II Petros 1:6 - Ashiri Aeuitaknup Iyohaichish Yona 1897

⁶ orowa, eraman-i otta yaishikkashima ambe iyo; orowa, yaishikkashima ambe otta yaishiporore ambe iyo; orowa, yaishiporore ambe otta Kamui ko-oripak ambe iyo;

II Petros 1:6 ပူးပေါင်းရင်းမြစ်များ

Iyohaichish 37:7

Ehoba gusu mo no okai, ramushiroma no Shinuma etere yan: Kon ru otta eyaiepirikare guru gusu, Wen aesanniyop hetukure guru gusu, iteki keutum yaiseisekka yan.

Roukos 21:19

Echi yaishiporore wa kon ramat echi koro kusu ne.

Roukos 8:15

Orowa, pirika toi otta okaibe anak ne, oheuge-sak newa pirika keutura koro wa itak nu hine yupke no shikkashima wa yaishiporore wa ibehe hetubare utara ne ruwe ne.

Apostoro ikip oma kambi 24:25

Orowa, shinuma oupeka ambe gusu hemhem, yaishikkashima ambe gusu hemhem, ek kushki koipishi ambe gusu hemhem eukoyupekere rapoketa, Ferik kimatek wa ene itak-hi :— Tane gusu paye yan; pirika pakihi ku nukara wa e hotuyekara ash kusu ne na, ari itak

Roma 15:4

Nep ne yakka etoko wano anuye okaibe anak ne obitta un epakashnu gusu chieshinnuye nisa ruwe ne; chi utara anak ne yaiyupupu ambe gusu hemhem, Kamui nuyere itak gusu hetuku omaoma ambe gusu hemhem chipachipa kuni gusu ne na.

Roma 2:7

pirika ikip kara kuni yaiyupupu hine nupeki newa aeoripakbe newa shomo muninbe hunara utara otta otusashuishiri pakno no an inotu:

Roma 8:25

Koroka, shomo nukarabe gusu chi utara chipachipa ash yakun yaiyupupu wa nei ambe koro kuni etere ruwe ne.

I Korintos 9:25

Uwetushmak wa iki gurʼanak ne nep nep ne yakka gusu yaishikashima ruwe ne. Onnere yan, nei utara anak ne munin kuni sapa-umbe eungerai gusu ki ruwe ne, chi utara anak shomo muninbe eungerai gusu ki ruwe ne na.

II Korintos 6:4

koroka, nep ne yakka otta Kamui gusu yaishieiwangere utara chi ne korachi yaikota yairamatte no okai anro; poron no an yaiyupupu ambe otta hene, aeramchuptekbe otta hene,

Garatea 5:23

ramushiroma ambe hene, yaishikkashima ambe hene ne ruwe ne: nei okaibe epokba tuitak isam ruwe ne.

Korosai 1:11

Shinuma koro nupeki ani kiroro an korachi, nupetne hine obitta no okai yaiyupupu arabe newa ramushiporore ambe gusu, obitta no okai kiroro ani atumashnure:

I Tessaronike 1:3

aige, Michi ne chikoro Kamui kotchaketa an eishokor-i oma ikip newa omap oma monraige ambe newa chikoro Utarapa ne Yesu Kiristo oshiketa chipachipa oma yaiyupupu ambe newa chi eshkarun wa iki na;

II Tessaronike 1:4

obitta no okai echi eyaishiporore aekeshke arabe newa aerarachuptekbe uturu echi ki yaiyupupu arabe newa eishokor-i gusu Kamui karisia tumta echi utara gusu chi utara yaiomonnure ash pakno ne ruwe ne;

II Tessaronike 3:5

Utarapa anak ne Kamui omap-i otta hemhem, Kiristo gusu an yaiyupupu ambe otta hemhem echi koro sambe tura kuni akoramkon na.

I Timoteos 2:10

(Kamui kooripak sekoro ye shiwente utara kopakeat korachi) pirika ikip ani ki yan.

I Timoteos 2:2

Moshiri shikkashima utara newa pase nrondum koro utara gusu ne yakka; tambe anak nekon a ka Kamui kooripak an no yaikatanu hine ratchitara wa itomo kon no oshiroma kuni gusu ne na.

