa no chi utara anak ne nokan utara shomo chi ne wa, irara wa utara chinorep gusu shomo ashiren wa obitta no okai epakashi gusu koshunge an kokandama ambe ari aye rera ani iteki ekeshne-ekeshne ashishuye kuni gusu an ambe ne;

Piripoi 3:19

nei utara okere-i anak ne aisamka ambe ne, koro Kamui anak koro honihi ne, aeyainikoroshma kuni ambe iramye, nioshirʼotta okaibe esanniyo ruwe ne.

Korosai 2:18

Iteki nenka iki rengaine an yaieoripakka ambe newa Kamui hauturumbe koongamire ambe ani echi koro iwayehe eikkare yan; nei no ikichi gurʼanak ne anukarabe an arabe kata roshki,

Korosai 2:8

Kiristo gusu shomo ne, koroka, utara koro oina gusu hene, moshiri gusu an isaika epakashi gusu hene, koro aeramasure eramushbe newa oira kokandama itak ani iteki echi shiren guru an kuni yaitubare yan:

I Timoteos 5:8

Koroka, inan ainu ne yakka yaikota korobe gusu, makangane yaikota koro uni un utara gusu, etoko-oiki shomoki yakun, shinuma anak aeishokor-i eshikashke ruwe ne, aige, eishokoro shomoki guru kasu no wen guru ne ruwe ne na.

II Timoteos 4:3

pakashnu, onishnishi yan. Inambe gusu ne yakun, nei utara anak ne nisashnu an epakashi kopange pakihi ek kusu ne; koroka, mayaige kisara koro hine yaikota koro iki rusui keutura kopakeat epakashnu utara yaikota gusu roshki kusu ne;

Titus 1:11

aige, nei utara koro paro aseshke kunip ne; nei utara anak ne ramne an chisei hokushte utara ne wa aetunne kuni ani eyaiepirikare ambe gusu shomo epakashnu kunip epakashnu ruwe ne.

Titus 3:10

Kamui orushpe ohoge yainu gurʼanak ne ara-shui tu-shui epakashnu okake eshishi yan;

Hebraios 10:29

awa, Kamui Poho ekema-pok-otereke hemhem ki, orowa, ani aashkannere aeuitaknu kemihi use ambe ne ari yainu hemhem ki, orowa, irenga an Ramat gusu shomo eyaikatanu hemhem ki utara anak ne, hemanda naa yupke no apanakte kunip ne sekoro echi ramu ya?

I Petros 1:8

Shomo Shinuma echi nukara yakka ko-omap ruwe ne; tane shomo echi nukara yakka, Shinuma eishokoro wa nupeki ani aeshik aye eaikap pakno an nupetne ambe ani echi poron no enupetne ruwe ne: aige,

II Petros 2:3

Orowa, yaikoshipuinere ki wa shiwayashnure itak ani echi iraugetupa kusu ne; nei utara gusu an aesanniyop anak ne fushko wano tane poka tere shomoki, koro aisamka-i mokoro shomoki ruwe ne.

I Yoannes 2:26

Echi shiren wa turainure utara gusu tap okaibe ku nuye nisa.

I Yoannes 4:1

Aomap an utara, obitta no okai ramat pishno iteki eishokoro yan, koroka, Kamui orowa no okaibe ne ya shomo ne ya ingara kuni ne, nei ramat uwande yan: inambe gusu ne yakun, inne no okai shunge uweingara utara moshiri orota paye nisa ruwe ne gusu ne na.

Youdas 1:18

okese an paki ita yaikota koro Kamui koatcha an hoiyo keutum nei no apkash wa eoyaitak ki utara araki kusu ne, ari an itak ani echi epakashnu

Youdas 1:4

Inambe gusu ne yakun, nuina no ahup utara okai; nei utara anak ne tap aesanniyo ambe gusu fushkotoi wano aashte utara ne, shomo Kamui ko-oripak, chikoro Kamui sange irenga ani ramupekere ne kara, patek chikoro Nishpa newa Utarapa ne Yesu Kiristo shikashke utara ne ruwe ne gusu ne na.

Ekambakbe 13:14

Aige, nei chikoikip kotchaketa akire kuni gusu an shirosh ankushkerai shinuma anak ne moshiri kata oshiroma utara kokandama; nei a rangetam eshirikik piri koro wa shiknu chikoikip gusu nokaha kara kuni ne moshiri kata oshiroma utara otta ye ruwe ne.

Ekambakbe 2:13

Nei uren notaku ibetam koro guru ene itak-hi: Otta e oshiroma ushike, Satan koro amset an ushike Ku eraman: orowa, eani anak ne Ku reihei shiyuppa no shikkashima, aige, Satan oshiroma ushiketa, echi tumugeta araige Ku goro ikipniukesh guru, en gusu an paweteshu ki Antipas toho ta poka en gusu an eishokor-i shomo e eshikashke ambe Ku eraman.

Ekambakbe 2:9

Atpake an, iyoshi no an, rai okere wa ishu ambe ene itak-hi: E ki eramchuptekbe newa e irapokkari an ambe Ku eraman (koroka oteknu ambe e ne), samata, Yudea un utara ne ari yaikota ye a koroka Yudea un utara shomo ne Satan uwekari un utara ne sekorʼan utara iki koatcha ambe Ku eraman.

Ekambakbe 3:8

e ki ikip Ku eraman (ingarʼan, nen ne yakka seshke eaikap asarare wa an apa e kore ash na), eani anak ne pon no kiroro koro, orowa, Ku itak shikkashima, aige, Ku reihei shomo eshikashke nisa ruwe ne.

Ekambakbe 5:9

Orowa, nei utara anak ne ashiri shinotcha iki wa ene itak-hi :— Aokai anak ne nei kambi-sosh uk hemhem iki, nei han maka hemhem iki kuni oupakbe E ne ruwe ne: inambe gusu ne yakun, Aokai anak ne araige an, awa, obitta no okai ainu ikiri wano hemhem, parumbe wano hemhem, utara wano hemhem,

Ekambakbe 6:10

awa, nei utara shiri poro hawe ani hawe ashte wa ene itak-hi :— Aa Esapane-nishpa, ashkanne newa sonep, hembara pakno aokai anak ne moshiri kata oshiroma utara epeka chikoro kem gusu shomo koipishi wa ikemnu ya?