I Timoteos 3:16

Orowa, shomo aye a yakka, Kamui kooripak gusu an mukke ambe anak ne poro ruwe ne; Shinuma anak ne kam oshiketa anukara, ramat oshiketa oupekap ne aesanniyo, Kamui hau-turumbe orowa no anukara, moshiri uirup tumuge ta aeupaskuma, moshiri kata aeishokoro an, arakuru orun auk okere na.

I Timoteos 6:11

Koroka, Kamui koro ainu e ne gusu, tap okaibe eshaot yan; aige, oupeka ambe, Kamui kooripak ambe, eishokor-i atte ambe, omap ambe, yaiyupupu ambe,

I Timoteos 6:3

Moshima okai epakashi epakashnu hine, nisashnu itak, chikoro Utarapa ne Yesu Kiristo koro itak otta hemhem Kamui kooripak korachi an epakashi otta hemhem ramuoshma shomoki guru an chiki:

I Timoteos 6:6

Koroka, Kamui kooripak wa yaiyainuwere ambe anak ne poro aepirikarep ne:

II Timoteos 3:5

koetaraka iki, pakesara, Kamui koomap kasu no yainupetnere ambe koomap utara ne; Kamui koori-pak noine an katuhu koro, koroka, nei kiroro eshikashke:

Titus 1:1

Kamui koro usshiune guru ne, samata, Kamui koro anumge wa okai utara atte eishokor-i newa Kamui kooripak ambe nepkoro an sonep eramu ambe nei no an wa Yesu Kiristo koro Apostoro ne Pauros

Titus 1:8

koroka, ikateomare ki, pirikap koomap, yaikatanu wa an, oupeka, ashkanne keutum koro, yaishikkashima kunip ne; orowa, shinuma

Titus 2:2

onne utara yairamatte, yaikatanu keutum yaieashirikara, eishokor-i gusu nisashnu, omap ki,

Hebraios 10:36

Inambe gusu ne yakun, yaiyupupu ambe anak echi koro kunip ne, Kamui irenga echi ki okere chiki, nei eitakamkirep koro kuni gusu ne na.

Hebraios 12:1

Tambe gusu, chi utara ne yakka, tap korachi an nishkuru nepkoro inne paweteshu ki utara koro wa okai gusu, ene irammakaka un nikkotama obitta no okai aeoshirokokbap newa chikokatpak oyakta ande hine, yaishiporore wa un kotchaketa aatte wa an uwetushmak kuni ambe otta hoyuppa anro,

Hebraios 6:12

toranne utara shomo ne, koroka, eishokor-i newa yaiyupupu ambe ankushkerai eitakamkirep eikeshkoro utara echi ikoisamba kuni akon rusui ruwe ne.

Hebraios 6:15

Aige, tap korachi yaiyupupu wa yaishiporore gusu, shinuma nei aeitakamkirep akore nisa ruwe ne.

II Petros 1:3

yaikota koro nupeki newa pirika ambe ani un takbe eraman-i gusu, koro Kamui oma kiroro anak ne inotu newa Kamui ko oripak-i otta an obitta no okaibe un koropare nisa;

II Petros 3:11

Tap korachi tap okaibe nin wa aisamka kuni ambe ne sekoro chi eraman gusu, turu-sak no moshiri koishu hene ki,

Ekambakbe 1:9

Yesu oshiketa an aeramchuptekbe hemhem moshiri hemhem yaiyupupu ambe hemhem e tura no iki e koro iriwak ne Yoannes kuani anak ne, Kamui itak newa Yesu gusu an paweteshu ambe newa gusu Patmos ari aporose repun shiri ku an nisa ruwe ne.

Ekambakbe 13:10

Teke pashte guru an yakun, teke apashte kusu ne: rangetam ani raige guru an yakun, rangetam ani araige kusu ne. Tata otta ashkanne utara iki yaiyupupu ambe newa eishokor-i an ruwe ne.

Ekambakbe 14:12

Kamui ikashpaotte newa Yesu gusu an eishokor-i newa shikkashima utara otta, tata otta yaiyupupu ambe an na.

Ekambakbe 2:2

E iki ambe hemhem, e tumutui ambe hemhem, e yaiyupupu ambe hemhem, samata, wen utara tura e an eaikapbe, orowa, Apostoro shomo ne okai hine apostoro ari an reihei ani yaiporose utara uwande wa shunge utara ne sekoro e nukara ambe Ku eraman;